YEREMIA 3:17 - KITTA' MATANGKASA'

¹⁷ Anjo wattua kota Yerusalem laniarengi ‘Empoang Kala'biranNa Batara’, siagang sikontu bansaya la'rappungi ri anjo kotaya untu' anynyomba ri Nakke. Tenamo nalanaturuki ero' kalenna ke'nanga ja'dalaka siagang kapala batua anjo.

YEREMIA 3:17 ပူးပေါင်းရင်းမြစ်များ

PA'JARIANG 8:21

Sannammi pa'mai'Na Batara angngaraki rasa mabau'na anjo koro'banga, na Nakanamo lalang ri pa'mai'Na, “Tenamo nalaKutunrai anne linoa lanri panggaukanna rupataua; Kuassengi angkanaya battu ri wattu lolonaiji naja'dala'mo pikkiranna anjo rupataua. Tenamo nalaKuancuru' pole sikontu apa-apa attallasaka sangkamma anne apa beru le'baka Kugaukang.

1 KARAENG-KARAENG 8:41

Punna nia' tu maraeng ri pa'rasangang bellaya allangngereki kalompoanTa siagang gau'-gau' appakalannasa', ia le'baka Kigaukang untu' ummatTa, nampa battu mae anrinni ri balla' passambayanganga anne untu' ampakala'birikKi' siagang appala' doang ri Katte,

PAMMUJI 102:23

ri wattunna a'rappungang bansa-bansaya siagang sikamma kakaraenganga untu' a'gau' ibada mae ri Batara.

PAMMUJI 78:8

sollanna tena sangkamma ke'nanga boe-boena nangaia angngewa siagang doraka; ana'-ana' ta'lengga-lenggaya tappa'na, siagang tenaya namajarre' mae ri Allata'ala.

PAMMUJI 87:3

Pilangngeri, he kotaNa Allata'ala, apa-apa appakalannasa' Nakananga ri passala' ikau:

YESAYA 26:8

Mannuruki ikambe ri kaputusanTa, o Batara, siagang mattayang-tayang ri Katte; iKattemi napuji siagang nakanakkukang atinna ikambe.

YESAYA 56:6

Nakana Batara mae ri sikamma bansa maraenga antamayamo ri bilanna umma'Na Batara, mangngaia ri Batara siagang anynyombaya mae ri Ia, ampakalompoai allo Pammari-marianga siagang majarreka ri parjanjianNa,

YESAYA 59:19

KoasaNa siagang kala'biranNa lanakamallakkangi sikontu taua battu raya sa'genna kalau'. Labattui rapang binanga sarringa lo'loro'na, nipammarrunga ri anging kancang.

YESAYA 6:1

Ri taung kamateanna Karaeng Uzia, kuciniki Batara. Ammempoi rate ri empoang kala'biranNa, irate tampa' tinggia siagang mala'birika. JubaNa natongkoki sikontu Balla'Na Batara ri Yerusalem.

YESAYA 66:1

Nakana Batara, “Langika empoang kala'birangKu, na buttaya pattuppuang bangkengKu. Jari balla' antekammaya ero' nubangungangA' siagang tampa' apaya lanupa'jariangA' pammantangangKu?

YESAYA 66:18

Kuassengi pikkiranna siagang panggaukanna ke'nanga. NiakKa' battu untu' ampa'rappungangi sikamma taua battu ri sikontu bansa-bansaya. Ri wattunna a'rappung ke'nanga, lanacini'mi ke'nanga koasaKu.

YESAYA 66:20

Battu ri anjo sikammaya pa'rasangang, lanaerangi ammotere' ke'nanga sikamma sari'battang julu bansanu, a'jari hadia mae ri Nakke. Lanaerangi ke'nanga sikamma anjo taua mange ri bulu' matangkasakKu ri Yerusalem, a'dongko' jarang, keledai, unta, kareta siagang bendi, kamma biasaya nagaukang tu Israel punna a'lampa ke'nanga mange ri Balla'Na Batara ri Yerusalem untu' assare passare gandung lalang pammoneang tangkasa'.

YEREMIA 11:8

siagang Kusuroi ke'nanga mannuruki ri anjo parjanjiangKu, mingka taerokai ke'nanga mappilangngeri siagang mannuruki. Ba'lalo tuli kapala batuna siagang ja'dala'na ke'nanga sangkamma riolo. Lanri kammana anjo sikontu hukkungang niaka tattulisi' lalang ri anjo parjanjianga Kupabattumi mae ri ke'nanga.”

YEREMIA 12:15

Mingka punna le'ba' Kupasulu' ke'nanga, laKukamaseangi ammotere' ke'nanga; tunggala' bansaya laKuerangi ammotere' mange ri massing pa'rasangang kalenna.

YEREMIA 12:16

Punna attojeng-tojeng pa'mai'na ke'nanga ero' antarimai agamana ummakKu siagang ero' assumpa angkana, ‘Lanri Batara mattallasaka,’ – sangkamma batena riolo ke'nanga angngajaraki ummakKu assumpa lanri Rewata Baal – la'jarimi ke'nanga golonganna ummakKu siagang la'jari kalumanynyangi ke'nanga.

YEREMIA 14:21

Kiu'rangi janjinTa, teaKi' pakatunai ikambe; teaKi' kaluppai janjinTa siagang ikambe. Yerusalem tampa' empoang kala'biranTa, teaKi' pakatunai.

YEREMIA 16:12

Mingka ikau la'bi ja'dallangngangi pole apa nugaukanga. Kapala batuko siagang ero' kalennu bawang ja'dalaka nuturukiang. Taerokako mannuruki ri Nakke.

YEREMIA 16:19

O Batara, iKattemi alla'langngia' siagang assarea' kagassingang; iKatte antulunga' ri wattungku kasukkarang. Labattui bansa-bansaya battu ri cappa'na linoa mae ri Katte na nakana, “Boe-boena ikambe poro rewata takontutojengaji bawang napatappa', tena sikalia matu-matunna.

YEREMIA 17:12

Balla'Na Batara rapangi empoang karaeng kala'birang, ri moncong tinggia battu riolo.

YEREMIA 18:12

Mingka lappiali ke'nanga angkana, ‘Apa matu-matunna? Tuli lamannuruki ikambe ri ero' kalenna ikambe! Ikambe massing nagaukangi apa nakaerokia pa'mai'na ikambe ja'dalaka!’ ”

YEREMIA 3:19

Nakana Batara, “He Israel, erokKa' antarimako a'jari anakKu, siagang assareko pa'rasangang appakasannanga pa'mai', pa'rasangang kaminang bajika ri sikontu linoa. ErokKa' nukio' mangge, siagang tenamo nanula'lampa pole ampilariA'.

YEREMIA 31:23

Batara Kaminang Koasaya, iamintu Allata'alana Israel, nakana, “Punna le'ba'mi Kupa'jari pore ummakKu sangkamma riolo, ri pa'rasangang Yehuda siagang ri desa-desana nia' nilangngere' tau lakkana, ‘Dasi-dasi naNabarakkaki Batara bulu' matangkasaka ri Yerusalem tampa' pammantangngang matangkasaka untu' KalenNa.’

YEREMIA 33:9

Yerusalem la'jari karannuangKu siagang kalompoanna nyawaKu. Sikontu bansaya ri lino la'jari mallaki siagang annekkereki kammayatompa lappakalompoi ri Nakke, punna nalangngereki passala'na kabajikang Kugaukanga untu' pandudu'na Yerusalem, siagang kakalumanynyangngang Kupassareanga mae ri anjo kotaya.”

YEREMIA 4:2

Punna assumpako lanri arengKu siagang lambusukko nuadele' siagang tojeng lalang tallasa'nu, lanapalaki sikontu bansaya sollanna Kubarakkaki ke'nanga, kammayatompa lamammuji ke'nanga mae ri Nakke.”

YEREMIA 7:24

Mingka taerokai ke'nanga mappilangngeri siagang taerokai ke'nanga anjampangi. Ba'lalo ero' kalenna tonji ke'nanga naturukiang, iamintu ero' kapala batuna siagang ero' kaja'dallanna anjo. Tena na'jari baji' ke'nanga passangalinna a'jari ja'dalaki.

YEREMIA 9:14

Kapala batui ke'nanga siagang anynyombai ri barhala-barhala Baal sangkamma napangngajarranga boe-boena mae ri ke'nanga.

YEHEZKIEL 1:26

Irate ri anjo pattongkoka nia' kucini' kamma empoang karaeng nipareka battu ri batu nilang, nampa irate ri anjo empoanga nia'mo kucini' ammempo sangkamma tau.

YEHEZKIEL 43:7

“He tau, iaminne empoang kakaraengang kala'birangKu. AnrinniA' lammantang ri tangnga-tangngana umma' Israel siagang ammarenta mae ri ke'nanga sa'genna satunggu-tungguna. Baji' nake'nanga, kammayatompa sikamma karaenna ke'nanga, tenamo nalanara'massi areng matangkasakKu lanri anynyombana barhala yareka natarawanna maya'na sikamma karaenna ke'nanga anrinni ri tampaka.

YEHEZKIEL 48:35

Sikontu anjo temboka la'buna 9 kilometere'. Na appakkaramula anjo wattua anjo kotaya naaremmi taua: “BATARA NIAKI ANJORENG!”

ZAKHARIA 2:11

Anjo wattua jai bansa labattu mae ri Batara untu' a'jari umma'Na. Ia lammantang ri tangnga-tangnganu, siagang lanuassengi angkanaya Batara assuroa' battu mae ri kau ngaseng.

ZAKHARIA 8:8

nampa Kuerang ammotere' ke'nanga battu iraya siagang battu lau', sa'genna ammantang pole ke'nanga ri Yerusalem. La'jari ke'nanga ummakKu siagang iNakke a'jari Allata'alana ke'nanga. INakke lammarenta mae ri ke'nanga lalang kajarrekang siagang kaadelang.”

PAMMILANGNGANG 15:39

Anjo rombeng-rombenga iami a'jari pappiu'rangi: Tunggala' allo punna nuciniki, lanuu'rangi sikontu parentaKu siagang nuturuki. Na lanri kammana anjo, tena nalanukaluppaiA' untu' anturuki erokKu siagang ero' kalennu.

ROMA 1:21

Naassengi rupataua Allata'ala, mingka taerokai rupataua ampakala'biriki salaku Allata'ala, siagang tena todong nappala' sukkuru' ri Ia. Ba'lalo apa-apa tenayaji matu-matunna nanawa-nawa rupataua; a'jari sassammi nawa-nawanna ke'nanga.

ROMA 6:14

Takkullea mako nikoasai ri dosaya, nasaba' tenamo nurawanganna hukkung-hukkung agama Yahudia attallasa', passangalinna irawanganna mako pangngamaseanNa Allata'ala.

GALATIA 4:26

Mingka anjo Yerusalem, niaka ri suruga iamintu Yerusalem bebasaka, siagang iami anronta ikatte.

PAOLE 29:29

Nia' siapa are passala' Narahasiakang Karaeng Allata'ala mae ri katte; mingka le'ba'mi Napa'nyata hukkunNa mae ri katte, na ikatte siagang sikontu jari-jarita musti mannuruki mae ri anjo hukkunga sa'genna satunggu-tungguna.”

HAKING-HAKING 2:19

Mingka punna matemo anjo pamimpinga, a'jari la'bi kodimi panggaukanna ke'nanga natau jammang rioloangannaya. Napare' atami kalenna mae ri rewata-rewata maraenganga, siagang anynyombai ke'nanga mae ri anjo rewata-rewataya. Ammotereki ke'nanga mae ri kabiasang-kabiasang ja'dala'na ke'nanga, na taerokai ke'nanga ampinrai anjo gau'na.