YEREMIA 39:8 - KITTA' MATANGKASA'

⁸ Lalang kammana anjo tu Babel natunumi balla' karaenga sikamma balla'na ngaseng ra'yaka, kammayatompa naruntungi tembo'-tembo' kalli'na Yerusalem.

YEREMIA 39:8 ပူးပေါင်းရင်းမြစ်များ

2 KARAENG-KARAENG 25:8

Ri tanggala' 7 bulang 5 ri taung makasampulo assalapang ammarentana Nebukadnezar ri Babel, nia'mo tau niareng Nebuzaradan battu mange ri Yerusalem. Anjo taua tubiasa napappalakki pappitangara' Nebukadnezar siagang panglimana tongi Nebukadnezar.

2 PATTOTTORANG 36:19

Naruntungi tembo' kotana Yerusalem, kammayatompa Balla'Na Batara siagang sikontu balla' karaenga natunui siagang barang-barang lompoa anggaranna niaka ija lalang ri anjo sikamma balla' karaenga.

NEHEMIA 1:3

Nacaritami ke'nanga angkana sikamma anjo tau le'baka nipela' ammotere'mi mange ri anjo pa'rasanganga. Mingka kamma-kamma anne teai sipato' sessana katallassanna, siagang sangnging nihinai ri sikamma bansa maraeng niaka a'reppese'. Nampa pole sikamma tembo' kalli'na Yerusalem ancuru' iji tassimbung-simbung, kammayatompa sikamma pakke'bu' lompona tenapa nale'ba' nipakabaji' baku' le'ba'na nitunu ri wattu allaloa.

PAMMUJI 79:7

Saba' le'ba'mi naballassi ummatTa, naancuru' tampa' pammantanganna ke'nanga.

YESAYA 5:9

Kulangngereki Batara Kaminang Makoasaya assumpa angkana, “Anne sikamma balla' lompoa siagang ga'gaya lakosong ngasengi tena bonena.

YEREMIA 17:27

Yangasenna anjo lakajariangi punna mannurukiko mae ri Nakke siagang nusa'la' allo Pammari-marianga untu' iNakke. Teako angngangkaki barang-barang apa mamo allalo ri sikamma pakke'bu' lompona Yerusalem ri anjo alloa. Punna nudakkai anjo parenta-parentaKu, laKutunui pepe' sikamma pakke'bu'na Yerusalem siagang sikamma balla' karaenna sa'genna la'busu'; na anjo pepeka takkulleai nibuno.’ ”

YEREMIA 21:10

Le'ba'mi Kupattantu angkana laKuancuruki anne kotaya, siagang tena naKupassayangi. Anne kotaya laKupassareangi mae ri karaeng Babel; lanatunui sa'genna cappu' taba sikali. INakke, Batara, anne akkana.”

YEREMIA 32:29

siagang lanatunui sa'genna la'busu' siagang ngaseng sikamma balla' napammantangngia tau ampakallarroA', lanri iratemi ri pattongko'na sikamma anjo ballaka attunu ke'nanga dupa untu' Rewata Baal, kammayatompa appatiri' anggoro' untu' napassareang mae ri rewata-rewataya.

YEREMIA 34:2

Nasuroa' a'lampa mange ri Zedekia karaeng Yehuda, nampa akkana kamma anne, “INakke, Karaeng Allata'alana Israel, laKupassareangi anne kotaya mae ri karaeng Babel siagang lanatunui.

YEREMIA 34:22

LaKusuroi ke'nanga sollanna ammotere' mae ri anne kotaya, nampa nabunduki, nabeta, siagang natunui. Kota-kota Yehuda laKupa'jari sangkamma parang lompo tenaya nipammantangngi ri tau. INakke, Batara, anne akkana.”

YEREMIA 37:10

Ebara' angkana nubetai sikontu tantarana Babel sa'genna ia ammantanga iamami sannaka loko'na lalang ri kema-kemana ke'nanga, mingka lambangungi ke'nanga nampa natunu anne kotaya sa'genna la'busu'.’ ”

YEREMIA 38:18

Mingka punna taerokako manyara, anne kotaya latu'guruki antama' ri limanna tu Babel. Lanatunui ke'nanga sa'genna la'busu', siagang manna ikau tena todong nulata'lappasa'.”

YEREMIA 5:10

LaKusuroi musua ampanraki koko anggoro'na ke'nanga, mingka tena napanraki taba sikali. LaKusuroi anjo musua ambattasaki tangke-tangke anggoro'na ke'nanga, nasaba' anjo tangke-tangkea teai iNakke ampatangi.

YEREMIA 7:20

INakke, Batara Kaminang Tinggia, lampitujui pangngalarroi lompoKu anne balla' panynyombanga, rupataua siagang olo'-oloka, kammayatompa poko'-poko' kayua siagang wassele' buttaya. La'rinra-rinrai larroKu rapang pepe' tenaya nakkulle nibuno.”

PIRAUNG 1:10

Sikontu barang-baranna niallemi ri musu-musunna. Ba'lalo musti nacini'mi ke'nanga antama ri Balla'Na Allata'ala, panggaukang tenaya Nikellai ri Batara punna teai umma'Na.

PIRAUNG 2:2

Sikontu parang ruku' ri pa'rasangang Yehuda, Naancuru' tamammaling-maling. Narappasaki napakamma larro sa'genna runtung sikamma pattahanganna angkallikai anjo pa'rasanganga. Anjo kakaraenganga na sikamma pamimpinna Naruntummi sa'genna nipakatuna.

PIRAUNG 2:7

Nasorongbokoi tampa' pakkoro'bangngang matangkasa'Na, na Nabokoi Balla' KalenNa; Nalappassangi musua anruntungi tembo'-tembo'na. Ri tampatta riolo anynyomba siagang assua'-suara', napakemi musua ma'rannu-rannu lanri ammetana.

YEHEZKIEL 16:41

Lanatunui ke'nanga sikamma balla'nu nampa nasuro sikamma tubai'-bainea anciniki anjo hukkunganga. Kammami anjo bateKu lampamariko ri gau' bawannu. Tenamo nula'bage-bage hadia mae ri sikamma tanrinnu.

YEHEZKIEL 23:47

Boli'mi kamma nisambila batu siagang nibakkai ke'nanga siagang pa'dang. Boli'mi kamma nibuno ana'-ana'na ke'nanga siagang nitunu sikamma balla'na.

YEHEZKIEL 33:21

Ri tanggala' lima bulang sampulo, lalang taung makasampulo anrua ri wattu nipela'na ikambe, nia' sitau akkulle ta'lappasa' battu ri Yerusalem; battui angngerang kabara' ri nakke angkanaya tu'guru'mi kota Yerusalem.

AMOS 2:5

Lanri kammana anjo, lakkiringA' pepe' mange ri Yehuda siagang Kutunu sa'genna cappu' sikamma pattahanganna Yerusalem.”

MIKHA 3:12

Lanri anjo kaja'dallannu, lanipa'jekoi Sion rapang koko, la'jari tambungang loroi Yerusalem, siagang la'jari romangi bonto Balla'Na Batara.