YEREMIA 38:19 - KITTA' MATANGKASA'

¹⁹ Appialimi karaenga angkana, “Mallakka' mae ri tau bansata lariamo a'limbang mae ri tu Babel. Gassingka napassareanga' mae ri ke'nanga nampa nisessa'.”

YEREMIA 38:19 ပူးပေါင်းရင်းမြစ်များ

2 PATTOTTORANG 30:10

Ri wattunna a'lampa anjo sikamma tunisuroa battu ri se'reang kota mae ri kota maraengannaya ri daera suku Efraim siagang Manasye sa'genna wara' ri daerana suku Zebulon, nikakkali siagang nihina-hinai ke'nanga.

NEHEMIA 4:1

Nalangngere'na Sanbalat angkana ikambe tu Yahudia nipakabajiki tembo' kalli'na kotaya, a'jari sanna'mi larrona siagang appakkaramulami ancau-caui ikambe.

AYUB 31:34

Tena kumalla' ri panggappana tau jaia, siagang tena kujampangi kana-kana anghinana taua. Tenale'baka' ammantang ri balla' yareka a'mereki bawang, lanri mallakku bawang nihina.

PANGNGEBARANG 29:25

Mallaka ri panggappana taua, angngerangi kasusaang. Tappakko ri Batara, na nulaamang.

YESAYA 57:11

Nakana Batara, “Inaika anjo rewata-rewata ampajariako malla', sa'gennu a'balle-balle siagang tenamo nungngu'rangi mae ri Nakke? Apaka tenamo nunynyomba mae ri Nakke lanri sallo duduKumo tamakkana-kanaya?

YEREMIA 20:7

Batara, iKatte anynyonyokka' siagang inakke le'ba'ma' ninyonyo'. IKatte la'bi gassingKi' nainakke siagang le'ba'ma Kipadundu. Nicau-caua' ri tunggala' taua, nihina battu ri bari'basa' sa'genna karueng.

YEREMIA 38:22

Lalang ri anjo paccinikku, kuciniki sikontu baine niaka ija ri balla' lompoa ri Yehuda nire'resangi assulu' mange ri pagawe-pagawena karaeng Babel. Lalang a'jappana ke'nanga nakana, ‘Nipattolo-toloangi karaenga ri agang-agang baji'na, nampa nikoasai ri ke'nanga. Kamma-kamma anne ta'loposo'namo bangkenna antama' ri peoka, ammunduru' ngasemmi ke'nanga.’ ”

YEREMIA 38:5

Appialimi Karaeng Zedekia nakana, “Baji'mi! Gaukammi mae ri ia situru' ero'nu, tena kukkulle ampisangkaiko.”

YEREMIA 39:9

Kala'busanna ra'ya' niaka ija ammantang ri kotaya, siagang sikamma tau le'baka lari a'limbang ri tu Babel, niengka'mi mange ri Babel ri Nebuzaradan, komandang pasukang lompona Babel.

YOHANES 12:42

Mingka manna nakamma, jai tonji tau tappa' mae ri Isa; ba'lalo nia' todong pamarentana tu Yahudia tappa'. Mingka taerokai ke'nanga mangaku silambusu'na angkana tappaki ke'nanga; lanri mallaki ke'nanga ri tu Farisia, gassingka tanipa'biangai ke'nanga antama' ri balla' sambayanga.

HAKING-HAKING 9:54

Akkaro-karomi Abimelekh angkioki turungka papisang sanjatana na nakana, “Bi'buki pa'dannu nampa nubunoa', tena kuero' nipakkanai nibuno ri tu baine.” Jari nitobo'mi ri anjo tu rungkaya sa'genna mate.

1 SAMUEL 15:24

Nalangngere'na anjo, mangakumi Saul ri Samuel, angkana, “Memang dorakama'. Kudakkaimi parentaNa Batara siagang takujampangiami pitunjutta bapa'. Mallaka' ri ana' buaku nakuturukiang pappala'na ke'nanga.

1 SAMUEL 31:4

Nakanamo Saul mae ri turungka paerang sanjatana, “Bi'bu'mi antu pa'dannu nampa nutoboka', sollanna tena napare' karek-karenanga' siagang nibunoa' ri anjo tau tenaya naassengi Batara.” Mingka taerokai anjo turungkaya antoboki, lanri sannaki napakala'biri'na Saul. Lanri kammana anjo naallemi kalenna Saul anjo pa'danga nampa napara'ba kalenna naung ri matanna anjo pa'danga.