YEREMIA 32:22 - KITTA' MATANGKASA'

²² Pa'rasangang bajika siagang copponga Kipassareang mae ri ke'nanga sangkamma le'baka Kipa'janjiang mae ri boe-boena ke'nanga.

YEREMIA 32:22 ပူးပေါင်းရင်းမြစ်များ

PA'JARIANG 13:15

Sikontu anjo butta nucinika laKupassareangi mae ri kau siagang mae ri sossorannu, sollanna nukammai satunggu-tungguna.

PA'JARIANG 24:7

Batara, Allata'ala makoasaya ri langika, le'ba' angngeranga' assulu' battu ri balla'na manggeku siagang battu ri pa'rasanganna bija pammanakangku, siagang le'ba'mi assumpa ri nakke angkanaya laNapassareangi anne pa'rasanganga mae ri turungangku. Iatommi lassuroi battu malaeka'Na untu' antulungko, sollanna akkulle nupanggappang sitau baine anakku battu anjoreng.

PA'JARIANG 50:24

Nakanamo ri sikamma sari'battanna, “A'birimmi narapi' a'jalakku, mingka mattantu laNaparakai ngasengko siagang laNapimpingko Allata'ala assulu' battu ri anne pa'rasanganga mange ri pa'rasangang le'baka Napa'janjiang siagang sumpa mae ri Abraham, Ishak siagang Yakub.”

NEHEMIA 9:15

Ri wattu cipuru' siagang kurang kanre, Kipaturungi rotia battu rate ri langi'. Battu ri batu terasa', kassa' siagang jarre' Kipasolong sarring je'neka untu' passau turere. Kisuroi ke'nanga angngempoi buttaya ia le'baka Kipa'janjiang ri ia lalang sumpa.

KALAPPASSANG 13:5

A'janjimi siagang assumpami Batara mae ri boe-boenu untu' laNapassareang mae ri kau pa'rasanganna bansa Kanaan, Het, Amori, Hewi, siagang Yebus. Punna Naerang mako Batara mange anjoreng ri anjo pa'rasangang akkalumanynyanga siagang copponga, tunggala' taung lalang bulang Abib, musti nugaukangi anne pa'gaukang kammaya.

KALAPPASSANG 3:17

Siagang le'ba'mi Kupattantu untu' angngerangi ke'nanga assulu' battu ri Mesir, tampa'na nijallakkang ke'nanga, siagang Kuantaraki ke'nanga mange ri se'reang pa'rasangang kalumanynyang siagang copponga buttana, iamintu pa'rasangang Kanaan, bansa Het, Amori, Feris, Hewi, siagang Yebus.

KALAPPASSANG 3:8

Lanri kammana anjo, erokKa' naung untu' allappassangi ke'nanga battu ri limanna tu Mesirka, nampa Kuerang ke'nanga assulu' battu ri anjo pa'rasanganga naKuerang mange ri pa'rasangang luaraka. Buttana coppongi siagang akkalumanynyangi. Kamma-kamma anne anjo pa'rasanganga napammantangi bansa Kanaan, bansa Het, Amori, Feris, Hewi siagang Yebus.

YEREMIA 11:5

Punna nagaukang ngaseng ke'nanga anjo sikammaya, laKurupai janjingKu mae ri boe-boena ke'nanga angkanaya pa'rasangang copponga siagang kalumanynyanga, ia napammantangngia ke'nanga kamma-kamma anne, laKupassareangi mae ri ke'nanga.” Appialima' angkana, “Baji'mi, Batara.”

YEHEZKIEL 20:15

Anjoreng tomminjo ri parang kassika Kuancang bansa Israel angkanaya tena nalaKuerang ke'nanga antama' ri butta le'baka Kupasadiangi ke'nanga, iamintu butta kalumanynyang siagang coppong, kammayatompa kaminang bajika ri sikontu linoa.

YEHEZKIEL 20:6

Anjo wattua assumpA' angkana laKuerangi ke'nanga assulu' battu ri Mesir mange ri pa'rasangang Kupilea untu' ke'nanga. Anjo pa'rasanganga kalumanynyangi siagang coppongi, butta kaminang bajika ri sikontu linoa.

PAMMILANGNGANG 14:16

iKatte ambunoi ummatTa ri parang lompoa lanri tenana naKikkulle angngerangi ke'nanga mange ri pa'rasangang le'baka Kipa'janjiang.

PAOLE 1:35

‘Tena manna sitau battu ri anne tau ja'dala' kammaya lakkulle antama' ri pa'rasangang coppong Kupa'janjianga mae ri boe-boenu.

PAOLE 1:8

INakke, Batara, le'ba' ampa'janjiangi sikontu anjo buttaya mae ri boe-boenu iamintu Abraham, Ishak siagang Yakub kammayatompa mae ri jari-jarina ke'nanga. Jari a'lampa mako mange ampammantangngi anjo buttaya.’ ”

PAOLE 6:10

“A'janji Karaeng Allata'alanu mae ri boe-boenu iamintu Abraham, Ishak siagang Yakub angkanaya laNapassareangi anjo pa'rasanganga mae ri kau. Kota-kotana lompoi siagang coppongi, nampa teai ikau ambangungi.

PAOLE 6:18

Gaukangi apa Nakanaya baji' siagang adele' Batara, na nusalewangang. Butta coppong Napa'janjianga Batara mae ri boe-boenu, lanupatangi,

PAOLE 6:23

Ia allappassangki' battu ri Mesir sollanna Naerangki' mae anrinni, nampa Napassareang anne buttaya mae ri katte sangkamma Napa'janjianga mae ri boe-boeta.

PAOLE 7:13

LaNakamaseangko siagang laNabarakkakiko, sa'genna a'jari jai ana'nu na pila' katambang jainu. LaNabarakkaki sikamma kokonnu, sa'genna angngerang wassele' gandung, anggoro' siagang minynya' zaitun. LaNabarakkakiko sa'genna a'jari jai sapinu, bembenu siagang gimbala'nu. Sikontu anjo barakkaka lanutarimai ri pa'rasangang Napassareanga Batara mae ri kau, situru' janjinNa mae ri boe-boenu.

PAOLE 8:1

“Sikontu hukkung kupassareanga mae ri kau anne alloa musti nugaukangi tamattappu', sollannu tuli attallasa', nupila' jai siagang nupammantangngi butta Napa'janjianga Batara mae ri boe-boenu.

YOSUA 1:6

Paralluko tappa' siagang barani, nasaba' ikau lampimpingi anne bansaya ri wattunna napantamakki ke'nanga pa'rasangang Kupa'janjianga mae ri boe-boena ke'nanga.

YOSUA 21:43

Kammaminjo naNapassareammo Batara mae ri umma' Israel sikontu butta le'baka Napa'janjiang siagang sumpa mae ri boe-boena ke'nanga. Napantamakkinnamo ke'nanga anjo pa'rasanganga, ammantang tulimi umma' Israel anjoreng.