YEREMIA 4:11 - KITTA' MATANGKASA'

¹¹ Lania' wattunna sallang anjo tu Yehuda siagang pandudu'na Yerusalem anggappai kabara' angkanaya ammiriki anging bambanga battu ri paranga tattuju mae ri ke'nanga. Anjo anginga teai anging biasa, anri'bakanga bawang awang,

YEREMIA 4:11 ပူးပေါင်းရင်းမြစ်များ

PAMMUJI 11:6

Nahukkungi tu ja'dalaka siagang bala lompo, siagang pepe', batu a'rinra siagang anging appakamutunga.

YESAYA 22:4

Teako nakke nuparhatikang; boli'ma' kamma nakukarruki sikamma bansaku mateamo. Teako cobai ansaleoria'.

YESAYA 27:8

Nahukkungi Batara umma'Na, iamintu Napelaki ke'nanga mange ri pa'rasangang maraenga. Nabongkai ke'nanga siagang anging ja'dala' niaka battu raya.

YESAYA 41:16

Lanutapi ke'nanga, nampa niri'bakang ri anging ke'nanga nipasimbung ri anging lompo. Larannui pa'mai'nu lanri Nakke, Batara, lompoi pa'mai'nu lanri Nakke, Allata'alana Israel

YESAYA 64:6

Ikambe tau rantasa' ngasengi, ba'lalo manna gau' baji'na ikambe rantasa' ngasengi na ra'masa'. Lanynyaki ikambe lanri kaja'dallanna ikambe rapang leko' kayu kalumeng niri'bakang ri anging.

YEREMIA 13:24

LaKupasisa'la'-sa'lakko rapang awang niirika ri anging battua ri paranga.

YEREMIA 14:17

Nasuroa' Batara ampauangi si'naku mae ri umma'Na. Musti akkana' kamma anne, “Boli'ma' tenammariku angngarru', allo bangngi ammatti' je'ne' matangku. Nasaba' loko' sanna'mi bansaku siagang teai sipato' sessana

YEREMIA 23:19

LarroNa Batara rapangi anging barubu a'jalloka siagang antujui sikamma tau ja'dalaka.

YEREMIA 4:12

passangalinna anging lompo battua lanri parenta KalenNa Batara, untu' ampitujui hukkungang umma'Na.

YEREMIA 8:19

Pilangngeri! Rassi sikontu pa'rasanganga piraunna bansaku akkuta'nang angkana, “Tenakami Batara ri Sion? Kemae karaenna kamma-kamma anne?” Appiali Batara, Karaenna ke'nanga, angkana, “Angngapa nusu'ju' ri rewata-rewataya ia tena sikalia matu-matunna? Angngapa nupa'risi nyawaKu lanri anynyombanu ri barhala-barhalaya?”

YEREMIA 9:1

Tamaka baji'na ka'de' ulungku rapangi bungung rassia je'ne', na matangku rapangi salu' je'ne' tulusu' assolonga je'ne'na! Nakuakkulle angngarru' allo bangngi, angkarruki julu bansaku nibuno ri musu.

YEREMIA 9:7

Lanri kammana anjo Nakanamo Batara Kaminang Koasaya, “Rapang bulaeng, laKuso'ri ummakKu sollanna a'jari ti'no' ke'nanga. Apapi pole akkulle Kugaukang mae ri ummakKu le'baka a'gau' ja'dala'?

PIRAUNG 2:11

Akkambammi matangku lanri tenammariku angngarruka tojeng, pa'risi' nyawaku tena rapanna. Pacce nyawaku anciniki runtung bansaya; anciniki ana'-anaka siagang ana' loloa sessa ri tangngana aganga ri kota-kotaya.

PIRAUNG 3:48

Ammatti' je'ne' matangku rapang je'ne' binanga assolong lanri ancuru'namo bansaku.

PIRAUNG 4:10

Tamaka heba'na anjo bala antujuai ummakKu sa'genna manna anrong baji' pa'maika napallumi ana' kalenna untu' ambonei battanna.

PIRAUNG 4:3

Anrong kongkong romanga bawang nanapasusu ana'na, mingka ummakKu tamaka palla'na rapang jangang-jangang unta niaka ri parang.

PIRAUNG 4:6

Nihukkungi ummakKu la'bi battallangngang na hukkunganna tu Sodom le'baka sipakkida mataji bawang naancuru' lalang limanNa Allata'ala na teai tete gau' rupatau.

YEHEZKIEL 17:10

Memang, attimbo kassa'mi, mingka maka akkulle attallasa' tulusu' siagang a'bakka'? Maka tena nalakalumeng niiri' ri anging battu raya? Maka tena nala'jari kalotoro' ri tampa'na nilamung?”

YEHEZKIEL 19:12

Mingka nibi'buki ri lima-lima larroa, nampa nipela' naung ri butta. Ammiriki anging battu iraya angkalotori rappo baji'na. Tepoki tangkenna, a'jari kalotoro' nampa nitunu.

HOSEA 13:15

Manna pole coppong bansa Israel rapang ruku' coppong, mingka lappabattuA' anging bambang battu iraya ri parang lompoa. Anjo anginga lampakalotoroki sikontu timbuseng je'neka siagang bungunga, sa'genna lanynya' kabusu'mo apa-apa niaka anggaranna.

HOSEA 13:3

Lanri kammana anjo lalanynya' kabusuki anjo taua rapang allung yareka saliuka ri wattu bari'basa'na alloa. Lasanrapangi ke'nanga limbu'bu' niri'bakang ri anging ri panggilingang gandunga, siagang sanrapang umbu assuluka battu ri rateanna pattunuanga.

HOSEA 4:19

Lanri kammana anjo lalanynyaki ke'nanga rapang tau niiri' rianging. Langgappai ke'nanga siri' lanri koro'bang-koro'bang napassareanga ke'nanga mae ri rewata-rewataya.

HABAKUK 1:11

Nampa linta' kamma anging a'lampa ngaseng anjo tau ampare' rewatayai kagassingang kalenna.”

HABAKUK 1:6

Bansa Babel sekkeka siagang pallaka laKupa'jari bansa makoasa. A'barrisiki ke'nanga assulu' battu ri pa'rasanganna nampa najappai sikontu linoa untu' ambetai bansa-bansa maraenga.

MATIUS 3:12

Nia'mi pa'dinginga lalang limanNa, eroka Napake antapi sikontu berasaka sa'genna tangkasa'. Sikontu berasaka laNaboliki lalang ri pammolikanna, mingka sikamma awanga laNatunui lalang ri pepe' tenaya nalammari rinrana.”

LUKAS 3:17

Nia'mi lalang limanNa pa'dinginga, untu' laNapake antapi sikamma berasaka sa'genna tangkasa'. LaNapasse'rei berasaka lalang ri pammolikanna; mingka awanga laNatunui ri pepe' tenaya nalammari rinrana!”