YEREMIA 32:9 - KITTA' MATANGKASA'

^9-10 Jari kuballimi anjo tampaka battu ri Hanameel, sampulo antuju doe' pera' ballinna. Akkio'ma' siapa are sa'bi, siagang ri dallekanna ke'nanga kutekemmi sura' pammallina, nampa kusare segele' siagang kutimbangi doe'na.

YEREMIA 32:9 ပူးပေါင်းရင်းမြစ်များ

PA'JARIANG 24:22

Le'baki angnginung ngaseng anjo untaya sa'genna bassoro', angngallemi anting-anting bulaeng tinggia anggaranna anjo surona Abraham, nampa napataba ri ka'murunna anjo tuloloa. Nampa napatabai limanna sipasang ponto bulaeng.

PA'JARIANG 37:28

Na ri wattunna nia' siapa are padanggang battu ri Midian allalo, nipasulu'mi Yusuf ri sikamma sari'battanna battu lalang ri anjo bungunga. Nampa nabalukang ke'nanga ri anjo tu Ismaelka. Na ia ballinna iamintu ruampulo doe' pera'. Nampa nierammo Yusuf ri anjo sikamma padangganga mange ri Mesir.

1 KARAENG-KARAENG 20:39

Numalona karaenga, akkio'mi anjo na'bia angkana, “O Karaeng Mala'biri', ri wattungku a'bundu' ri tampa' pa'bundukanga nia' tau angngerang mae ri nakke sitau musu nijakkalaka. Nakana anjo taua, ‘Jagai anne taua baji'-baji'. Punna lari, kau musti ansambeangi nibuno yareka a'bayara' 3.000 doe' pera'.’

NEHEMIA 5:15

Sikamma guburnur rioloangnganga nainakke, nabattalli ra'yaka lanri natuntuki ke'nanga battu ri ra'yaka 40 jaina doe' pera' lalanna siallo untu' kanre siagang anggoro'na ke'nanga. Ba'lalo, manna pagawe-pagawena ke'nanga najallakkang tonji ra'yaka. Mingka inakke taeroka' appakamma lanri mallaka' ri Allata'ala.

ESTER 3:9

Punna tenaja kikabattallangi, appasulu' maki' sura' parenta untu' amputtai ke'nanga. Siagang punna erokki' antarimai panggappaku, akkullei anne atanta appantama' la'bi ri 340.000 kilo battala'na doe' pera' ri pammoneang doetta karaeng.”

KALAPPASSANG 21:32

Punna anjo tau nibunoa ata bura'ne yareka baine, anjo patanna sapi musti a'bayaraki tallumpulo doe' pera' mae ri anjo patanna ata, siagang anjo sapi lakia musti nisambilai batu sa'genna mate.

YESAYA 55:2

Untu' apa naniballi apa tenaya nappassukku' ri pa'mai', siagang nijama apa tenaya nabassori taua? Turukimi parentaKu, na nukanre apa bajika, siagang nukasia' kanre nyamang nipatalaya.

YEHEZKIEL 4:10

Anjo rotia musti nubage bajiki sa'genna tunggala' allo nukanrei 230 garang. Takkulleai la'bi.

HOSEA 3:2

Jari assarema' doe' pappanai' 15 doe' pera' siagang 150 kilogarang gandung untu' anggappai anjo bainea.