YEREMIA 26:6 - KITTA' MATANGKASA'

⁶ Punna tuli teanu mappilangngeri, anne balla' sambayanga laKupa'jari sangkamma Silo, sa'genna sikontu bansaya ri lino napakei arenna kota Yerusalem anne salaku kana pattunra.”

YEREMIA 26:6 ပူးပေါင်းရင်းမြစ်များ

2 KARAENG-KARAENG 22:19

assesse'lalang mako siagang nupakatunami kalennu ri dallekangKu. Le'ba'mi Kugammara' Yerusalem siagang pandudu'na angkanaya eroki Kuhukkung. Eroki Kupa'jari anjo kotaya sanna' appakamalla'na nicini', siagang laKupa'jari anjo arenna Yerusalem kana pattunra. Mingka ri wattunna nulangngere' anjo kana panggammarakKu, angngarru' mako siagang nukae-kaemi pakeannu napakamma si'na pa'mai'nu. Kulangngere'mi pappala' doannu,

YESAYA 43:28

imang-imannu narantassi ballakKu. Jari Kupassareammi nihina Israel, Kubalang parekangi turunganna Yakub nitumpasa'.”

YESAYA 65:15

Sikamma tau nipileKu lanapakei arennu a'jari pattunra: “Dasi-dasi naNabuno ngasengko Batara Kaminang Tinggia sangkamma ke'nanga!” Mingka tau mannurukia ri Nakke laKusarei areng beru.

YEREMIA 24:9

LaKupa'jari cilakai ke'nanga sa'genna sikontu bansaya ri sikontu linoa a'jari malla' ngasengi. Kemae-kemae ke'nanga Kupasiara', lanicau-caui ke'nanga, dipa'jari kakkallang siagang nicalla-calla. Arenna ke'nanga lanipakei a'jari pattunra.

YEREMIA 25:18

Yerusalem siagang sikontu kotaya ri Yehuda, siagang sikamma karaenga kammayatompa pagawe-pagawena, kusarei angnginungi anjo anggoroka, sa'genna a'jari ke'nanga rapang parang kalotoro' appakamallaka. Sa'genna anne alloa arenna ke'nanga nipakei untu' pattunra.

YEREMIA 29:18

LaKuondang tojengi ke'nanga siagang pa'bundukang, kacipurang, siagang garring sa'genna sikontu bansaya ri sikontu linoa la'jari mallaki anciniki ke'nanga. Kemae-kemae Kupasisa'la'-sa'la' ke'nanga, anjorengi lamalla' siagang lannekkere' taua anciniki apa kajarianga mae ri ke'nanga. Lanicau-caui ke'nanga, siagang arenna ke'nanga lanipakei a'jari kana pattunra.

YEREMIA 29:22

Napunna anjo sikamma tau le'bakamo niengka' battu ri Yerusalem mange ri Babel eroki natunra taua, angkanai ke'nanga, ‘Poro Nagaukang lalo Batara mae ri kau sangkamma le'baka Nagaukang mae ri Zedekia siagang Ahab, le'baka nitunu attallasa' ri karaeng Babel.’

YEREMIA 42:18

Sangkamma iNakke, Karaeng Allata'alana Israel Kutumpai kalarroangKu siagang kalussakkangKu mae ri pandudu'na Yerusalem, kamma tomminjo laKutumpai kalussakkangKu mae ri kau ngaseng a'lampaya mange ri Mesir. Lamallaki taua ancinikko; lanihinako, siagang lanipakei arennu a'jari kana pattunra. Tenamo nalanucini' pole butta passolongang cera'nu.”

YEREMIA 44:22

Tenamo Natahangi Batara ancinikko assare koro'bang mae ri rewata-rewata maraenga. Anjo panggaukannu ja'dalaki siagang tunai. Doraka mako mae ri Batara siagang tenamo numannuruki ri parenta-parentaNa. Lanri kammana anjo, kamma-kamma memang anne ancuru'mi pa'rasangannu sa'genna tenamo nakkulle nipammantangngi, siagang arenna nipakemi a'jari kana pattunra. Tau ancinikai a'jari sanna'mi malla'na.”

PIRAUNG 2:15

Sikontu tau allaloa, maccalla ngaseng ri kau, lanri ancuru'nu kabusu'mo. Ammenggong-menggong ulunna ke'nanga, na nakana, “Iakaminjo kota kaminang ga'gaya, kota kalompoanna linoa?”

PIRAUNG 2:16

Sikontu musunnu birisi' kabusu' ancinikiko, nabebeiko siagang nakakkaliko ke'nanga. Nakana ke'nanga, “Anjo kotaya le'ba'mi niputta ri kambe! Kale'bakkanna narapi'mi anjo wattu salloamo nitayang!”

DANIEL 9:11

Sikontu tu Israel nadakkaimi hukkung-hukkunTa siagang taerokami ampilangngeri kananTa. Dorakami ikambe mae ri Katte. Lanri kammanami anjo naKipabattu mae ri kambe pangngalarroinTa, ia niaka tattulisi' lalang ri kitta'na Musa, atanTa.

ZAKHARIA 5:3

Nampa nakana ri nakke, “Nia' tattulisi' lalang ri anjo kitta' ta'gulunga iamintu kana-kana pattunra mae ri sikontu anne pa'rasanganga. Niaki tattulisi' angkanaya sikamma palukkaka lanipasuluki battu anrinni ri pa'rasanganga. Siagang ri maraengannaya tattulisi' tongi angkanaya sikamma tau assumpa balle-ballea lanipasulu' tongi.

MALEAKHI 4:6

Lanapa'jari sikamma manggea siagang sikamma anaka asse're pa'mai', sollanna tena Kubattu ampanraki pa'rasangannu.”

YOSUA 18:1

Le'baki nabeta tu Israel anjo pa'rasangang Napa'janjianga Batara, asse'remi ke'nanga ri Silo, nampa nabangung ke'nanga Kema KahaderanNa Batara.