YEREMIA 22:7 - KITTA' MATANGKASA'

⁷ LaKukiringi battu taua untu' angngancuruki. Langngerangi ke'nanga pangkulu', nampa narumbang sikamma benteng-benteng ga'gana nipareka battu ri camara Libanon. Nampa lanapasambila ke'nanga antama' ri pepeka.

YEREMIA 22:7 ပူးပေါင်းရင်းမြစ်များ

YESAYA 37:24

Akkiringko tau untu' akkana borro, angkanaya lanri jaina kareta bundu'nu, nupatundu'mi sikamma moncong kaminang tinggia ri Libanon. Nupattampo-tampoangi kalennu angkanaya le'ba'mi nuta'bang sikamma poko'-poko' camarana kaminang tinggia siagang kaminang ga'gaya, kammayatompa nutarrusu'mi sikamma romang kaminang ka'ba'na.

YEREMIA 15:8

Larassi pa'rasangannu ri janda, la'biangngang na kassika ri biring tamparang jaina. LaKubunoi sikamma taua ri wattu rungkana sa'genna pa'risi' nasa'ring amma'na ke'nanga. Ri wattu alloa Kupabattui mae ri ke'nanga sitau tulammanraki sa'genna malla' siagang lussa' ke'nanga.

YEREMIA 21:14

mingka iNakke langhukkungko lanri panggaukannu. Balla' karaennu laKutunui, kammayatompa yangaseng-ngasenna apa niaka ri tammulilina lanitunu tongi. INakke, Batara, anne akkana.”

YEREMIA 5:15

He umma' Israel, Napabattui Batara bansa battua ri pa'rasangang bella untu' ambundukiko. Anjo bansaya nia' memammi battu riolo dudu, tanuassengai nupahang bicaranna. Teai sipato' kassa'na ke'nanga,

ZAKHARIA 11:1

He Libanon, sungke ngasengi sikontu pakke'bu'nu, sollanna nakanre pepe' poko'-poko' arasa'nu!

MATIUS 22:7

Nalangngere'na Karaenga anjo kajarianga teaimi sipato' larrona. Nakirimmi tantarana nanasuro buno ngaseng anjo tau le'baka ambunoi pala'-palayanna. Kammayatompa kotana ke'nanga nasuro tunu tongi.