YEREMIA 22:9 - KITTA' MATANGKASA'

⁹ Nampa lappialimo taua angkanaya nakajariang ngaseng anjo sikammaya lanri nudakkaina parjanjiannu siagang iNakke, Allata'alanu, kammayatompa lanri anynyomba mako siagang assambayang mako mae ri rewata-rewata maraenga.”

YEREMIA 22:9 ပူးပေါင်းရင်းမြစ်များ

1 KARAENG-KARAENG 9:8

Anne balla' passambayanganga la'jari se're pa'gompoang batu-batu ta'bongkara', sa'genna sikamma tau ammaloa anjoreng lata'bangka ngasengi siagang a'jari sannaki malla'na anciniki. Lanakana ke'nanga, ‘Angngapa Napakammai anne Batara anne pa'rasanganga siagang anne ballaka?’

2 KARAENG-KARAENG 22:17

Le'ba'Ma' nabokoi ke'nanga siagang assaremi ke'nanga koro'bang mae ri rewata-rewata maraenga. Sikontu anjo apa nagaukanga ke'nanga napanaiki larroKu. LarroA' mae ri Yerusalem, siagang tena nakkulle nipanaung larroKu.

2 PATTOTTORANG 34:25

Ma'bokomi ke'nanga ri Nakke siagang assaremi ke'nanga koro'bang mae ri rewata-rewata maraenga. Sikontu anjo apa nagaukanga ke'nanga napanaiki larroKu. LarroA' mae ri Yerusalem, siagang anjo larroKu takkulleai naung.

YEREMIA 11:10

Nagaukammi ke'nanga dosa le'baka nagaukang boe-boena riolo tenaya naero' mannuruki ri Nakke, anynyomba ri rewata-rewata maraeng siagang taerokai anturuki parentaKu. Baji' na Israel kammayatompa tu Yehuda, nadakkaimi parjanjiang le'baka Kupare' siagang boe-boena ke'nanga.

YEREMIA 11:3

iNakke, Karaeng Allata'alana Israel, antunrai inai-nai mamo tenaya namannuruki ri sara'-sara'na anjo parjanjianga.

YEREMIA 16:11

Pauangi ke'nanga angkanaya kammai anne kanangKu, ‘Le'ba'Ma' nabokoi boe-boenu untu' a'lampa mange anynyomba siagang assambayang ri rewata-rewata maraenga. Nabalang parekangA' siagang taerokai ke'nanga mannuruki ri paratorang-paratorangKu.

YEREMIA 50:7

Nibakkai siagang nisessai ke'nanga ri sikontu naaganga sibuntulu' ke'nanga. Nakana musu-musunna ummakKu, ‘Manna apa nigaukang mae ri ke'nanga, tena nasala, nasaba' anjo taua dorakami ri Batara. Boe-boena ke'nanga tappaki ri Batara, jari mustina ke'nanga tuli majarre' tongi mae ri Batara.’

YEREMIA 9:13

Appialimi Batara angkana, “Nakajariang anjo kammaya lanri tenanamo naparhatikangi ummakKu ajarang-ajarang le'baka Kupassareang mae ri ke'nanga. Taerokai ke'nanga mannuruki mae ri Nakke, siagang taerokai amminawang ri parenta-parentaKu.

YEHEZKIEL 12:16

Tena siapa jaina battu ri ke'nanga laKupasalama' battu ri pa'bundukanga, battu ri kacipuranga, siagang battu ri garringa, sollanna ri tangnga-tangngana anjo bansa maraenga, langngu'rangimi ke'nanga angkanaya le'baki ke'nanga a'gau' kodi sikali. Jari lamangakumi ke'nanga angkanaya iNakke Batara.”

YEHEZKIEL 14:23

Nampa nupahang tommo angkanaya anjo sikontu tindakangKu nia' alasanna. INakke Batara Kaminang Tinggia anne akkana.”

YEHEZKIEL 39:23

Siagang sikontu bansaya lasadara' ngasemmi angkanaya tu Israel nikiringi mae ri butta pammelakkanga lanri dorakai ke'nanga mae ri Nakke. Kubokoimi ke'nanga siagang Kubalang parekangi nibeta ri musunna kammayatompa nibuno lalang pa'bundukang.

YEHEZKIEL 5:15

Punna larroA' siagang lussaKa' mae ri kau, kammayatompa Kuhukkungko, sikontu bansa-bansa niaka ri tammulilinu la'jari mallaki nakasia'. Lanacau-cauko siagang lanrei ancinikko.

PAOLE 29:24

Nalakkuta'nammo sikontu linoa angkana, ‘Angngapa Nappanggaukang kamma anjo Batara mae ri pa'rasanganna ke'nanga? Apa saba'na Nalarro dudu kamma anjo?’