YEREMIA 4:26 - KITTA' MATANGKASA'

²⁶ Butta copponga a'jari parang kalotoro'mi, ancuru'mi kotaya tassimbung-simbung, lanri tamaka larroNa Batara mae ri umma'Na. (

YEREMIA 4:26 ပူးပေါင်းရင်းမြစ်များ

PAMMUJI 107:34

Butta copponga Napa'jari parang ce'la buttana, lanri kaja'dallanna sikamma pandudu'na.

PAMMUJI 76:7

Sikontu jaranga siagang tuma'baena tu'guru' ngasemmi na mate ri pangga'garatTa, o, Allata'alana Yakub!

YEREMIA 12:13

UmmakKu appakioroki gandung, mingka katinting nagappa. Akkareso lompoi ke'nanga, mingka tena nanggappa wassele' ri usahana ke'nanga. Teai sitapo' larroKu sa'genna sala ngaseng kattoanna ke'nanga!”

YEREMIA 12:4

Siapapi sallona kalotoro' anne pa'rasanganga, siagang kalumeng rukuka ri tunggala' kokoa? Matemi jangang-janganga siagang olo'-olo' maraengannaya lanri kaja'dallanna bansana ikambe. Nakana ke'nanga, angkanaya talakucinikai sarenna ke'nanga.”

YEREMIA 25:11

Sikontu anne pa'rasanganga laKubalang parekangi ancuru' siagang a'jari sino. Bansa-bansa niaka ri tammulilina la'jari atai mae ri karaeng Babel tujupulo taung sallona.

YEREMIA 7:34

Anne pa'rasanganga la'jari parang kalotoro' naroso'. LaKupammari sa'ra rannua siagang sa'ra passua'-suarrang pa'buntinganga ri kota-kota Yehuda siagang ri agang-agang niaka ri Yerusalem.

YEREMIA 9:10

Inakke, Yeremia, kukana, “Erokka' angngarru' siagang susai pa'maikku lanri sikamma rukuka ri paranga siagang ri moncong-monconga kalotoro' sikalimi siagang tanioloami ri tau. Tenamo nilangngere' sa'ra olo'-olo', jangang-jangang siagang olo'-olo' maraenga lari ngasemmi siagang lanynya' ngasemmi.”

PIRAUNG 2:7

Nasorongbokoi tampa' pakkoro'bangngang matangkasa'Na, na Nabokoi Balla' KalenNa; Nalappassangi musua anruntungi tembo'-tembo'na. Ri tampatta riolo anynyomba siagang assua'-suara', napakemi musua ma'rannu-rannu lanri ammetana.

KAIMANGNGANG 26:31

naKuancuru' kota-kotanu, tampa'-tampa' panynyombannu, siagang tena naKutarimai sikamma koro'bannu.

MIKHA 3:12

Lanri anjo kaja'dallannu, lanipa'jekoi Sion rapang koko, la'jari tambungang loroi Yerusalem, siagang la'jari romangi bonto Balla'Na Batara.

ZEFANYA 1:18

Ri anjo wattu allo hebaka, laNapa'nyatai larroNa Batara, na sikontu bulaenna siagang pera'na ke'nanga takkulleai ampasalamaki kalenna ke'nanga. Sikontu buttaya laancuruki assolong, nitunu ri pepe' kalarroanNa. Ti'ring laNabi'buki sikontu nyawa niaka ri tompo'na anne buttaya.