YEREMIA 26:20 - KITTA' MATANGKASA'

²⁰ Le'ba' tongi nia' tau maraengannaya a'bicara ambaliangi anne kotaya siagang bansaya lalang arenNa Batara, sangkamma kugaukanga. Anjo taua niarengi Uria ana'na Semaya battu ri Kiryat-Yearim.

YEREMIA 26:20 ပူးပေါင်းရင်းမြစ်များ

1 KARAENG-KARAENG 18:10

Lanri arenNa Batara mattallasaka, Allata'ala kisombaya bapa', kupauang maki' angkanaya nasuroa' karaenga untu' amboyaki' ri kere-kere mae. Punna nia' tukoasa ri se'reang pa'rasangang angkana tenaki' anjoreng, nasuroi Ahab anjo tukoasaya ri anjo pa'rasangang assumpa angkana ma'nassa tena tojeng nanibuntulukki' anjoreng.

2 KARAENG-KARAENG 23:37

Dorakai Yoyakim ri Batara sangkamma todong boe-boena.

YEREMIA 2:30

Tena matu-matunnu Kuhukkung, lanri teanu appilangngeri pappakainga'. Rapang singa a'jalloka, sangkamma tomminjo batenu ambunoi sikamma na'binu.

YEREMIA 36:19

Nakanamo ke'nanga, “Ikau siagang Yeremia musti acokkoko. Tea' laloko naniakki tau angngassengi tampa' paccokkoannu anjo.”

YOSUA 15:60

Kammayatompa anne ruaya kota siagang desa-desa niaka ri tammulilina: Kota Kiryat-Baal (iamintu Kiryat-Yearim) siagang kota Raba.

YOSUA 18:14

Battu ri bageang lau'na anjo monconga, a'lekkoi anjo garisi' pa'baeng-baenna buttaya a'lampa timboro' mange ri Kiryat-Baal (iamintu Kiryat-Yearim). Anjo Kiryat-Baal suku Yehuda pata. Iaminjo garisi' pa'baeng-baenna anjo buttaya ri bageang ilau'.

1 SAMUEL 6:21

Akkirimmi tau ke'nanga mange ri pandudu'na Kiryat-Yearim nanapasang angkana, “Le'ba'mi napoterang tu Filistin Patti ParjanjianNa Batara. Battu mako mae siagang erammi anjo pattia mae ri tampa'nu.”

1 SAMUEL 7:2

Sallo tongi ammantang anjo Patti ParjanjianNa Batara ri Kiryat-Yearim, kira-kira niaki ruampulo taung. Lalang sikammaya anjo sallona, akkio'mi sikontu umma' Israel appala' tulung ri Batara.