Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




YEREMIA 3:25 - KITTA' MATANGKASA'

25 Jari, boli'mi kamma siri'-siri' ikambe, siagang boli'mi kamma a'jari tuna ikambe. Nasaba', ikambe siagang boe-boena ikambe doraka ngasemmaki' ri Karaeng Allata'ala, kammayatompa tenale'bakaki' mannuruki ri parenta-parentaNa.”

အခန်းကိုကြည့်ပါ။ ကော်ပီ




YEREMIA 3:25
38 ပူးပေါင်းရင်းမြစ်များ  

Dorakami ikambe sangkamma boe-boena ikambe; a'gau' ja'dala'mi siagang dorakami ikambe.


Wattunna ri Mesir tena napahangi boe-boena ikambe; tanapahangai bate pare' malompoTa. Nakaluppai pangngamaseang alla'biTa, ri ampi'na Tamparang Alara' angngewai ke'nanga mae ri Kaminang Tinggia.


Boli'mi kamma tau antudua' nikalimbuki ri kahinaang, siagang siri'-siri' angkalimbuki ke'nanga sanrapang juba.


Tau taeroka niajara', la'jari kasi-asi na tuna; tau najampangia pappakaingaka lanipakalompoi.


Taeroka' ampilangngeri guru-gurungku siagang taeroka' anturuki ke'nanga.


Kuassengi angkanaya takkulleako nipatappa', battu rioloji numasahoro' angkana tunungai doraka. Lanri kammana minjo na tanuassenga, tena manna sibuku kana battu mae ri tolinnu.


He ikau ngaseng tau ancilakaiyai parannu tau, lanipanrakiko lanri ri rancana kalennu tonji. Batara ampareki anjo kajarianga kammaya, lasannaki batenu nisessa.


Jai sikali rewata-rewatana tu Yehuda, sangkamma jaina kota-kotana ke'nanga. Pandudu'na Yerusalem appaentengi tampa'-tampa' pakkorobangngang sangkamma jaina agang-agang ri kota Yerusalem untu' assare koro'bang mae ri Rewata Baal.


UmmakKu appakioroki gandung, mingka katinting nagappa. Akkareso lompoi ke'nanga, mingka tena nanggappa wassele' ri usahana ke'nanga. Teai sitapo' larroKu sa'genna sala ngaseng kattoanna ke'nanga!”


Batara, ri Kattemi bawang doraka ikambe. Namangakui ikambe dosa kalenna ikambe siagang dosana boe-boena ikambe.


Akkioki ummakKu angkana, ‘Batara manna pole naniutung ikambe ri dosana mingka Kitulungi ikambe situru' janjinTa. A'mole-mole maKi' nibokoi ri kambe; tojeng, dorakami ikambe ri Katte.


Kalennu tonji a'jari passabakkang sikontu apa kajarianga mae ri kalennu, lanri ri wattunnu Kuulu ri pa'jappannu, ma'bokoko ri Nakke, Karaeng Allata'alanu


Kaja'dallannu tonji anghukkungi kalennu, nisessako lanri nusorongbokoA', iNakke, Allata'alanu. Kamma-kamma anne kasia'mi pai'na siagang paccena punna nubokoiA' siagang tena nupakalompoA'. INakke, Karaeng Allata'alanu anne le'ba' a'bicara; iNakkemi Karaeng Allata'ala Kaminang Tinggia siagang Makoasaya.”


Nakana Batara, “Rapang palukka' siri'-sirika ri wattunna nijakkala', kamma tomminjo batenu lasiri'-siri' ngaseng, he tu Israel, siagang sikamma karaenga, sikamma pamarentaya, siagang imang-imanga siagang sikamma na'bi-na'binu!


Angngapa kumusti nilassukang? Poro untu' pa'risi' siagang kasukkarang? Siagang sollanna allalo tallasakku lalang siri'-siri' bawang?


Le'ba'Ma' a'bicara ri kau ri wattunna baji' kaadaannu, mingka taerokako mappilangngeri. Memang kammaminjo gau'-gau'nu battu riolo sa'genna kamma-kamma anne; tale'bakako ero' mannuruki ri Nakke.


Akuimi angkanaya salako siagang anjari baliko mae ri Batara, Allata'alanu. Akuimi angkanaya le'baki nupassareang pangngainnu mae ri rewata-rewatana bansa maraenga irawanganna poko'-poko' kayu lompoa, siagang tena numannuruki ri parenta-parentaKu. INakke, Batara, anne a'bicara.”


Le'baki ma'boko ikambe mae ri Katte, mingka assesse'lalammi ikambe ri gau' kammana anjo. Ri le'ba'namo Kihukkung ikambe, ta'dundumi ulunna ikambe napakamma si'na. Siri'-siriki ikambe siagang a'jari tunai lanri dorakanamo ikambe ri wattu rungkana.’


Nakana Batara ri umma'Na, “Ammakeko pakeang karung nampa anggulung-gulungko ri aua. Susa tukamateang mako siagang angngarru' mako pacce nyawanu, rapang tau appiraunga angkarruki ana' sitau-tauna, nasaba' ti'ring labattumi tulammanrakia ambundukiko.”


Mingka sikontutojenna, teai iNakke napa'risi ke'nanga, passangalinna kalenna tonji ke'nanga, sa'genna siri'-siri' nakasia' ke'nanga.


Nakana umma'Na Allata'ala, “Angngapa natena apa-apa nigaukang? Umba nakissama-sama a'lili mange ri kota-kota niaka pattahanganna, lappassang maki' anjoreng mate. Le'ba'mi Natappuki Karaeng Allata'ala, angkanaya musti panrakki'. Le'ba' maki' Nasare racung untu' niinung lanri dorakaki' mae ri Ia.


Nakana tu Yehuda, “Suroi ke'nanga akkelong linta' kelong-kelong susaya untu' ikatte ngaseng, sollanna assolong-solong je'ne' matanta ambasai pilisitta.”


Tenami kalompoanna ikambe cilakami ikambe napakamma doraka.


Dorakai boe-boena ikambe, anne kamma tenami ke'nanga; mingka musti ballasaki ikambe lanri dosa-dosana ke'nanga.


“He tau, ikau Kusuroko mange ri tu Israel angngewaya ri Nakke. Anjo ke'nanga angngewai sangkamma boe-boena ke'nanga.


U'rangi, he Israel, angkanaya naKugaukang ngaseng anjo sikammaya, teai lanri ikau. Musti siri'-siriki nusa'ring siagang hinai pakkasia'nu lanri panggaukannu. INakke, Batara Kaminang Tinggia, anne akkana.’ ”


Anjo ke'nanga tenamo nakkulle allayaniA' salaku imang yareka anseroi apa matangkasaka untu' iNakke, yareka antama' ri Tampa' Kaminang Matangkasaka. Iami anjo hukkungang mae ri panggaukang-panggaukang ra'masa' nagaukanga ke'nanga.


Lammakei ke'nanga kaeng karung siagang lannekkereki sibatu kale. Lanigondoloki ulunna ke'nanga siagang lanipakasiriki ke'nanga.


Jai ri ke'nanga mateamo lattallasa' poleangi; sipa'gang lanakasiaki katallassang mannannunganga na sipa'gang pole lanakasiaki tunaya siagang kapa'risanga sa'genna todong satunggu-tungguna.


Nakana Batara, “Ri wattu uru Kubuntulu'na Israel, rannuA' rapang tau anggappaya rappo anggoro' ri parang lompoa. Ri wattu uru Kucini'na boe-boenu sanna' sannanna nyawaKu, rapang tau uru ancinikai rappo bungasa'na rappo araya. Mingka, ri wattunna a'lampa ke'nanga mange ri Bulu' Peor, appakkaramulami ke'nanga anynyomba ri Baal, sa'genna a'jari ra'masa' ke'nanga sangkamma ra'masa'na anjo rewata nangaia ke'nanga.


Nakana Batara, “LappabattuA' jai bala mae ri umma' rupataua, sa'genna langngosala' mami ke'nanga rapang tau buta. Dorakami ke'nanga mae ri Nakke, siagang kamma-kamma anne tatumpami cera'na ke'nanga rapang je'ne', siagang maya'-maya'na ke'nanga a'jari botto'mi ri tompo'na buttaya.”


Anjo wattua apa passawallang nugappa ri anjo panggaukang appakasirika? Poro kamateang bawang naerang anjo panggaukang-panggaukang kammaya!


Jari takkulleako appare' passikko' passijanjiang siagang tau niaka ammantang anrinni ri pa'rasanganga. Sikamma tampa' pakkoro'bangnganna ke'nanga musti nurumbangi'.’ Mingka tena nugaukangi anjo apa Kupassuroanga. Ba'lalo ta'bale'na nugaukanga!


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ