YEREMIA 32:11 - KITTA' MATANGKASA'

¹¹ Nampa kualle anjo sura' pammallia le'baka nisare segele' siagang niaka tattulisi' sara'-sara' kammayatompa katantuang-katantuang nipareka. Kualle tommi salinanna sura' pammalli tenaya nammake segele',

YEREMIA 32:11 ပူးပေါင်းရင်းမြစ်များ

YEREMIA 32:12

nampa kupassareang anjo ruaya sura' mae ri Barukh ana'na Neria cucunna Mahseya. Kupassareangi anjo ri dallekanna Hanameel kammayatompa sa'bi-sa'bi le'baka antekengi anjo sura'-suraka, siagang ri dallekanna sikamma tau niaka ammempo anjoreng ri paranglakkenga.

LUKAS 2:27

Niulumi Simeon ri RohNa Allata'ala antama' ri Balla'Na Batara. Anjo wattua nierangi anjo Isa, ana' loloa, ri Yusuf siagang Maria antama' untu' anggaukangi pa'gaukang nipassuroanga lalang atorang agamaya.

LAMPA-LAMPANA 26:3

la'biangampa pole nasaba' kiasseng sikali ada'-ada'na siagang passa'-passala'na katallassanna tu Yahudia. Lanri kammana minjo, kupalaki pa'mai' bajitta nakipilangngeri baji'-baji' anne apa eroka kupakasingara'.

1 KORINTUS 11:16

Jari, punna nia' tau ero' ampa'geakkangi anne passalaka, se'reji bawang akkulle kupau; iamintu angkanaya, ikambe siagang sikamma jama'aNa Allata'ala, se'reji bawang kabiasanta lalang ri jama'aka, tena pantaranganna.