YEREMIA 4:16 - KITTA' MATANGKASA'

¹⁶ Napakaingaki ke'nanga bansa-bansaya siagang napabattuangi pandudu'na Yerusalem angkanaya nia'mi battu bella mae musua. La'gora-gorai ke'nanga ero' ambunduki kota-kota Yehuda

YEREMIA 4:16 ပူးပေါင်းရင်းမြစ်များ

YESAYA 34:1

Umba kirappungang, he bansa-bansaya, pilangngerimi. Lappassammi nabattu ngaseng sikontu buttaya siagang sikontu niaka ammantang ri tompo'na, nampa appilangngeri.

YESAYA 39:3

Nampa battumo Na'bi Yesaya andallekang siagang akkuta'nang ri Karaeng Hizkia angkana, “Battu kemae ngasengi anjo taua? Apa nakana ke'nanga?” Appialimi Hizkia angkana, “Battu ri Babel ke'nanga, pa'rasangang bella.”

YEREMIA 1:15

LaKusuroi sikontu bansaya ri bageang wara' battu angkoasai Yerusalem. Sikamma tembo'-tembo' niaka ri tammulilina anne kotaya siagang sikamma pakke'bu' lompona kammayatompa sikontu kota-kotaya ri Yehuda lanaalle ngasengi ke'nanga.

YEREMIA 16:6

Sikamma tau kalumanynyanga siagang tau kasi-asia ri anne pa'rasanganga lamatei natena tau antarawangi ke'nanga. Tena manna sitau lansessai kalenna yareka anggondoloki ulunna salaku pammatei ri kasusaanna ke'nanga.

YEREMIA 2:15

Ammarrummi sa'ranna musunna rapang sa'ra singa, nipa'jari roso'mi buttana natena apa-apa wassele'na, kota-kotana la'busuki nakanre pepe', nibalang parekang ta'ronang tena bonena.

YEREMIA 31:10

Nakana Batara, “Pilangngeri he bansa-bansaya! Pabattu pasangKu mae ri ba'leanna tamparanga: UmmakKu le'baka Kupasisa'la'-sa'la' laKupasse'rei na Kuparakai rapang pakalawaki anjagai gimbala'na.

YEREMIA 39:1

Ri bulang sampulo ri taung makasalapang ri pamarentahanna Zedekia karaeng Yehuda, Nebukadnezar karaeng Babel siagang sikontu tantarana battumi siagang nabundukimi Yerusalem.

YEREMIA 4:17

siagang lanatammulili Yerusalem rapang tau akkammika koko. Nakajariang ngaseng anjo sikammaya lanri tu Yehuda nabaliangi Batara. Le'ba'mi a'bicara Batara.

YEREMIA 5:15

He umma' Israel, Napabattui Batara bansa battua ri pa'rasangang bella untu' ambundukiko. Anjo bansaya nia' memammi battu riolo dudu, tanuassengai nupahang bicaranna. Teai sipato' kassa'na ke'nanga,

YEREMIA 5:6

Lanri kammana minjo nalanibuno ke'nanga ri singa battua ri romanga, siagang nikae-kae ri serigala battua ri parang lompoa. A'dete'mi mange-mange macang a'ballanga amboyai lanakanrea ri ampi'na kota-kotana ke'nanga, na sikamma tau assuluka nabakkai ngaseng nakanre. Kajariang ngasengi anjo sikammaya lanri jainamo dosana ke'nanga, siagang a'mole-molemi nabokoi Allata'ala.

YEREMIA 50:2

“Attannangko pammatei siagang pa'la'bangi pau mae ri bansa-bansa angkanaya tu'guru'mi Babel! Teako rahasiakangi anjo passalaka! Merodakh, rewatana, niancuruki, siagang patung-patunna lalea reppe'mi tassimbung-simbung, kammayatompa sikamma barhalana sanna'mi batena nihina-hina.

YEREMIA 6:18

Lanri kammana Nakanamo Batara, “Pilangngeri, he ikau bansa-bansaya! Musti nuassengi apa lakajarianga mae ri ummakKu.

YEREMIA 6:19

Parhatikangi, he ikau buttaya! Taerokai ummakKu antarimai pangngajarangKu siagang taerokai mannuruki ri Nakke. Lanri kammana anjo ero'na ke'nanga, Kupitujui ke'nanga bala lompo.

YEREMIA 6:22

Nakana Batara, “Nia' bansa kassa' a'gio' battu wara' ri pa'rasangang bella. Battui mae ke'nanga untu' a'bundu'.

YEREMIA 6:23

Sanjatana ke'nanga iamintu pana siagang poke; sanna' palla'na ke'nanga natena pangngamaseanna. Rapang bombang a'jalloka, kammaminjo sa'ra bangkeng jaranna nadongkokia untu' maju a'bundu', ambuccuki Yerusalem.”

YEREMIA 8:19

Pilangngeri! Rassi sikontu pa'rasanganga piraunna bansaku akkuta'nang angkana, “Tenakami Batara ri Sion? Kemae karaenna kamma-kamma anne?” Appiali Batara, Karaenna ke'nanga, angkana, “Angngapa nusu'ju' ri rewata-rewataya ia tena sikalia matu-matunna? Angngapa nupa'risi nyawaKu lanri anynyombanu ri barhala-barhalaya?”

YEHEZKIEL 21:22

A'nyatami angkanaya anjo pana naallea lima kananna nia' pammatei mae ri Yerusalem! Anjo battuanna angkana karaenga musti nabunduki kota Yerusalem, akkioki untu' a'bundu' na nasuro tantarana ansusungi pakkakasa' untu' nipake anrumbang, napatabai ri sikamma pakke'bu' lompona Yerusalem, attambung butta a'jari tembo' untu' angkurungi Yerusalem, siagang angngeke kaloro'-kaloro'.