YEREMIA 39:9 - KITTA' MATANGKASA'

⁹ Kala'busanna ra'ya' niaka ija ammantang ri kotaya, siagang sikamma tau le'baka lari a'limbang ri tu Babel, niengka'mi mange ri Babel ri Nebuzaradan, komandang pasukang lompona Babel.

YEREMIA 39:9 ပူးပေါင်းရင်းမြစ်များ

PA'JARIANG 37:36

Na lalanna anjo wattua, le'ba'mi nibalukang Yusuf ri tu Midian ri butta Mesir. Nibalukangi mae ri Potifar, kapala pangawala'na karaenga ri balla' karaenga.

2 KARAENG-KARAENG 20:18

Nia' battu ri ana' cucunnu lanialle siagang lanipa'jari pagawe balla' karaeng untu' allayani karaeng Babel.”

2 KARAENG-KARAENG 25:11

Nampa ra'ya' niaka ija ri kotaya, iamintu sesa-sesa tau cara'deka anjama, tau kasi-asia siagang tau laria mae ri tu Babel, niengka' kabusuki ri Nebuzaradan mange ri Babel.

2 KARAENG-KARAENG 25:20

Kabusu'na anjo taua nierangi mange ri Karaeng Nebukadnezar ri kota Ribla,

YESAYA 5:13

Lanri kammana, ummakKu tenaya apa-apa naasseng, lanierangi a'lampa a'jari tunitahang. Sikamma pamimpinga siagang ra'yaka lamate cipuruki siagang lamate turerei.

YEREMIA 10:18

Anne wattua laNapasambilai Batara sikontu bansa Yehuda mange ri pa'rasangang pammelakkanga; laniancuru' ngasengko taba sikali. Iaminjo pasanNa Batara.

YEREMIA 16:13

LaKubongkako assulu' battu ri anne pa'rasanganga nampa Kupelakko mange ri se'reang pa'rasangang tena sikalia nuassengi siagang boe-boenu. Anjorengko lassambayang allo bangngi mae rewata-rewata maraenga, siagang tena Kulamangngamaseang mae ri kau.’ ”

YEREMIA 24:8

Mingka Zedekia karaeng Yehuda, siagang sikamma pamarenta a'reppeseka ri ia, kammayatompa sesanna tu Yerusalem tuli ammantanga anrinni ri pa'rasanganga anne yareka a'letteka mange ri Mesir, yangasenna ke'nanga laKugauki sanrapang anne rappo ara bottoka ngaseng, tenaya nakkulle nikanre. INakke, Batara anne akkana.

YEREMIA 38:19

Appialimi karaenga angkana, “Mallakka' mae ri tau bansata lariamo a'limbang mae ri tu Babel. Gassingka napassareanga' mae ri ke'nanga nampa nisessa'.”

YEREMIA 40:1

A'bicarai Batara ri nakke ri le'ba'namo Nebuzaradan, anjo komandang pasukanga, allappassanga' ri Rama. Nieranga' mange anjoreng lalang tassikko' siagang sikontu tau maraeng battua ri Yerusalem siagang Yehuda ia niengkaka salaku tunitahang mange ri Babel.

YEREMIA 40:7

Karaeng Babel le'baki naangka' Gedalya a'jari guburnur ri Yehuda untu' ammarenta mae ri sikontu tau niaka ija ammantang ri Yehuda, iamintu sikamma tau kaminang kasi-asia. Sipa'gang battu ri sikamma perwira siagang parajuri' Yehuda tenaya namanyara mae ri Babel, nalangngereki anjo passala' niangka'na Gedalya.

YEREMIA 52:26

Yangasenna anjo taua naerangi mange ri Karaeng Nebukadnezar ri kota Ribla,

YEREMIA 52:27

ri daera Hamat. Anjorengi nisessa ke'nanga, nampa nibuno. Kammami anjo niengka'na tu Yehuda battu ri pa'rasanganna ke'nanga nampa nierang mange ri butta pammelakkanga;

DANIEL 2:14

Jari mangemi Daniel ri Ariokh, iamintu komandang pangawala'na karaenga, ia tajaiamo ero' anggaukangi anjo hukkungang matea.

KAIMANGNGANG 26:33

Lappa'niakKa' pa'bundukang ri pa'rasangannu siagang laKupasimbung-simbungko mae ri pa'rasanganna bansa maraenga. Lammantangi ta'ronang sikamma kokonnu siagang laKulappassangi a'jari loro kota-kotanu.

PAOLE 4:27

LaNapasisa'la'-sa'lakko Batara ri alla'na bansa-bansa maraenga siagang sike'de' mami ri kau lammantanga attallasa'.