YEREMIA 27:8 - KITTA' MATANGKASA'

⁸ Bansa yareka kakaraengang tenaya naero' tundu' mae ri Nebukadnezar laKuhukkungi siagang pa'bundukang, kacipurang kammayatompa garring, sa'genna kale'bakkanna anjo bansaya tunduki mae ri ia.

YEREMIA 27:8 ပူးပေါင်းရင်းမြစ်များ

YEREMIA 24:10

LaKupabattui mae ri ke'nanga pa'bundukanga, kacipuranga, siagang garringa sa'genna mate ngaseng ke'nanga siagang tenamo ammantang tassesa anrinni ri pa'rasangang le'baka Kupassareang mae ri ke'nanga siagang boe-boena ke'nanga.”

YEREMIA 25:9

‘LaKukioki sikontu bansaya battu wara', kammayatompa atangKu Nebukadnezar karaeng Babel. LaKupaturungi ke'nanga untu' a'bundu' angngewai Yehuda siagang pandudu'na kammayatompa sikontu bansa niaka ri tammulilina. Lanipanraki bansa Yehuda siagang bansa-bansa naaganga singngampi', nampa Kubalang parekang ancuru' sa'genna satunggu-tungguna. Sikamma tau ancinikai lata'bangkai siagang a'jari mallaki. INakke, Batara, anne akkana.

YEREMIA 27:11

Mingka bansa eroka tundu' siagang a'jari ata mae ri karaeng Babel laKulappassangi ammantang ri butta passolongang cera' kalenna, siagang a'lamung-lamung anjoreng. INakke, Batara anne akkana.”

YEREMIA 27:13

Le'ba'mi Napau Batara angkanaya bansa tenaya natundu' mae ri karaeng Babel lamatei lalang pa'bundukang, kacipurang, yareka garring. Angngapa kiero' mate kamma karaeng siagang ra'yaka?

YEREMIA 28:14

Batara Kaminang Koasaya, Allata'alana Israel Napaui angkana laNapatabai lembarang bassia ri salangganna sikontu anne bansaya, siagang lanapa'jari atai kalenna ke'nanga mae ri Nebukadnezar, karaeng Babel. Napau tongi Batara angkanaya manna olo'-olo' sekkeka laNapassareang tongi antama' ri kakoasanna Nebukadnezar.”

YEREMIA 28:4

LaKuerang tongi ammotere' Yoyakhin ana' bura'nena Yoyakim karaeng Yehuda, siagang sikontu ra'ya' Yehuda ia le'baka niengka' mange ri Babel. Tojeng, laKupa'jari pesoki kagassinganna Babel. INakke, Batara, anne akkana.”

YEREMIA 29:17

Nakana Batara Kaminang Koasaya, ‘INakke lappabattu pa'bundukang, kacipurang, siagang garring mae ri ke'nanga. LaKugauki ke'nanga sanrapang rappo-rappo ara sannaka botto'na, sa'genna takkullea nikanre.

YEREMIA 29:18

LaKuondang tojengi ke'nanga siagang pa'bundukang, kacipurang, siagang garring sa'genna sikontu bansaya ri sikontu linoa la'jari mallaki anciniki ke'nanga. Kemae-kemae Kupasisa'la'-sa'la' ke'nanga, anjorengi lamalla' siagang lannekkere' taua anciniki apa kajarianga mae ri ke'nanga. Lanicau-caui ke'nanga, siagang arenna ke'nanga lanipakei a'jari kana pattunra.

YEREMIA 40:9

Nakanamo Gedalya ri ke'nanga, “Tena nuparallu malla' manyara mae ri tu Babel. Ammantang mako ri pa'rasanganta anne, siagang a'jari mako ata mae ri karaeng Babel. Kutanggongiko lasalama' ngaseng.

YEHEZKIEL 14:21

Nakana Batara Kaminang Tinggia, “LaKupabattui appaka hukkungang kaminang hebaka mae ri Yerusalem untu' angngancuruki baji' narupataua kammayatompa olo'-oloka. Anjo appaka hukkungang iamintu: bundu', kacipurang, olo'-olo' sekke' siagang garring.