YEREMIA 3:10 - KITTA' MATANGKASA'

¹⁰ Le'baki nagaukang ngaseng sikammaya anjo, ammotere'mi anjo tu Yehuda tamajarreka pa'mai'na mae ri Nakke mingka assara-saraiji, lanri tena natulusu' antama' ri atinna ke'nanga. INakke, Batara, anne a'bicara.”

YEREMIA 3:10 ပူးပေါင်းရင်းမြစ်များ

2 PATTOTTORANG 34:33

Sikamma barhala-barhala appakaringi'-ringika, niaka ri sikontu Israel, niancuru' ngasemmi ri Karaeng Yosia. Nampa nasuro ra'yaka sollanna anynyomba mae ri Batara, Allata'alana boe-boena ke'nanga. Jari lalang attallasa'na ija Yosia, tuli majarreki tappa'na ra'yaka mae ri Batara.

PAMMUJI 18:44

Kilappassanga' battu ri tu dorakaya, nampa Kipa'jaria' tukoasa ri bansa-bansaya; bansa tenaya kuassengi a'jari atangku.

PAMMUJI 66:3

Angkana mako ri Allata'ala, “Tojeng, appakalannasaki panggaukanTa! Tunduki musua mae ri Katte napakamma malla', saba' teai sipato' lompona koasaTa.

YESAYA 10:6

LaKukiringi Asyur mange ambunduki bansaKu a'bokoa ri Nakke siagang ampakanassuA'. LaKusuroi Asyur mange angngellaki, allukkaki siagang angngonjo'-onjokangi bansaKu rapang limbu'bu' ri aganga.”

YESAYA 29:13

Nakana Batara, “Anjo taua nasombA' siagang bawana, mingka atinna lalang bellai ri Nakke. Agamana ke'nanga poro atorang napare'ji rupataua, untu' niapele'ji bawang.

YESAYA 31:6

Nakana batara, “O, bansa Israel, nuewaMa' siagang doraka mako ri Nakke. Mingka kamma-kamma anne, ammotere' lalo mako mae ri Nakke!

YEREMIA 11:10

Nagaukammi ke'nanga dosa le'baka nagaukang boe-boena riolo tenaya naero' mannuruki ri Nakke, anynyomba ri rewata-rewata maraeng siagang taerokai anturuki parentaKu. Baji' na Israel kammayatompa tu Yehuda, nadakkaimi parjanjiang le'baka Kupare' siagang boe-boena ke'nanga.

YEREMIA 12:2

Kilamungi ke'nanga rapang lamung-lamung, nampa angngaka' ke'nanga, attimbo, siagang a'rappo. Tuli nabicara bajitTa ke'nanga, mingka lalang atinna, sikontutojenna tena najampangiKi'.

YEREMIA 9:1

Tamaka baji'na ka'de' ulungku rapangi bungung rassia je'ne', na matangku rapangi salu' je'ne' tulusu' assolonga je'ne'na! Nakuakkulle angngarru' allo bangngi, angkarruki julu bansaku nibuno ri musu.

HOSEA 7:14

Tena nattojeng-tojeng ke'nanga appala' doang mae ri Nakke. Punna appala' doangi ke'nanga, napatappasaki kalenna naung ri katinroanga, siagang appiraungi ke'nanga sangkamma nagaukanga tau tenaya natappa' mae ri Nakke. Punna appala' doang ke'nanga untu' appala' gandung siagang anggoro', naloko'-lokoki kalenna ke'nanga sangkamma nagaukanga tu anynyombaya mae ri rewataya. Ma'nassa angngewa tojeng-tojengi ke'nanga ri Nakke!

AMOS 4:9

Kupammiriki anging bambanga siagang akkiringA' olo' untu' ampanraki lamung-lamunnu kammayatompa koko-koko anggoro'nu. Poko'-poko' aranu siagang poko'-poko' zaitunnu la'busu'mi nakanre katimbang. Mingka manna nakamma tena tongija nummotere' mae ri Nakke.

MALEAKHI 2:11

Nadakkaimi umma' Yehuda parjanjianNa Allata'ala siagang ke'nanga siagang nagaukammi apa appakaringi'-ringika ri Yerusalem siagang ri sikontu pa'rasanganga. Nara'massimi ke'nanga Balla'Na Batara Nakarimangngia, siagang a'nikkami ke'nanga siagang bai'-baine anynyombaya ri rewata-rewatana bansa maraenga.