YEREMIA 38:18 - KITTA' MATANGKASA'

¹⁸ Mingka punna taerokako manyara, anne kotaya latu'guruki antama' ri limanna tu Babel. Lanatunui ke'nanga sa'genna la'busu', siagang manna ikau tena todong nulata'lappasa'.”

YEREMIA 38:18 ပူးပေါင်းရင်းမြစ်များ

2 KARAENG-KARAENG 24:12

nampa napassareammo kalenna Karaeng Yoyakhin siagang amma'na, ana'na kabusu', sikamma perwira tantarana siagang pagawe-pagawena balla' karaenga, mae ri Nebukadnezar. Nampa natahammo Yoyakhin. Anjo passalaka kajariangi ri taung makasagantuju wattu ammarentana Karaeng Nebukadnezar.

YEREMIA 21:10

Le'ba'mi Kupattantu angkana laKuancuruki anne kotaya, siagang tena naKupassayangi. Anne kotaya laKupassareangi mae ri karaeng Babel; lanatunui sa'genna cappu' taba sikali. INakke, Batara, anne akkana.”

YEREMIA 27:8

Bansa yareka kakaraengang tenaya naero' tundu' mae ri Nebukadnezar laKuhukkungi siagang pa'bundukang, kacipurang kammayatompa garring, sa'genna kale'bakkanna anjo bansaya tunduki mae ri ia.

YEREMIA 37:8

Nampa lammotere' tu Babel na nabuccu' anne kotaya, nampa nabeta siagang natunu.

YEREMIA 38:23

Kukana pole, “Sikontu ana'na siagang bainenna karaenga lanierangi mange ri tu Babel. Manna kalenna karaenga tena todong nalakkulle ta'lappasa' battu ri ke'nanga. Lanijakkalaki karaenga ri karaeng Babel, siagang anne kotaya lanitunui sa'genna la'busu'.”

YEREMIA 39:3

na niallemo Yerusalem. Battumi sikamma pagawena karaeng Babel nampa a'lampa mange ammempo ri Pakke'bu' Lompo Tangngaya. Ri alla'na ke'nanga niaki Nergal-Sarezer, Samgar Nebo, Sarsekim kapala ruma tanggana balla' karaenga, Nergal-Sarezer Rabmag siagang perwira-perwira tantara maraenga.

YEREMIA 39:8

Lalang kammana anjo tu Babel natunumi balla' karaenga sikamma balla'na ngaseng ra'yaka, kammayatompa naruntungi tembo'-tembo' kalli'na Yerusalem.

YEHEZKIEL 12:13

Mingka laKubuangi jalaKu untu' anjakkalaki. LaKuerangi mange ri Babel, siagang anjorengi lamate natale'baka nacini' anjo kotaya.

YEHEZKIEL 17:15

Mingka karaeng Yehuda angngewai siagang akkiringi tau mange ri Mesir untu' appala' jarang siagang tantara jai. Maka lania' wassele'na anjo usahana? Maka lanilappassangi ta'lappasa'? Tena olona lanadakkai parjanjianga natena nanihukkungi!