YEREMIA 3:13 - KITTA' MATANGKASA'

¹³ Akuimi angkanaya salako siagang anjari baliko mae ri Batara, Allata'alanu. Akuimi angkanaya le'baki nupassareang pangngainnu mae ri rewata-rewatana bansa maraenga irawanganna poko'-poko' kayu lompoa, siagang tena numannuruki ri parenta-parentaKu. INakke, Batara, anne a'bicara.”

YEREMIA 3:13 ပူးပေါင်းရင်းမြစ်များ

PANGNGEBARANG 28:13

Inai ancokkoi dosana tena nalaupa'. Inai angngakui, lanabokoi, nampa laNikamaseang ri Batara.

YESAYA 57:5

Anynyombako ri rewata-rewata kacopponganga siagang nupassareang kalennu anturukiangi hawa napasunu irawanganna poko'-poko' kayu karama'nu. Nutarawangi sikamma ana'nu lalang ri binangaya, ri alla'-alla'na batua.

YEREMIA 14:10

Ri passala'na anjo bansaya Nakana Batara, “Tena Kusannang mae ri sikamma anjo tau nangaia lari a'lampa ambokoiA', siagang tenaya naero' allewai kalenna. Tena nalaKukaluppai kasalanna ke'nanga; laKuhukkungi ke'nanga lanri dosana ke'nanga.”

YEREMIA 14:20

Batara, ri Kattemi bawang doraka ikambe. Namangakui ikambe dosa kalenna ikambe siagang dosana boe-boena ikambe.

YEREMIA 2:20

Nakana Batara, “Sallo mako taeroka anynyomba ri Nakke; taeroka mannuruki yareka mappilangngeri ri Nakke Irate ri tunggala' bulu' tinggia nai', siagang irawanganna poko' kayu lompoa anjorengko anynyomba ri rewata-rewata kacopponganga.

YEREMIA 2:25

He Israel, teako lari mange angngondangi rewata-rewataya, siagang teako ammarrangngi angkioki ke'nanga, kabokkaki sallang bangkennu nakalotoro' karro'-karro'nu napakamma turere. Angkanako, ‘Tena, tena oloku lakkulle ammotere' nasaba' kungaina rewata-rewataya, nakuero' amminawang ri ke'nanga.’ ”

YEREMIA 3:2

Coba sako accini' nai' ri coppo'-coppo'na buluka! Tampa' kereanga mami tena le'ba' nubattui untu' a'gau' bawang? Sangkamma tu Arab ri parang lompoa, kammaminjo batenu ammempo ri biring aganga attayang tau lanuaganga attanring. Nurantassi anne pa'rasanganga lanri a'gau' bawannu siagang kaja'dallannu.

YEREMIA 3:25

Jari, boli'mi kamma siri'-siri' ikambe, siagang boli'mi kamma a'jari tuna ikambe. Nasaba', ikambe siagang boe-boena ikambe doraka ngasemmaki' ri Karaeng Allata'ala, kammayatompa tenale'bakaki' mannuruki ri parenta-parentaNa.”

YEREMIA 3:6

Ri wattu pamarentahanna Karaeng Yosia, akkana kammai anne Batara ri nakke, “Le'ba'mi nucini' apa nagaukanga tu Israel, anjo rapang baine tenaya namajarre' pa'mai'na? NabokoiA' nampa nagaukang assundalaka irate ri tunggala' moncong tinggia siagang irawanganna poko' kayu lompoa.

YEREMIA 7:24

Mingka taerokai ke'nanga mappilangngeri siagang taerokai ke'nanga anjampangi. Ba'lalo ero' kalenna tonji ke'nanga naturukiang, iamintu ero' kapala batuna siagang ero' kaja'dallanna anjo. Tena na'jari baji' ke'nanga passangalinna a'jari ja'dalaki.

YEREMIA 7:26

Mingka tena ero' mappilangngeri siagang anjampangi. Ba'lalo pila' a'jari la'bi kapala batuko siagang la'bi ja'dalakko naboe-boenu.”

YEHEZKIEL 16:15

Mingka ikau nupake salai kaga'gannu kammayatompa kabaukang arennu. Attinroko siagang bura'ne sambarang niaka allalo.

HOSEA 5:15

LaKubokoi ummakKu sa'genna sukku'mo pa'risi'na ke'nanga lanri dosa-dosana, nampa battu ke'nanga amboyA'. Nakulle kapang lalang ri kapa'risanna ke'nanga nalappattujuammo amboyA'.”

PAOLE 12:2

Punna antama' mako ri anjo pa'rasanganga, musti nuancuru' ngasengi sikamma tampa'-tampa' panynyombanga irate ri moncong-moncong tinggia, ri bulu'-buluka siagang irawanganna poko'-poko' kayu copponga leko'na, tampa'na bansa niaka ammantang anjoreng untu' anynyomba ri rewata-rewatana ke'nanga.