YEREMIA 4:28 - KITTA' MATANGKASA'

²⁸ Lasusai buttaya, sassang makkapuki langika. Le'ba'mi akkana Batara siagang talaNapinrayami rancanaNa. Le'ba'mi Napattantu Natappuki talammonokai manna sike'de'.

YEREMIA 4:28 ပူးပေါင်းရင်းမြစ်များ

YESAYA 24:4

La'jari kalotoroki siagang kalumengi buttaya, sikontu linoa lata'ronangi. Langika siagang buttaya para lata'ronangi.

YESAYA 34:4

Mataalloa, bulanga siagang sikamma bintoenga laancuruki. Langika lanigulungi sanrapang gulungang karattasa'. Latu'guruki sikamma bintoenga rapang leko'-leko' kayu runanga battu ri poko' kayua.

YESAYA 5:30

Anjo wattua nia' kalangngerang sa'ra pakkio' bundu' ri sikontu pa'rasangang Israel, kamma sarrinna arrunna bombang tamparanga. Ciniki, sassangi sikontu anjo pa'rasanganga, rassi kasukkarang. Singaraka a'jari sassang makkapu'.

YESAYA 50:3

Kupa'jari le'leng pakkaki langika, KalengKu antongkoki rapang kaeng le'leng tanra kasusaang.”

YEREMIA 12:11

Ba, Kucini' ngasengi ke'nanga ampa'jari tampa' sinoi pa'rasangangKu, appakapacce pa'mai'. Ta'ronang ngasemmi, tenamo amparhatikangi.

YEREMIA 12:4

Siapapi sallona kalotoro' anne pa'rasanganga, siagang kalumeng rukuka ri tunggala' kokoa? Matemi jangang-janganga siagang olo'-olo' maraengannaya lanri kaja'dallanna bansana ikambe. Nakana ke'nanga, angkanaya talakucinikai sarenna ke'nanga.”

YEREMIA 14:2

“Si'nai pa'mai'na Yehuda a'birimmi kamma mate kota-kotana. Anra'bami naung taunna ri buttaya nakkunrareng. Ammuriciki Yerusalem appala' tulung.

YEREMIA 23:10

Pa'rasanganta rassi siagang tau tenaya namajarre' tappa'na mae ri Batara. Ja'dalaki ke'nanga lalang katallassanna siagang napake salai kakoasanna ke'nanga. Lanri pangngalarroinNa Batara, a'jari kalotoroki rukuka ri parang siagang sikontu pa'rasanganga susa ngasengi.

YEREMIA 23:20

Talanaungai larroNa lalang tenanapa na'rupa ngaseng sikontu rancanaNa. Ri bokoangallo lanapahang bajiki umma'Na Batara anjo passalaka.”

YEREMIA 51:12

Assareko tanra untu' maju ambunduki tembo'-tembo'na Babel. Pakajarreki pa'jaganga. Appa'niakko pajaga. Apparuruko untu' maju a'bakka!” Napa'rupami Batara apa le'baka Narancanakang mae ri tu Babel.

YEREMIA 7:16

Nakana Batara, “Yeremia, teako pappala' doangngangi anne sikamma taua. Teako appala' tulungi yareka appala' doangngi untu' ke'nanga; teako passaiA', nasaba' taeroKa' ampilangngeri anjo pappalaka.

PIRAUNG 2:17

Nagaukammi pa'gammara'Na Batara apa le'baka Narancana riolo na Napappakaingakkang mae ri katte. Tamammaling-malimmi angngancurukki', Nasarei musua pammetang. Napa'jari rannui ke'nanga anciniki katu'guranta.

YEHEZKIEL 24:14

INakke, Batara Kaminang Tinggia, anne akkana. Narapi'mi wattungKu untu' angngalle tindakang. Tena nalaKukaluppai dosanu siagang tena nalaKupammopporang yareka tena nalaKukamaseangko. LaKuhukkungko situru' sikontu panggaukannu. INakke, Batara Kaminang Tinggia, anne akkana.”

HOSEA 13:14

Anne bansaya tena nalaKupasalamaki battu ri linona tau matea. He kamateanga, pa'la'bammi racunnu! Gaukammi anjo jama-jamannu angngancuruka! Tenamo naKukamaseangi anne bansaya.

HOSEA 4:3

Lanri kammana anjo anne pa'rasanganga la'jari kalotoroki, siagang sikontu apa attallasaka anjoreng lamate kabusuki. Sikontu rupanna olo'-olo' niaka ri allaka, ri buttaya siagang ri tamparanga lapanra' kabusuki.”

YO"EL 1:10

Ancuru'mi kamma-kamma anne sikamma kokoa. Susami buttaya; nasaba' puttami sikontu gandunga, kalotoro'mi rapponna anggoroka, na cappu'mo minynya' zaitunga.

ZAKHARIA 8:14

Nakana Batara Kaminang Koasaya, “Ri wattungKu napakalarro boe-boenu, Kupattantumi untu' anghukkung sannaki ke'nanga. Tena naKupinrai anjo kaputusangKu, passangalinna Kurupai tojengi.

PAMMILANGNGANG 23:19

Anjo Allata'ala tena nasangkamma rupataua gampanga assesse' lalang siagang nangaia a'balle-balle. Punna a'janji Allata'ala, mattantu laNarupai! Punna a'bicarai, tena taNagaukanNa!

MATIUS 27:45

Ri tangngana alloa, kira-kira tallung tette', a'jari sassammi sikontu pa'rasanganga.

MARKUS 15:33

Ri tangngana alloa, niaki tallung tette' a'jari sassang ri sikontu anjo pa'rasanganga.

LUKAS 23:44

Kira-kira tette' sampulo anrua ri tangngana alloa, tena naccaya alloa, sa'genna a'jari sanna'mi sassanna sikontu pa'rasanganga, sa'genna tette' tallu ri karuenga.

EFESUS 1:11

Sikontu jama-jamanga, Napattantui siagang Nagaukangi Allata'ala situru' ero' KalenNa. Le'ba' maki' Napile memang battu ri pakkaramulanna, lanri Nakellaiki' sollanta a'jari umma'Na lanri a'jari se'reta siagang Almasi.

EFESUS 1:9

Lanri ero' KalenNa, Napauang maki' rahasiana jama-jamang eroka Nagaukang; le'ba'mi Napattantu angkanaya anjo jama-jamanNa laNapa'le'baki sallang lalang ri KalenNa Almasi.

IBRANI 7:21

Mingka Isa, ammakei sumpa ri wattunna niangka' a'jari imang, iamintu ri wattunna Nakana Allata'ala mae ri Ia, “Le'ba'mi assumpa Batara, siagang talamamminrayai ri kananNa, ‘IKaumi Imang satunggu-tungguna.’ ”

PAPPICINI' 6:12

Nampa Nareppe' kucini' anjo Ana' Gimbalaka segele' makaannanga. Ta'ge'goso' sanna'mi linoa. A'jari le'lemmi matanna alloa sangkamma kaeng le'leng kasaraka; kammayatompa a'jari ejami bulanga sangkamma cera'.

1 SAMUEL 15:29

Allata'alana Israel Ia Mala'birika tena Na'balle-balle, siagang tena todong naNapinrai pikkiranNa, lanri Ia teai rupatau.”