YEREMIA 40:9 - KITTA' MATANGKASA'

⁹ Nakanamo Gedalya ri ke'nanga, “Tena nuparallu malla' manyara mae ri tu Babel. Ammantang mako ri pa'rasanganta anne, siagang a'jari mako ata mae ri karaeng Babel. Kutanggongiko lasalama' ngaseng.

YEREMIA 40:9 ပူးပေါင်းရင်းမြစ်များ

PA'JARIANG 49:15

Naciniki antekamma baji'na anjo tampaka antekamma ga'gana anjo pa'rasanganga, na'dundumo rella nipitekeki, na nipassa anjama a'jari ata.

2 KARAENG-KARAENG 25:24

Nakanamo Gedalya ri ke'nanga, “Tena nuparallu malla' ri pamarentana tu Babel. Ammantang mako anrinni ri pa'rasanganta siagang pa'jarimi ata kalennu mae ri karaeng Babel. Kutanggongi kasalamakkannu.”

PAMMUJI 128:2

Langnganreko battu ri wassele' jama-jamannu, attallasa' kala'biang siagang salewangang.

PAMMUJI 37:3

Tappakko ri Batara, siagang gaukangi bajika, ammantang mako ri anjo pa'rasanganga siagang teako amminrai.

YEREMIA 27:11

Mingka bansa eroka tundu' siagang a'jari ata mae ri karaeng Babel laKulappassangi ammantang ri butta passolongang cera' kalenna, siagang a'lamung-lamung anjoreng. INakke, Batara anne akkana.”

PIRAUNG 1:1

Tamaka sinona Yerusalem anne kamma, kota suara' dudua riolo. Tamaka porena riolo ri alla'na bansa-bansaya, anne kamma rapammi janda. Riolo kontui kota kaminang nisomba, anne kamma nipa'jarimi ata.

PIRAUNG 5:9

Pantaranna kotaya, jai pabuno tau a'jappai; tuli a'reppeseki bala kamateanga ri wattu a'boyana kanre ikambe.