YEREMIA 32:5 - KITTA' MATANGKASA'

⁵ Nampa laniengka' Zedekia mange ri Babel siagang ammantang anjoreng sa'genna Kuhukkung. Manna pole nanabunduki tu Babel, mingka tena nakkulle lambetai. INakke, Batara, anne akkana.”

YEREMIA 32:5 ပူးပေါင်းရင်းမြစ်များ

2 PATTOTTORANG 13:12

Ikatte pamimpinta iamintu Allata'ala KalenNa siagang sikamma imang niaka anrinni. Sadiami ke'nanga appasa'ra tarompe' untu' a'jari pammatei ri katte lamaju ambundukiko. He, tu Israel, teako angngewai ri Batara, Allata'alana boe-boenu! Takkulleako ammeta!”

2 PATTOTTORANG 24:20

Nampa battumo RohNa Allata'ala angkoasai Zakharia ana'na Imang Yoyada. Majumi Zakharia ri dallekanna ra'yaka nampa akkio' angkana, “Nakana Karaeng Allata'ala, ‘Angngapa natena numannuruki ri parenta-parentaKu siagang nucilakai kalennu. Tenamo nujampangiA', jari tena tommo naKujampangiko!’ ”

PANGNGEBARANG 21:30

Tena kaporeang, tarang pikkirang, siagang kacara'dekang akkulle attahang ri dallekanNa Batara.

YEREMIA 2:37

Lanubokoi Mesir siagang la'ba pa'mai' siagang siri'-siri'. INakke, Batara, antollaki ke'nanga tau nupattoanga; tena apa-apa passawallang lanugappa battu ri ke'nanga.”

YEREMIA 32:24

Le'ba'mi nabangung tu Babel tembo'-tembo' angkurungai attammulili kotaya untu' angngallei, na kamma-kamma anne a'bakkami ke'nanga. Pa'bundukang, kacipurang, siagang garring la'jari saba' ri anne kotaya natu'guru' mae ri limanna musua. Kiciniki angkanaya sikontu apa Kipaua a'rupa ngasemmi.

YEREMIA 32:6

Napaui Batara ri nakke

YEREMIA 33:5

tena matu-matunna angngewai tu Babel, nasaba' anjo kammaya poro lanapakajaiji maya'na tau Kubunoa lanri larroKu siagang lussakKu mae ri ke'nanga. TaerokaMa' anciniki pole anne kotaya, lanri sikamma taunna nagaukangi kaja'dallanga.

YEREMIA 37:10

Ebara' angkana nubetai sikontu tantarana Babel sa'genna ia ammantanga iamami sannaka loko'na lalang ri kema-kemana ke'nanga, mingka lambangungi ke'nanga nampa natunu anne kotaya sa'genna la'busu'.’ ”

YEREMIA 39:4

Ri wattunna Karaeng Zedekia siagang sikontu tantarana naciniki anjo sikontu apa kajarianga, ero'mi ke'nanga lari mange ri Lappara'na Yordan ia memang anjo bangngia. Anjorengi ke'nanga ri koko balla' karaenga angngalle oloang, nampa assulu' battu ri pakke'bu' lompo ampasisambungai ruaya tembo' ri anjo tampaka.

YEREMIA 39:5

Mingka niondangi ke'nanga ri tantara Babel nampa najakkala' Zedekia ri lappara'na Yerikho. Nampa nierang Karaeng Zedekia mae ri Karaeng Nebukadnezar ri kota Ribla ri daera Hamat, nampa nitappuki hukkungang mate.

YEREMIA 39:7

Le'baki anjo nikocci'mi assulu' matanna Zedekia, nampa nisikko' na nierang mange ri Babel.

PIRAUNG 1:14

Napasse're kabusuki dosaku nampa Nasikko' Napa'jari se're, na Nagentung ri kallongku sa'gengku a'jari lamma napakamma battala'na. Napassareanga' Batara mae ri musua; na tena kulleku angngewai ke'nanga.

YEHEZKIEL 12:12

Lalang ri sassanna bangngia karaenna ke'nanga lanapisangi pa'roko'na irate ri salangganna nampa a'lampa. Lappareki taua so'bolo' ri temboka sollanna akkulle assulu'. Lanatongkoki matanna sa'genna tanacinika agang naoloa.

YEHEZKIEL 12:13

Mingka laKubuangi jalaKu untu' anjakkalaki. LaKuerangi mange ri Babel, siagang anjorengi lamate natale'baka nacini' anjo kotaya.

YEHEZKIEL 17:15

Mingka karaeng Yehuda angngewai siagang akkiringi tau mange ri Mesir untu' appala' jarang siagang tantara jai. Maka lania' wassele'na anjo usahana? Maka lanilappassangi ta'lappasa'? Tena olona lanadakkai parjanjianga natena nanihukkungi!

PAMMILANGNGANG 14:41

Mingka nakanamo Musa, “Angngapa nuero' kamma-kamma anne andakkai parentaNa Batara? Tena nalanjari pattujunnu!