YEREMIA 40:8 - KITTA' MATANGKASA'

⁸ Jari Ismael ana'na Netanya, Yohanan ana'na Kareah, Seraya ana'na Tanhumet, siagang ana'-ana'na Efai battu ri Netofa, kammayatompa Yezanya battu ri Maakha, a'lampa ngasengi siagang taunna ke'nanga mange ri Gedalya ri Mizpa.

YEREMIA 40:8 ပူးပေါင်းရင်းမြစ်များ

2 SAMUEL 10:6

Nampa naassemmo kalenna tu Amon angkanaya anjo panggaukanna ke'nanga a'jari passabakkang nanimusumo ke'nanga ri Daud. Lanri kammana anjo assewami ke'nanga 20.000 jaina tantara tu Siria niaka ammantang ri Bet-Rehob siagang Zoba, siagang 12.000 jaina tantara battu ri Tob, kammayatompa karaenna pa'rasangang Maakha siagang 1.000 tau ana' buana.

2 SAMUEL 10:8

Assulu'mi tu Amon siagang naatoro'mi barisanna ri dallekang pakke'bu' lompona Raba ibukotana pa'rasanganna ke'nanga; nampa tu Siria, tu Tob siagang Maakha naatoroki barisanna ke'nanga ri paranga.

2 KARAENG-KARAENG 25:23

Ri wattunna nalangngere' sikamma perwira tantarana Yehuda siagang tantara Yehuda tenaya napassareangi kalenna mae ri tu Babel anjo kabaraka, battu ngasemmi ke'nanga mange ri Gedalya ri Mizpa. Anjo perwira-perwiraya iamintu Ismael ana'na Netanya, Yohanan ana'na Kareah, Seraya ana'na Tanhumet battu ri kota Netofa, siagang Yazanya battu ri kota Maakha.

2 KARAENG-KARAENG 25:25

Mingka ri bulang 7 anjo taunga, Ismael ana'na Netanya cucunna Elisama, sisambung bijaya ija siagang karaenga, a'lampai siagang 10 tau mange ri Mizpa. Nabakkai siagang nabunoi ke'nanga anjo Gedalya siagang tu Yehuda na tu Babel niaka naagang.

1 PATTOTTORANG 2:48

Kaleb nia' baine maraenna niarenga Maakha. Battu ri iami nanggappa Kaleb rua ana' bura'ne niarenga: Seber siagang Tirhana;

1 PATTOTTORANG 2:54

Salma, ambangungai kota Betlehem, iami boe-boena tu Netofa, tu Atarot-Bet-Yoab, siagang tu Zori, iamintu kalase'renna ri anne ruaya turunganga ammantang ri Manahti.

EZRA 2:2

Ia pamimping-pamimpinna ke'nanga iamintu: Zerubabel, Yesua, Nehemia, Seraya, Reelaya, Mordekhai, Bilsan, Mispar, Bigwai, Rehum, siagang Baana. Iaminne dattara'na golongang kaluarga Israel siagang siapa jaina ke'nanga battu ri tasse're golongang, ammotereka battu ri pa'rasangang pammelakkang:

NEHEMIA 7:26

Sikamma tau ammantanga boe-boena ri kota-kota nipaua anne irawa, ammotere' tongi battu ri pa'rasangang pammelakkanga: Kota Betlehem siagang Netofa – 188 tau Anatot – 128 tau Bet-Azmawet – 42 tau Kiryat-Yearim, Kefira, Beerot – 743 tau Rama siagang Gaba – 621 tau Mikhmas – 122 tau Betel siagang Ai – 123 tau Nebo maraenga – 52 tau Elam maraenga – 1.254 tau Harim – 320 tau Yerikho – 345 tau Lod, Hadid, Ono – 721 tau Senaa – 3.930 tau

YEREMIA 37:15

Sanna' larrona ke'nanga ri nakke, siagang naparentakammi ke'nanga sollangku niba'ji nampa nikurung ri balla'na Yonatan, juru tulisi'na pamarentaya. Anjo ballaka nipa'jarimi balla' tarungku.

YEREMIA 37:20

Kamma-kamma anne, karaeng nipakala'birikku, kipilangngeri laloi anne pappalakku. Tea' laloki kiringia' ammotere' mange ri balla' tarungku niaka ri balla'na Yonatan, gassingka matea' sallang anjoreng.”

YEREMIA 38:26

Pau mami angkanaya nunyonyoka' sollanna tena kukiringko ammotere' mange ri tarungkua nampa mate anjoreng.”

YEREMIA 40:11

Lalang anjo wattua sikontu tu Israel niaka ri pa'rasangang Moab, Amon, Edom, siagang pa'rasangang-pa'rasangang maraenga, nalangngereki angkanaya karaeng Babel nasaremi ising sipa'gang tu Israel ammantang ri Yehuda, kammayatompa angkanaya le'ba'mi naangka' Gedalya a'jari guburnur.

YEREMIA 40:13

Le'baki anjo, Yohanan siagang sikamma perwira tenaya namanyara mae ri musua, battui mange ri Gedalya ri Mizpa

YEREMIA 40:14

nampa angkana, “Nuassenji angkanaya Baalis, iamintu karaeng Amon, le'baki nasuro Ismael untu' ambunoko?” Mingka tena natappa' Gedalya mae ri kananna ke'nanga.

YEREMIA 40:15

Nampa a'bicara cokko-cokkomi Yohanan mae ri Gedalya angkana, “Baji'mi nakua'lampa ambunoi Ismael; tena manna sitau langngassengi angkana inai ambunoi. Angngapa namusti nilappassang ambunoko? Anjo sallang kale'bakkanna sikontu tu Yehuda asse'reamo anrinni siagang ikau, lasisa'la'-sa'laki ammotere', sa'genna akkullei ancuru' sikontu ra'ya' niaka ija tassesa ri Yehuda.”

YEREMIA 40:6

A'lampa' mange ri Gedalya ri Mizpa, nampa ammantang anjoreng ti tangnga-tangngana ra'ya' nibolika ri pa'rasangang Yehuda.

YEREMIA 41:1

Ri bulang tuju anjo taunga, Ismael ana'na Netanya cucunna Elisama a'lampai siagang sampulo tau mange ri Mizpa untu' assibuntulu' siagang Gedalya. (Ismael iamintu sitau bija karaeng, kalase'renna perwira tinggia ri kakaraenganga.) Lalang sipangnganreang ngasenna ke'nanga,

YEREMIA 41:11

Yohanan ana'na Kareah siagang sikontu perwira naaganga nalangngereki kabara'na anjo kaja'dallang nagaukanga Ismael.

YEREMIA 41:2

Ismael siagang anjo sampuloa tau nabi'bu'mi pa'danna ke'nanga nampa nabuno Gedalya, anjo guburnur niangkaka ri tu Babel.

YEREMIA 42:1

Le'baki anjo, yangasenna taua, lompo ca'di, siagang sikamma perwiraya, kammayatompa Yohanan ana'na Kareah siagang Azarya ana'na Hosaya battui

YEREMIA 42:8

Jari kukio'mi Yohanan siagang sikamma perwira-perwirana kammayatompa sikontu tau maraenga niaka naagang battu.

YEREMIA 43:2

Nampa Azarya ana'na Hosaya siagang Yohanan ana'na Kareah kammayatompa sikontu tau maraeng tampoa ngaseng, nakana ri nakke, “A'balle-balleko. Tena Nasuroko Karaeng Allata'alana ikambe ampisangkai ikambe untu' a'lampa mange ammantang ri Mesir.

YEREMIA 43:5

Yohanan siagang anjo sikontu perwiraya naerangi mange ri Mesir sikamma tau niaka ija ri Yehuda, kammayatompa sikontu tau niakamo ammotere' battu ri pa'rasangang maraeng, tampa'na ke'nanga tassiara'.

PAOLE 3:14

Yair battu ri suku Manasye angngallei anjo sikontu daera Argob, iamintu battu ri Basan sa'genna ri pa'baeng-baenna Gesur siagang Maakha. Naaremmi anjo desa-desaya sangkamma areng kalenna, na sa'genna kamma-kamma anne tuli alla'banna niasseng salaku desa-desa Yair.)

YOSUA 12:5

Daera kakoasanna iamintu Moncong Hermon, Salkha, siagang sikontu daera Basan sa'genna daera Gesur siagang Maakha; kammayatompa antamaki bageruanna daera Gilead sa'genna daera kakoasanna Karaeng Sihon ri kota Hesybon.