YEREMIA 3:3 - KITTA' MATANGKASA'

³ Lanri kammana minjo natattahang je'neka battu ri langi', siagang tena battu-battuna bosia ri wattu baraka. Sanrapangko pasundala', siagang tena siri'nu.

YEREMIA 3:3 ပူးပေါင်းရင်းမြစ်များ

PA'JARIANG 19:34

Ammukona bari'basa', nakanamo anjo ana' toaya mae ri andi'na, “Ri bangngia assikatinroamma siagang manggeta! Sinampe' punna bangngi niusahakangi pole nanasa'ring. Nampa mangeko assikatinroang. Sallang massing anggappaki' ana'.”

NEHEMIA 9:17

Tamannurukiai ke'nanga, nakaluppai sikontu kabajikanTa, tenai ri pangngu'ranginna sikamma gau' mappakalannasatTa. Tampomi ke'nanga ammile sitau pamimping, untu' angngerangi ke'nanga ri Mesir, ammotere' a'jari ata. Mingka iKatte Allata'ala mangngai mappammopporang, sarro sa'bara', lammoro' pa'mai', sukku' pangngamaseang. Teai sipato' heba'na pangngamaseanTa; tena naKibokoi ke'nanga.

PANGNGEBARANG 21:29

Tau lambusuka tappaki ri kalenna; tau ja'dalaka akkapala' rupai.

YESAYA 5:6

LaKubalang parekangi natimboi ruku'-ruku' liara'. Tena nalaKuparakai poko' anggoro'na, siagang tena nalaKusangkoi. Ba'lalo Kubalang parekangi nitongko' ri ruku' siagang rompo' akkatinting, ba'lalo Kupisangkai rammanga ampitu'guri bosi.”

YEREMIA 14:1

Akkana kammai anne Batara ri passala'na wattu timoro' karri dudua.

YEREMIA 14:22

Rewata-rewatana bansa-bansaya takkulleai appaturung bosi ri lino. Manna langika takkulle todong ampaturungi bosia siagang koasa kalenna. IKatteji bawang panrannuanna ikambe. IKatte ampa'jari ngasengi anjo sikammaya.

YEREMIA 14:3

Sikamma palayanna tau kalumanynyanga nisuroi a'boya je'ne' ri kere-keremae; a'lampai ke'nanga mange ri sikamma bungunga mingka la'busu' ngasemmi je'neka. Tena bonena bongkia naeranga ke'nanga ammotere'. Lussa'mi natappu' minasa ke'nanga siri'-siriki ke'nanga na natongko' rupanna.

YEREMIA 14:4

Taturungai bosia siagang kalotoro' sikali buttaya; natongkoki rupanna pamarria lanri la'bana nyawana.

YEREMIA 36:2

“Angngalleko se're kitta' nigulung, siagang tulisiki lalang sikontu apa le'baka Kupau ri kau ri passala'na Israel siagang Yehuda, kammayatompa ri passala'na sikontu bansaya. Tulisiki sikontu kana-kanangKu appakkaramula ri uru-uru a'bicaraKu ri kau ri wattu pamarentahanna Karaeng Yosia sa'genna anne alloa.

YEREMIA 5:24

Tena le'bakako angngu'rangi untu' ampakalompoA', padahala' iNakke appabattu bosi, baji' naripakaramulanna kammayatompa narikala'busanna baraka. INakke todong assareko wattu pakkattoang tunggala' taung.

YEREMIA 5:25

Mingka iaminjo dosa-dosanu ngaseng anrompai sikontu anjo apa bajika sa'genna tena nukasiaki baji'na.

YEREMIA 5:3

Sikontutojenna ia Natuntuka Batara iamintu pa'mai' tamamminraya. Natunrungko Batara, mingka tena nujampangi. Nalicakko, mingka taerokako niajara'. Kapala batuko, siagang taerokako toba' battu ri dosa-dosanu.

YEREMIA 6:15

Mustina siri'-siriki ke'nanga lanri le'ba'na nagaukang ngaseng anjo panggaukang tunaya. Mingka kapala' rupai siagang tena siri'na ke'nanga. Lanri kammana, latu'guruki ke'nanga sangkamma tau maraenga; cappu'mi riwaya'na ke'nanga punna Kuhukkungi ke'nanga. INakke, Batara, anne akkana.”

YEREMIA 8:12

He ummakKu, mustina siri'-sirikko lanri le'ba'na ngaseng nugaukang anjo apa tuna kammaya! Mingka kapala' rupako siagang tena siri'-siri'nu. Lanri kammana anjo latu'gurukko sangkamma tau maraeng le'baka tu'guru'; cappu'mi riwaya'nu punna Kuhukkungko.

YEREMIA 9:12

Akkuta'nanga' angkana, “Batara, angngapa nanibalang parekang anne pa'rasanganga a'jari roso' siagang kalotoro', sangkamma parang luara' tenaya ampanumaloi? Maka nia' akkulle cara'de' untu' ampahangi apa battuanna yangasenna anne? Inai tau le'ba' Kipisingariang sollanna akkulle napatulusu' anjo kasingaranga mae ri tau maraenga?”

YEHEZKIEL 3:7

Mingka bansa Israel taerokai ampilangngeriko, ba'lalo manna iNakke tena todong naero' ke'nanga ampilangngeriA'. Kapala batu ngasengi ke'nanga siagang nangai angngewaya.

KAIMANGNGANG 26:19

Teai sipato' tamponu, mingka laKupatundu' ngasengko. Tena nalabattu bosia, sa'genna a'jari kalotoro' siagang kassa' kamma bassi buttanu.

AMOS 4:7

INakke ampisangkai turung bosia ri wattu paralluna ri je'ne' lamung-lamunnu. INakke appaturung bosi mae ri kota se'rea siagang tena ri kota maraenga. Koko se'rea anggappai bosi, nampa koko maraenga kalotoroki.

AMOS 4:8

Ri siapa area kota pandudu'na lammami napakamma turere, a'boya je'ne' ri kota maraenga, mingka tanggannakkai je'neka anjoreng. Mingka manna nakamma, tena tongijapa nuero' ammotere' mae ri Nakke.

ZEFANYA 2:1

He bansa tenaya nangngasseng siri', angngu'rangiko,

ZEFANYA 3:5

Mingka nia' iji Batara ri anjo kotaya; tuli Nagaukangi apa annabaya siagang tale'bakai sala. Tunggala' bari'basa' mattantu Nasarei kaadelang umma'Na. Mingka, tau tenaya naassengi kaadelanga ri anjo kotaya, tuli tenana siri'na a'gau' ja'dala'.

HAGAI 1:11

Kupabattui kakalotoranga mae ri buttaya siagang bulu'-buluka, mae ri koko-koko gandunga, koko-koko anggoroka siagang koko-koko zaitunga, kammayatompa mae ri sikontu lamung-lamung niaka ri anne buttaya, ba'lalo mae ri rupataua siagang olo'-oloka, kammayatompa mae ri sikontu apa nuusahakanga.”

PAOLE 28:23

Talabattuai bosia, siagang la'jari terasaki buttanu sangkamma batu.

IBRANI 12:25

Lanri kammana, tutu laloko, gassingka taerokako ampilangngeri kananNa Tau ampabattuai biritta battua ri Allata'ala. Ia tau tenaya naero' ampilangngeri biritta nipabattua battu ri Allata'ala lalang ri anne linoa, takkulleai allariangi kalenna. La'biangampa ikatte anne, allangngerekai anjo a'bicaraya battu ri suruga! Punna taerokaki' ampilangngeri, antekamma bateta lakkulle ta'lappasa'.