YEREMIA 39:16 - KITTA' MATANGKASA'

¹⁶ ampauangi Ebed-Melekh anjo tu Sudanga, angkanaya Batara Kaminang Koasaya, iamintu Allata'alana Israel, akkana kammai anne, “Kamma Kupaua riolo, laKupabattui balaya mae ri anne kotaya, siagang teai kakalumanynyangngang. Lanuciniki anjo passala' kammaya kajariang.

YEREMIA 39:16 ပူးပေါင်းရင်းမြစ်များ

2 PATTOTTORANG 36:21

Kammami anjo na'rupamo apa Napaua Batara tete ri Na'bi Yeremia, angkanaya anjo pa'rasanganga la'jari kalotoroki sallang 70 taung sallona, salaku sambenna taung-taung allo Pammari-mariang tenaya nijampangi.

PAMMUJI 92:11

Kipa'jari kassaka' sanrapang tedong romang liaraka, na Kibarakkakia' siagang kate'neang.

YEREMIA 26:15

Mingka u'rangi, punna nubunoa', ikau ngaseng siagang pandudu'na anne kotaya lantanggongi kasalang pammunoanga ri tau tenaya salana. Nasaba', Batara assuroa' untu' ampabattui anjo pappakaingaka mae ri kau ngaseng.”

YEREMIA 26:18

“Ri wattunna Hizkia a'jari karaeng Yehuda, Na'bi Mikha battu ri Moresyet napabattui mae ri ra'yaka anne kana battua ri Batara Kaminang Koasaya, angkana, ‘Sion lanipa'jekoi rapang koko, Yerusalem la'jari pannambungang rumbangngang, siagang Bulu' Balla'Na Batara la'jari romangi.’

YEREMIA 26:20

Le'ba' tongi nia' tau maraengannaya a'bicara ambaliangi anne kotaya siagang bansaya lalang arenNa Batara, sangkamma kugaukanga. Anjo taua niarengi Uria ana'na Semaya battu ri Kiryat-Yearim.

YEREMIA 34:22

LaKusuroi ke'nanga sollanna ammotere' mae ri anne kotaya, nampa nabunduki, nabeta, siagang natunui. Kota-kota Yehuda laKupa'jari sangkamma parang lompo tenaya nipammantangngi ri tau. INakke, Batara, anne akkana.”

YEREMIA 35:17

Lanri kammana anjo, naiNakke, Batara Kaminang Koasaya, iamintu Allata'alana Israel, lappabattuA' mae ri kau – tu Yehuda siagang Yerusalem – sikontu bala le'baka Kupattantu untu' ikau ngaseng, sangkamma le'baka Kupau. Anjo kammaya Kugaukangi lanri tenana nuero' mappilangngeri punna a'bicarA' mae ri kau, siagang lanri tenana nuero' appiali ri wattunnu Kukio'.”

YEREMIA 36:31

Ikau, jari-jarinu, siagang sikamma pagawenu laKuhukkungko lanri dosa-dosa nugaukanga ngaseng. LappabattuA' mae ri kau ngaseng sikontu bala le'baka Kupau, lanri baji' naikau kammayatompa pandudu'na Yerusalem siagang Yehuda tena nanuparhatikangi anjo sikontu apa Kuancangngangko.”

YEREMIA 40:3

Kamma-kamma anne Nagaukammi anjo kammaya, lanri dorakami bansanu siagang taerokai mannuruki mae ri Ia.

YEREMIA 44:27

LaKuusahai sollanna anggappako cilaka siagang tena numate'ne, sa'gennu mate kabusu', baji' lanri pa'bundukang kammayatompa lanri garring.

YEREMIA 5:14

Nampa Nakana Batara Kaminang Makoasaya ri nakke, “Yeremia, lanri akkana kammana ngaseng anjo sikamma taua, lanitujui ke'nanga ri bala nakanaya ke'nanga tena nalakajariang. LaKupa'jari kana-kanangKu rapang pepe' lalang ri bawanu. Anne bansaya lasanrapangi kayu tunuang, nalanikanre ke'nanga ri anjo pepeka sa'genna la'busu'.”

DANIEL 9:12

TindakanTa sicoco' le'baki apa le'baka Kipa'janjiang mae ri kambe siagang mae ri pamarentana ikambe. Le'ba'mi Kihukkung kota Yerusalem la'bi sannakkangngang nakota maraenga ri anne linoa.

AMOS 9:4

Punna nitahangi ke'nanga ri musua, laKuparentakangi sollanna nibuno ke'nanga. Le'ba' Kupattantumi laKupanraki ke'nanga, siagang tena nalaKubantu ke'nanga.”

ZAKHARIA 1:6

Tete ri sikamma anjo na'bi atangKu ngaseng, Kupabattumi sikamma parentaKu siagang sikamma pappakaingakKu mae ri boe-boenu. Mingka tena najampangi ke'nanga sa'genna musti natanggongi ke'nanga kale'bakkang kajariang kodina. Nampa assesse' lalammo ke'nanga, siagang mangakumi ke'nanga mae ri Nakke angkanaya iNakke, Batara Kaminang Koasaya, le'ba' anghukkungi ke'nanga situru' kasalanna ke'nanga, siagang sangkamma apa le'baka Kupattantu.”

MATIUS 24:35

Lalanynyaki langika siagang linoa, mingka tuli lania'na kana-kanangKu satunggu-tungguna.”