YEREMIA 3:2 - KITTA' MATANGKASA'

² Coba sako accini' nai' ri coppo'-coppo'na buluka! Tampa' kereanga mami tena le'ba' nubattui untu' a'gau' bawang? Sangkamma tu Arab ri parang lompoa, kammaminjo batenu ammempo ri biring aganga attayang tau lanuaganga attanring. Nurantassi anne pa'rasanganga lanri a'gau' bawannu siagang kaja'dallannu.

YEREMIA 3:2 ပူးပေါင်းရင်းမြစ်များ

PA'JARIANG 38:14

Jari nasambei pakeang jandana siagang pakeang maraeng. Nampa natongko' rupanna siagang bongong. Le'baki anjo a'lampami mange ammempo ri pakke'bu' lompona kota Enaim, iamintu niaka ri agang mangea ri Timna. Bajiki naassenna Tamar angkanaya anjo Syela, ana' bungkona Yehuda, lompomi. Mingka tenapa nanipa'buntingi siagang anjo turungkaya.

1 KARAENG-KARAENG 11:3

Nia' 700 baine karaeng nanikkai Salomo, siagang nia' 300 baine boli'-boli'na. Ia ngasemmi anjo bainenna a'jari passabakkang nanabokoimo Salomo Allata'ala,

2 KARAENG-KARAENG 23:13

Kammayatompa sikamma tampa'-tampa' pakkoro'bangngang niaka ri bageang rayana Yerusalem, ri bageang timboro'na Bonto Kaja'dallanga, niputta kabusu' tongi. Anjo tampa'-tampa' pakkoro'bangnganga nabangungi Salomo untu' anynyomba ri rewata-rewata appakaringi'-ringika, iamintu Asytoret, dewina bansa Sidon, Kamos rewatana bansa Moab siagang Milkom rewatana bansa Amon.

PAMMUJI 106:38

Napassolongi cera'na tau tenaya nasala, cera'na ana'-ana' kalenna ke'nanga, untu' nikoro'bangkang mae ri barhala-barhala; sa'genna nara'massi ke'nanga anjo pa'rasanganga.

PANGNGEBARANG 23:28

Angngadangi ke'nanga sanrapang paella' siagang napa'jari tau bura'nea jai a'gau' sala.

YEREMIA 12:12

Battu ba'leang ri parang lompoa ri pa'monconganga, battu taua angngellaki. Kupabattui pa'bundukanga untu' ampanraki sikontu pa'rasanganga, sa'genna tenamo manna sitau akkulle attallasa' amang.

YEREMIA 2:20

Nakana Batara, “Sallo mako taeroka anynyomba ri Nakke; taeroka mannuruki yareka mappilangngeri ri Nakke Irate ri tunggala' bulu' tinggia nai', siagang irawanganna poko' kayu lompoa anjorengko anynyomba ri rewata-rewata kacopponganga.

YEREMIA 2:23

Barani tojengko angkana tena nupalla', siagang tenale'bakako amminawang ri Rewata Baal! Ciniki gio'-gio'nu ri lappara'na ka'bunga, u'rangi kaja'dallannu siagang akuimi! Rapangko unta gana balereka, piti lari-lari takkulle nilewai,

YEREMIA 2:7

Kuerangi ke'nanga mange ri pa'rasangang coppong untu' angkasiaki sikamma wassele' bajika anjoreng. Mingka anjorengi narantassi ke'nanga buttaKu nanapa'jari appakaringi'-ringi' apa-apa Kupatanga.

YEREMIA 3:1

Nakana Batara, “Punna nia' sitau baine nitalla' ri bura'nenna, nampa anjo bainea nibaineangi ri bura'ne maraeng, takkulleai anjo le'ba' bura'nenna ambaineangi pole ammotere', lanri anjo passala' kammaya lammanraki ri anne pa'rasanganga. Ikau tu Israel, jai sikalimi tanrinnu, antekamma batenu lakkulle ammotere' mae ri Nakke!

YEREMIA 3:13

Akuimi angkanaya salako siagang anjari baliko mae ri Batara, Allata'alanu. Akuimi angkanaya le'baki nupassareang pangngainnu mae ri rewata-rewatana bansa maraenga irawanganna poko'-poko' kayu lompoa, siagang tena numannuruki ri parenta-parentaKu. INakke, Batara, anne a'bicara.”

YEREMIA 3:21

Ri coppo'na bulu'-buluka nia' kalangngerang sa'ra gegere'; iaminjo sa'ranna umma' Israel angngarru' siagang appala' tojeng, lanri dorakami ke'nanga, siagang nakaluppaimi Karaeng Allata'alana ke'nanga.

YEREMIA 3:9

siagang tena sikali siri'-siri'na. A'gau' bawangi lanri anynyombai ri batua siagang poko'-poko' kayua, sa'genna a'jari rantasa' anne pa'rasanganga.

YEREMIA 7:29

Nakana Batara, “He pandudu' Yerusalem, susa mako! Polongi uu'nu nampa nupela'! Akkelongko kelong-kelong karru' irate ri coppo'-coppo' buluka, nasaba' iNakke, Batara larro siagang Kusorongboko ngasengko.

YEHEZKIEL 16:16

Sipa'gang pakeannu nupakei untu' ambelo-beloi tampa' panynyombanga mae ri barhalaya. A'jariko baine pasundala' siagang nupassareangi kalennu mae ri sikamma tu bura'nea.

YEHEZKIEL 20:28

Kuerangi ke'nanga mange ri butta le'baka Kupa'janjiang mae ri ke'nanga. Ri wattunna nacini' ke'nanga bulu'-bulu' tinggia siagang poko'-poko' kayu copponga leko'na, assaremi ke'nanga koro'bang anjoreng ri sikamma anjo tampaka. NapakanassuA' ke'nanga lanri assarena ke'nanga koro'bang-koro'bang nitunu siagang anggoro'.

HOSEA 2:5

Amma'nu pasundala' tena siri'na. Angkanai, ‘Erokka' a'lampa mange ri tanring-tanringku, assarea' kanre-kanreang siagang inung-inungang, kaeng wol siagang kaeng lenang, minynya' zaitun siagang anggoro'.’

LUKAS 16:23

Sanna'mi sessana nasa'ring ammantang ri lino pammantanganna tau matea. Na ri wattunna accini' battu rawa nai' nacini'mi battu bella Abraham siagang Lazarus ammempo ri sa'rinna Abraham.

PAOLE 12:2

Punna antama' mako ri anjo pa'rasanganga, musti nuancuru' ngasengi sikamma tampa'-tampa' panynyombanga irate ri moncong-moncong tinggia, ri bulu'-buluka siagang irawanganna poko'-poko' kayu copponga leko'na, tampa'na bansa niaka ammantang anjoreng untu' anynyomba ri rewata-rewatana ke'nanga.