Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




YEREMIA 39:1 - KITTA' MATANGKASA'

1 Ri bulang sampulo ri taung makasalapang ri pamarentahanna Zedekia karaeng Yehuda, Nebukadnezar karaeng Babel siagang sikontu tantarana battumi siagang nabundukimi Yerusalem.

အခန်းကိုကြည့်ပါ။ ကော်ပီ




YEREMIA 39:1
16 ပူးပေါင်းရင်းမြစ်များ  

Napagio'mi Batara atinna karaeng Babel sollanna battu ambunduki ke'nanga. Anjo karaenga nabunomi tu Yehuda rungka-rungkaya, kammayatompa ia niaka lalang ri Balla'Na Batara. Tena manna sitau nakamaseang, tau toa yareka tau rungka, bura'ne yareka baine, tau garring yareka tau tagarring. Nipassareang ngasengi ri Allata'ala ke'nanga mae ri karaeng Babel.


Ri taung makasampulo pammarentahanna Zedekia karaeng Yehuda, iamintu ri taung makasampulona assagantuju pamarentahanna Nebukadnezar karaeng Babel, a'bicarai Batara ri nakke.


Ri wattunna Nebukadnezar karaeng Babel siagang pasukanna nibantua ri pasukang-pasukang battu ri sikontua bansa siagang bansa tunduka irawanganna, battumi ambunduki Yerusalem siagang kota-kota niaka ri tammulilina, a'bicarami Batara mae ri nakke.


LaKusuroi ke'nanga sollanna ammotere' mae ri anne kotaya, nampa nabunduki, nabeta, siagang natunui. Kota-kota Yehuda laKupa'jari sangkamma parang lompo tenaya nipammantangngi ri tau. INakke, Batara, anne akkana.”


Sangkamma iNakke, Karaeng Allata'alana Israel Kutumpai kalarroangKu siagang kalussakkangKu mae ri pandudu'na Yerusalem, kamma tomminjo laKutumpai kalussakkangKu mae ri kau ngaseng a'lampaya mange ri Mesir. Lamallaki taua ancinikko; lanihinako, siagang lanipakei arennu a'jari kana pattunra. Tenamo nalanucini' pole butta passolongang cera'nu.”


Zedekia ruampulo asse're taung umuru'na ri wattunna a'jari karaeng ri Yehuda. Sampuloi asse're taung sallona ammarenta ri Yerusalem. Amma'na niarengi Hamutal, ana'na Yeremia battu ri kota Libna.


Le'ba'mi Naparentakang Batara Kaminang Koasaya anjo sikamma pamarentaya sollanna anna'bang poko'-poko' kayu nampa appaenteng pattahangngang ri sikamma bulu'-buluka untu' antammulili Yerusalem. Nakana Batara, “LaKuhukkungi anne kotaya lanri jai sikali panggaukang anjallakkang ilalang.


Ri tanggala' lima bulang sampulo, lalang taung makasampulo anrua ri wattu nipela'na ikambe, nia' sitau akkulle ta'lappasa' battu ri Yerusalem; battui angngerang kabara' ri nakke angkanaya tu'guru'mi kota Yerusalem.


Angngalleko panci bassi siagang rapammi anjo rinring bassi; padongkoki anjo pancia ri alla'nu siagang kota Yerusalem. Nampa a'dalle' mangeko ri anjo kotaya, sanrapang angkana ikau angkurungi. Iaminjo la'jari pangngebarang mange ri bansa Israel.


Anjo wattua tanggala' sampulo bulang se're, lalang taung makaruampulo allima ri wattu nipela'na ikambe, iamintu sampulo angngappa' taung ri le'ba'na nibeta Yerusalem, kupisa'ringimi kakoasanNa Batara, nampa Naeranga' a'lampa.


Bage tallunna musti nutunui ri tangnga-tangngana anjo kotaya ri wattunna le'ba'mo nikurung anjo kotaya. Bage tallunna pole musti nutattaki siagang pa'dannu nanuinroi anjo kotaya. Nabage tallunna kala'busanga nupasiaraki nai' ri allaka, nampa laKuondang siagang pa'dangku.


“Puasa nigaukang lalang bulang makaappa', makalima, makatuju, siagang makasampulo la'jari passua'-suarrang appakarannua siagang appakasannanga mae ri pandudu'na Yehuda. Mangngaiko ri katojengang siagang passiamakkang!”


Punna tena numannuruki ri Batara Allata'alanu, ikau siagang karaennu laNaerangko Batara mange ri pa'rasanganna bansa maraeng tenaya nanuassengi, siagang tena todong nanaassengi boe-boenu. Anjoreng lanupare' atai kalennu mae ri rewata-rewata nipareka battu ri kayu siagang batu.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ