YEREMIA 4:20 - KITTA' MATANGKASA'

²⁰ Ma'mole-molei battu balaya angngancuruki sikontu pa'rasanganga. Ti'ring nipanraki kemaku, nikae-kaei kaenna.

YEREMIA 4:20 ပူးပေါင်းရင်းမြစ်များ

PAMMUJI 42:7

Ancuruki pa'maikku anrinni ri pa'rasangang pammelakkanga anne, lanri kammanami kungngu'rangi ri Batara. Ammanyuki nyawaku nalo'lorang kasi'nang, natujua' a'bana karicuang; sanrapang arrunna je'ne' tu'guru'na Binanga Yordan battu ri Moncong Hermon siagang Moncong Mizar.

PAMMUJI 72:19

Nipujimi areng malompoNa satunggu-tungguna; poro rassi sikontu linoa siagang kala'biranNa! Poro kajariang lalo kammaya, Aming!

YESAYA 13:6

Appiraung mako, lanri a'reppese'mi allonNa Batara, iamintu allo kapanrakang Napabattua Batara Kaminang Koasaya.

YESAYA 15:5

Kukamaseangi Moab! Pandudu'na a'lette'mi mange ri kota Zoar siagang Eglat-Selisia. Nia' angngambi' ri oloang mangea ri Luhit nampa angngarru'; nia' lari mange ri Horonaim nampa ammarrang-marrang natuju bala.

YESAYA 33:20

Ciniki kota Sion, tampatta ampakalompoi pa'gaukang agamaya. Ciniki Yerusalem! Tamaka amanna anjo tampaka untu' nipammantangi, rapang kema le'baka nipalette', tenamo nalanibi'bu' patto'na siagang tenamo nalatappu' otere'na.

YESAYA 47:9

Mingka poro sinampe'ji bawang, lalang siallo, nappada kajariang anjo ruaya passala'. Manna ammakeko baca-baca siagang pangngissengang, lanialle tonji bura'nennu siagang ana'nu.

YESAYA 54:2

Luarrimi kema-kema pammantangannu; la'bui otere'na siagang pakajarreki patto'-patto'na!

YEREMIA 12:11

Ba, Kucini' ngasengi ke'nanga ampa'jari tampa' sinoi pa'rasangangKu, appakapacce pa'mai'. Ta'ronang ngasemmi, tenamo amparhatikangi.

YEREMIA 17:18

Poro Kipakasiriki siagang Kipa'jari mallaki sikamma tau angngondangia' siagang anjallakkangia'. Mingka teaKi' gaukangngi anjo kammaya mae ri nakke, o Batara. Kipabattui balaya mae ri ke'nanga sa'genna ancuru' taba sikali ke'nanga.

YEREMIA 4:21

Siapapi sallona lakucini' tau a'bunduka sipaccappu'? Siapapi sallona lakulangngere' sa'ra tarompe' appakatongoloka?

YEREMIA 4:27

Napaui Batara angkanaya sikontu linoa la'jari parang lompoi, mingka tena nalaNapanraki taba sikali.)

YEREMIA 4:6

Picinikiangi oloang mangea ri Sion, bulu'Na Batara, a'liliko linta', teako ammantangngi a'mereki. Appabattui Batara bala siagang kaancurang lompo battu wara'.

YEREMIA 9:18

Nakana tu Yehuda, “Suroi ke'nanga akkelong linta' kelong-kelong susaya untu' ikatte ngaseng, sollanna assolong-solong je'ne' matanta ambasai pilisitta.”

PIRAUNG 3:47

nitujui ikambe ri bala siagang kaancurang, nia'mi kambe ilalang ri bahaya siagang kamallakkang.

YEHEZKIEL 14:21

Nakana Batara Kaminang Tinggia, “LaKupabattui appaka hukkungang kaminang hebaka mae ri Yerusalem untu' angngancuruki baji' narupataua kammayatompa olo'-oloka. Anjo appaka hukkungang iamintu: bundu', kacipurang, olo'-olo' sekke' siagang garring.

YO"EL 1:15

A'reppese'mi AllonNa Batara, iamintu allo appakamalla'-mallaka; wattu appabattuna kaancurang Kaminang Makoasaya.

KAIMANGNGANG 26:18

Punna le'ba' nukasia' ngaseng anjo hukkunganga natenapa numannuruki ri Nakke, laKutambai anjo hukkungangKu a'jari a'lappi tuju.

KAIMANGNGANG 26:21

Punna tulusu' angngewa ijako mae ri Nakke siagang taerokako mannuruki mae ri Nakke, laKutambai pole hukkungannu a'lappi tuju.

KAIMANGNGANG 26:24

laKupangngajariko siagang Kuhukkungko a'lappi tuju la'bi battala'na na hukkungang rioloa.

KAIMANGNGANG 26:28

la'jari larroMa' ampangngajariko, siagang laKuhukkungko pole a'lappi tuju la'bi battala'na na hukkungang rioloa.

HABAKUK 3:7

Kuciniki ra'ya' Kusyan nibattui ri malla', siagang tu Midian annekkere'.

PAMMILANGNGANG 16:21

“Ammono'bokoko battu ri sikamma anjo taua; laKupossoki ke'nanga kamma-kamma memang anne.”

PAMMILANGNGANG 16:45

“Ammono'bokoko battu ri sikamma anjo taua. LaKupanraki anjo ke'nanga ri anjo memang tampaka!” Su'ju'mi ke'nanga sipa'rua anynyomba,

MATIUS 10:28

Teako mallakki ri tau akkullea ammuno tubu, mingka tenaya koasaNa ammuno nyawa. Mingka musti mallakko mae ri Allata'ala, niaka koasana ammuno tubu siagang nyawa lalang ri naraka.

2 TESALONIKA 1:9

Anjo tau kammaya langgappai hukkungang kapanrakang sa'genna satunggu-tungguna; nipelaki assulukang battu ri pammantanganNa Batara, battu ri kalompoanNa siagang kakoasanNa,