YEREMIA 28:3 - KITTA' MATANGKASA'

³ Lalang wattu ruan taunga anne labattua laKupoterangi barang-barang battua ri BallakKu, ia le'baka niengka' mange ri Babel ri Karaeng Nebukadnezar.

YEREMIA 28:3 ပူးပေါင်းရင်းမြစ်များ

PA'JARIANG 47:28

Attallasa' iji Yakub sa'genna sampulo antuju taung ri Mesir, sa'genna narapi' umuru'na a'jari sibilangngang ampatampulo taung.

PA'JARIANG 47:9

Appialimi Yakub angkana, “Sibilangngammi antallumpulo taung attallasa' atanta, a'jari tupalampa mange-mange. Punna nipasinrapangi siagang umuru'na boe-boena atanta a'jaria tupalampa mange-mange, anne katallassanna atanta jai kasukkarranna siagang bodoji umuru'na.”

2 KARAENG-KARAENG 24:13

Sikontu pakkakasa' bulaeng napareka Karaeng Salomo untu' Balla'Na Batara, nipanraki ri Nebukadnezar. Nampa sikontu barang-barang niaka anggaranna lalang ri anjo Balla'Na Batara siagang ri balla' karaenga naengkaki mange ri Babel. Sikontu anjo passalaka kajariangi situru' apa le'baka Napau riolo Batara.

2 PATTOTTORANG 36:10

Ri wattunna kasambeang taunga niengkaki Yoyakhin ri Karaeng Nebukadnezar mange ri Babel salaku tunitahang, nampa nierang barang-barang lompoa anggaranna niaka ri Balla'Na Batara. Nampa naangka' Nebukadnezar Zedekia, purinanna Yoyakhin, a'jari karaeng ri Yehuda siagang Yerusalem.

2 PATTOTTORANG 36:7

Naallei Nebukadnezar sipa'gang barang-barang lompoa anggaranna ri Balla'Na Batara nampa nalaling siagang naboli' lalang ri balla' kakaraenganna ri Babel.

PAMMUJI 90:10

Wattu tallasa'na ikambe poro tujupulo taunji bawang, punna gassing ikambe, sagantujupulo taung. Mingka kasukkarrang siagang kapa'risang bawang nagappa ikambe; le'baki attallasa' poro sinampe', allanynya'mi ikambe.

DANIEL 1:2

Nisaremi pangngellai ri Batara untu' ambetai Karaeng Yoyakim, kammayatompa anrampasaki siapa are jaina barang-barang tinggia anggaranna ri Balla'Na Batara. Sikamma tau nitahanga, naerangi mange ri balla' rewatana ri Babel, nampa sikamma barang-barang tinggia anggaranna narampasaka, naboliki lalang ri gudang-gudanna anjo balla' rewataya.