YEREMIA 40:10 - KITTA' MATANGKASA'

¹⁰ Ammantang mako ri kota-kota nungaia, siagang appasse're mako nummoli' anggoro', rappo-rappoang siagang minynya' zaitun. Inakke kalengku lammantanga' ri Mizpa siagang kuwakkeli ra'yaka punna battu mae anrinni tu Babel.”

YEREMIA 40:10 ပူးပေါင်းရင်းမြစ်များ

2 SAMUEL 16:1

Ri wattu beru nalaloina Daud coppo'na anjo bontoa, ti'ring battumi Ziba atanna Mefiboset, ambuntuli siagang angngerang sipasang keledai attekeka ruambilangngang batuna roti, sibilangngang tangkenna anggoro' kalotoro' siagang sibilangngang sikko'na rappo-rappoang berua ija kammayatompa sipammoneang je'ne' anggoro'.

1 KARAENG-KARAENG 10:8

Teai sipato' upa'na ngaseng anjo bainenta! Siagang teai sipato' upa'na sikamma pagawe-pagawe tuli anjamaya untu' ikatte sa'genna akkulle nalangngere' battu ri kalenta sikontu pangngajarang pangngassengang tinggia mabajika.

PANGNGEBARANG 22:29

Le'bakko anciniki tau cara'deka anggaukangi jama-jamanna? Anjo taua lanisarei jama-jamang ri balla' lompona sikamma karaenga, teai balla' biasaya.

PANGNGEBARANG 27:25

Rukuka ri paranga siagang ri monconga nibattasaki siagang nipasse'rei untu' anjo olo'-olo'nu, mingka ilalang kamma-kammana anjo attimbomi pole ruku'-ruku' berua.

YESAYA 16:9

Kamma-kamma anne kukarrukimi poko' anggoro'na Sibma rapang angkarruki Yaezer. Ammattiki je'ne' matangku lanri Hesybon siagang Eleale, lanri wassele' buttana la'busu'mi nikanre ri musua.

YEREMIA 35:19

Lanri kammana anjo, iNakke, Batara Kaminang Koasaya, iamintu Allata'alana Israel, a'janjiA' angkanaya battu ri jari-jarina Yonadab ana'na Rekhab, tuli lania'na tu bura'ne allayani ri Nakke.”

YEREMIA 39:10

Sipa'gang ra'ya' kaminang kasi-asia siagang tenaya barang-baranna, nibokoi ri Yehuda siagang nisarei koko anggoro' siagang koko maraenga.

YEREMIA 40:12

Lanri kammana anjo, nabokoimi tampa'-tampa' napammantangia ke'nanga nipasisa'la'-sa'la', nampa ammotere' mange ri Yehuda. Battui ke'nanga mange ri Gedalya ri Mizpa, siagang appa'rappungi ke'nanga sanna' jaina anggoro' siagang rappo-rappoang.

YEREMIA 40:6

A'lampa' mange ri Gedalya ri Mizpa, nampa ammantang anjoreng ti tangnga-tangngana ra'ya' nibolika ri pa'rasangang Yehuda.

YEREMIA 43:5

Yohanan siagang anjo sikontu perwiraya naerangi mange ri Mesir sikamma tau niaka ija ri Yehuda, kammayatompa sikontu tau niakamo ammotere' battu ri pa'rasangang maraeng, tampa'na ke'nanga tassiara'.

YEREMIA 48:32

Lala'biangang Kukarrukinna pandudu'na Sibma na pandudu'na Yaezer. Kota Sibma rapangi lamungang anggoro' a'la'banga mange-mange tangkenna sa'genna ri ba'leanna Tamparang Matea, kamma bellana Yaezer. Mingka kamma-kamma anne rappo-rapponna ri wattu timoroka siagang rappo anggoro'na le'ba'mi nipanraki.

MIKHA 7:1

Cilakama' inakke! Rapanga' tau cipuruka a'lampa mange angngattili' rappo anggoro' ri wattunna allalomo wattu rappoa. Tena rapponna poko' rappo-rappoanga. Rappo anggoroka siagang rappo ara bajika la'busu' kabusu'mi nialle.

LUKAS 21:36

A'jaga-jagako, siagang tuli appala' doangko sollanna numajarre' andallekangi sikamma anjo apa lakajarianga, siagang nukkulle andallekang ri Ana' Ma'rupataua.”

PAOLE 1:38

Mingka pakajarreki nyawana pambantunu, iamintu Yosua ana'na Nun. Iami lampimpingi tu Israel langngallei anjo buttaya.’

PAOLE 16:13

“Punna le'ba'mo nulessoro' gandunnu, siagang le'ba' ngasemmi nipacco' rappo anggoro'nu, musti nupakalompoi Allo Lompo Pa'ballakang Leko'-leko' Kayua, lalang tuju allo.