YEREMIA 3:20 - KITTA' MATANGKASA'

²⁰ Mingka rapang baine tenaya namajarre' pa'mai'na, sangkamma tomminjo tena namajarre' pa'mai'nu mae ri Nakke. INakke, Batara, anne a'bicara.”

YEREMIA 3:20 ပူးပေါင်းရင်းမြစ်များ

YESAYA 24:16

Battu ri cappa'na buttaya lania' kalangngerang sa'ra kelong pammuji mae ri Israel, bansa mannurukia. Mingka inakke cilakama'! Inakke ta'ronanga'! Tau a'bali' ballanga tuli nagaukanna a'gau' bali' ballanga.

YESAYA 48:8

Kuassengi angkanaya takkulleako nipatappa', battu rioloji numasahoro' angkana tunungai doraka. Lanri kammana minjo na tanuassenga, tena manna sibuku kana battu mae ri tolinnu.

YEREMIA 12:1

“Punna kuerang parkaraku mae ri dallekanTa, o Batara, attantu la'buttimi angkanaya iKatte tojeng. Mingka ero' tonga' akkuta'nang mae ri Katte ri passala'na nikanaya kaadelang: Angngapai tau ja'dalaka naia kalumanynyang? Angngapa natau tenaya nalambusu' baji' panggappanna?

YEREMIA 5:11

Nabaliang tojeng-tojemMa' umma' Israel siagang Yehuda. INakke, Batara, anne akkana.”

HOSEA 3:1

Nakana Batara ri nakke, “A'lampako pole siagang angngaiko pole sitau baine nangaia a'gau' bawang. Mangngaiko ri ia sangkamma iNakke mangngaiA' ri tu Israel manna pole nabokoiA' ke'nanga nanynyomba ri barhala-barhala maraenga siagang nangai assare kanrejawa kismis mae ri barhalaya.”

HOSEA 5:7

Tena namajarre' ke'nanga mae ri Batara; ana'-ana'na ke'nanga teaimi ana'-ana'na. Lanri kammana anjo, tenamo nasallo nalanipanraki ke'nanga siagang koko-kokonna ke'nanga.

HOSEA 6:7

Mingka sangkamma Adam, nudakkai janjinnu mae ri Nakke.

MALEAKHI 2:11

Nadakkaimi umma' Yehuda parjanjianNa Allata'ala siagang ke'nanga siagang nagaukammi apa appakaringi'-ringika ri Yerusalem siagang ri sikontu pa'rasanganga. Nara'massimi ke'nanga Balla'Na Batara Nakarimangngia, siagang a'nikkami ke'nanga siagang bai'-baine anynyombaya ri rewata-rewatana bansa maraenga.