YEREMIA 3:6 - KITTA' MATANGKASA'

⁶ Ri wattu pamarentahanna Karaeng Yosia, akkana kammai anne Batara ri nakke, “Le'ba'mi nucini' apa nagaukanga tu Israel, anjo rapang baine tenaya namajarre' pa'mai'na? NabokoiA' nampa nagaukang assundalaka irate ri tunggala' moncong tinggia siagang irawanganna poko' kayu lompoa.

YEREMIA 3:6 ပူးပေါင်းရင်းမြစ်များ

1 KARAENG-KARAENG 14:23

Irate ri bulu'-buluka siagang irawanganna poko'-poko' kayu lompoa, ambangummi ke'nanga tampa'-tampa' panynyombang mae ri barhalaya, siagang appaentemmi ke'nanga bangunang-bangunang kammayatompa patung-patung rewata baine Asyera untu' nasomba ke'nanga.

2 PATTOTTORANG 34:1

Nampami 8 taung umuru'na Yosia ri wattunna a'jari karaeng ri Yehuda, siagang ammarentai 31 taung sallona ri Yerusalem.

PAMMUJI 106:39

Lanri anjo sikamma panggaukanna a'jari ra'masa'mi ke'nanga, siagang tajarreka ke'nanga mae ri Allata'ala.

YESAYA 57:3

Mingka ikau ngaseng tau dorakaya, battu mako mae untu' niadeli! Tena nubajikangngang na pabale'-bale' mataya, siagang tau nangaia a'gau' bawang kammayatompa baine pagau' salaya!

YESAYA 57:7

A'lampako mange ri coppo'-coppo'na monconga untu' assare koro'bang siagang ampassukkuki hawa napasunu.

YEREMIA 1:2

A'bicara Batara mae ri Yeremia ri taung makasampulona antallu lalang ammarentana Yosia ana'na Amon karaeng Yehuda.

YEREMIA 11:10

Nagaukammi ke'nanga dosa le'baka nagaukang boe-boena riolo tenaya naero' mannuruki ri Nakke, anynyomba ri rewata-rewata maraeng siagang taerokai anturuki parentaKu. Baji' na Israel kammayatompa tu Yehuda, nadakkaimi parjanjiang le'baka Kupare' siagang boe-boena ke'nanga.

YEREMIA 17:2

Sikamma taunnu assambayangi ri tampa'-tampa' pakkoro'bangnganga siagang benteng-benteng barhala le'baka nabangung untu' rewata niarenga Dewi Asyera ri tunggala' poko' kayu copponga, ri coppo'-coppo'na buluka,

YEREMIA 31:22

Siapapi sallonu tuli ranggasela, he bansa tenaya namajarre' ri Nakke? Appa'jariMa' apa beru ri lino, apa appakalannasaka – rapang baine nila'langngi ri bura'ne.”

YEREMIA 5:11

Nabaliang tojeng-tojemMa' umma' Israel siagang Yehuda. INakke, Batara, anne akkana.”

YEREMIA 7:24

Mingka taerokai ke'nanga mappilangngeri siagang taerokai ke'nanga anjampangi. Ba'lalo ero' kalenna tonji ke'nanga naturukiang, iamintu ero' kapala batuna siagang ero' kaja'dallanna anjo. Tena na'jari baji' ke'nanga passangalinna a'jari ja'dalaki.

YEHEZKIEL 16:31

Ri tana lapanna kotaya siagang ri biring-biring aganga appaentengko tampa'-tampa' untu' anynyomba barhala siagang assundala'. Mingka ikau tena nusangkamma pasundala' samaraka parallua ri doe'.

YEHEZKIEL 16:35

He Yerusalem, pasundalaka, pilangngeri apa kananNa Batara Kaminang Tinggia, angkana, “Le'ba'mi nusungke bajunnu, siagang salaku pasundala' nupassareammi kalennu mae ri sikamma tanrinnu siagang mae ri anjo barhala-barhalanu appakaringi'-ringika. Ana'-ana'nu nubunoi siagang nukoro'bangkangi mae ri anjo barhala-barhalaya.

YEHEZKIEL 20:28

Kuerangi ke'nanga mange ri butta le'baka Kupa'janjiang mae ri ke'nanga. Ri wattunna nacini' ke'nanga bulu'-bulu' tinggia siagang poko'-poko' kayu copponga leko'na, assaremi ke'nanga koro'bang anjoreng ri sikamma anjo tampaka. NapakanassuA' ke'nanga lanri assarena ke'nanga koro'bang-koro'bang nitunu siagang anggoro'.

YEHEZKIEL 23:11

Oholiba, andi'naya, nacini' kabusuki anjo kajariang kammaya; mingka la'bi lompoangngangi balere'na na Ohola anggaukangi anjo a'gau' bawanga.

YEHEZKIEL 23:4

Ia toaya niarengi Ohola; iami pangngebaranna Samaria. Andi'na niarengi Oholiba; iami pangngebaranna Yerusalem. A'buntingA' siagang ke'nanga, siagang para anggappa' ana' battu ri ke'nanga.

HOSEA 11:7

siagang terasa'na nyawana ero' ambokoiA'. Jari lanijallakkangi ke'nanga, mingka tena lakkulle allappassangi ke'nanga manna pole nammarrang ke'nanga appala' tulung.”

HOSEA 4:13

Ri tampa'-tampa' panynyombang barhalaya ri coppo'-coppo' buluka siagang monconga, anjoreng ngaseng mako assare koro'bang siagang attunu dupa irawanganna poko'-poko' kayu lompoa siagang copponga leko'na lanri dinging-dinginna anjo tampaka. Mingka apa kale'bakkanna? Sikamma tulolonnu a'jari pasundala'mi siagang sikamma mintunnu bainea a'gau' bawammi!

HAKING-HAKING 2:17

Mingka tena najampangi ke'nanga anjo pamimpinga. Anynyombai ke'nanga mae ri rewata-rewata maraenganga, siagang tena namajarre' ke'nanga mae ri Batara. Tena naturuki boe-boena ke'nanga, ia mannurukia ri sikamma parentaNa Batara.