YEREMIA 38:23 - KITTA' MATANGKASA'

²³ Kukana pole, “Sikontu ana'na siagang bainenna karaenga lanierangi mange ri tu Babel. Manna kalenna karaenga tena todong nalakkulle ta'lappasa' battu ri ke'nanga. Lanijakkalaki karaenga ri karaeng Babel, siagang anne kotaya lanitunui sa'genna la'busu'.”

YEREMIA 38:23 ပူးပေါင်းရင်းမြစ်များ

2 KARAENG-KARAENG 25:7

Sikamma ana'na nibunoi ri dallekanna. Le'baki anjo nioke'mi matanna, nampa nisikko' siagang nierang mange ri Babel.

YEREMIA 21:10

Le'ba'mi Kupattantu angkana laKuancuruki anne kotaya, siagang tena naKupassayangi. Anne kotaya laKupassareangi mae ri karaeng Babel; lanatunui sa'genna cappu' taba sikali. INakke, Batara, anne akkana.”

YEREMIA 32:4

kammayatompa Karaeng Zedekia tena nalata'lappasa'. Lanipassareangi mae ri karaeng Babel, nampa andallekang ri anjo karaenga kammayatompa a'bicara kalenna siagang ia.

YEREMIA 34:3

Tena nukkulle lata'lappasa', mingka lanijakkalakko siagang lanipassareangko mae ri ia. Lassigappako siagang la'bicarako kalennu siagang ia, nampa la'lampako mange ri Babel.

YEREMIA 37:8

Nampa lammotere' tu Babel na nabuccu' anne kotaya, nampa nabeta siagang natunu.

YEREMIA 38:18

Mingka punna taerokako manyara, anne kotaya latu'guruki antama' ri limanna tu Babel. Lanatunui ke'nanga sa'genna la'busu', siagang manna ikau tena todong nulata'lappasa'.”

YEREMIA 38:24

Nampa nakana Zedekia, “Teako pauangngi manna pole inai ri passala'na anne passibicaranta, sollanna tena nalalang bahaya nyawanu.

YEREMIA 39:5

Mingka niondangi ke'nanga ri tantara Babel nampa najakkala' Zedekia ri lappara'na Yerikho. Nampa nierang Karaeng Zedekia mae ri Karaeng Nebukadnezar ri kota Ribla ri daera Hamat, nampa nitappuki hukkungang mate.

YEREMIA 39:6

Anjoreng tommi ri kotaya nibuno sikamma ana'na ri dallekanna, siagang sikontu pagawena nibuno ngaseng todong.

YEREMIA 41:10

Nampa najakkala' Ismael sikamma ana' bainena karaenga siagang sikontu tau niaka ija ri Mizpa le'baka napassareang Nebuzaradan mae ri Gedalya untu' najagai. Natahangi Ismael ke'nanga nampa a'lampa naerang ke'nanga mange ri daerana Amon.

YEREMIA 6:12

Balla'na ke'nanga lanipassareangi mae ri tau maraenga, kammayatompa sikamma kokonna siagang bainenna ke'nanga. LaKuhukkungi pandudu'na anne pa'rasanganga.

YEHEZKIEL 14:9

Punna nia' sitau na'bi nitipu sa'genna assare piali sala, iNakkemi antipui. INakke, Batara Kaminang Tinggia lampakabellai battu ri tu Israel.

YEHEZKIEL 17:15

Mingka karaeng Yehuda angngewai siagang akkiringi tau mange ri Mesir untu' appala' jarang siagang tantara jai. Maka lania' wassele'na anjo usahana? Maka lanilappassangi ta'lappasa'? Tena olona lanadakkai parjanjianga natena nanihukkungi!

YEHEZKIEL 43:3

Anjo paccinikku sangkammai kucini' ri wattunna battu Allata'ala untu' angngancuruki Yerusalem, siagang sangkammai kucinika ri Binanga Kebar. Nampa kupara'ba kalengku assu'ju'.