YEREMIA 38:21 - KITTA' MATANGKASA'

²¹ Mingka punna teaki' ampassareangi kalenta karaeng, le'ba'mi Nappappicinikang Batara apa lakajarianga.

YEREMIA 38:21 ပူးပေါင်းရင်းမြစ်များ

2 PATTOTTORANG 36:12

Doraka tongi panggaukanna mae ri Karaeng Allata'alana. Taerokai ampakatunai kalenna siagang tena namappilangngeri ri Yeremia, ampabattuai pasanNa Batara mae ri ia.

AYUB 23:13

Anjo Allata'ala tena pamminraNa; tena akkulle angngewai. Nagaukangi apa Nakaerokia.

AYUB 34:33

Maka lakkullei Naturuki Allata'ala pappala'nu, punna tena nanusitujui panggaukanNa Allata'ala? Kamma-kamma anne ikau musti angngalle kaputusang, teai inakke. Paumi apa panggappanu!

KALAPPASSANG 16:28

Nakanamo Batara mae ri Musa, “Siapapi sallonu taeroka mannuruki ri sikamma parentaKu?

YEREMIA 26:15

Mingka u'rangi, punna nubunoa', ikau ngaseng siagang pandudu'na anne kotaya lantanggongi kasalang pammunoanga ri tau tenaya salana. Nasaba', Batara assuroa' untu' ampabattui anjo pappakaingaka mae ri kau ngaseng.”

YEREMIA 38:20

Appialima' angkana, “Tena! Tena nalanipassareangki' mae ri ke'nanga karaeng. Kupala' dudui mae ri katte sollanna kituruki pasanNa Batara; yangasenna sallang la'jappa bajiki, siagang tena kilanibuno karaeng.

YEREMIA 38:22

Lalang ri anjo paccinikku, kuciniki sikontu baine niaka ija ri balla' lompoa ri Yehuda nire'resangi assulu' mange ri pagawe-pagawena karaeng Babel. Lalang a'jappana ke'nanga nakana, ‘Nipattolo-toloangi karaenga ri agang-agang baji'na, nampa nikoasai ri ke'nanga. Kamma-kamma anne ta'loposo'namo bangkenna antama' ri peoka, ammunduru' ngasemmi ke'nanga.’ ”

YEREMIA 5:3

Sikontutojenna ia Natuntuka Batara iamintu pa'mai' tamamminraya. Natunrungko Batara, mingka tena nujampangi. Nalicakko, mingka taerokako niajara'. Kapala batuko, siagang taerokako toba' battu ri dosa-dosanu.

YEHEZKIEL 2:7

Pabattui sikontu pasangKu mae ri ke'nanga, apaka eroki yareka teai ke'nanga ampilangngeri. U'rangi angkanaya anjo ke'nanga tau paewa-ewa.

PAMMILANGNGANG 24:13

manna pole kisareang ngasenga' sikontu peraka siagang bulaeng niaka lalang ri balla' kakaraenganta, talakkullei kudakkai parentaNa Batara siagang anggaukangi apa nangaia pa'maikku? Iaji bawang lakupau apa Nasuro paua Batara ri nakke.”

LAMPA-LAMPANA 18:6

Mingka lanri tuli nigeakkinna siagang tuli nicallana Paulus ri taua, napatu'du'mi bangkenna siagang napaba'basa'mi pakeanna sollanna a'lesang limbu'bu'na; iaminjo a'jari pammatei siagang pappakainga' ri kasalanna ngaseng ke'nanga. Nakanamo Paulus, “Punna cilakako, passala' kasalannu ngaseng tonji! Pantarang limangkuko! Pakkaramula ri kamma-kammaya anne la'lampa mangema' ri bansa-bansa maraenga.”

IBRANI 12:25

Lanri kammana, tutu laloko, gassingka taerokako ampilangngeri kananNa Tau ampabattuai biritta battua ri Allata'ala. Ia tau tenaya naero' ampilangngeri biritta nipabattua battu ri Allata'ala lalang ri anne linoa, takkulleai allariangi kalenna. La'biangampa ikatte anne, allangngerekai anjo a'bicaraya battu ri suruga! Punna taerokaki' ampilangngeri, antekamma bateta lakkulle ta'lappasa'.