YEREMIA 22:20 - KITTA' MATANGKASA'

²⁰ Nakana Batara, “He pandudu'na Yerusalem, a'lampako mange ri Libanon siagang Basan, nampa akkiokko anjoreng. Ammarrangko ri monconna Moab, nasaba' sikontu agannu nibeta ngasemmi.

YEREMIA 22:20 ပူးပေါင်းရင်းမြစ်များ

YESAYA 57:13

Punna ammarrangko, lappassammi na napasalamakko anjo patung-patunga! Latappelaki ke'nanga niri'bakang ri anging siagang lalanynyaki lalang sipa'maikang nappasa' bawang! Mingka tau a'la'langa mae ri Nakke lanawarisiki anjo pa'rasanganga siagang anynyomba mae ri Nakke ri BallakKu.”

YEREMIA 2:25

He Israel, teako lari mange angngondangi rewata-rewataya, siagang teako ammarrangngi angkioki ke'nanga, kabokkaki sallang bangkennu nakalotoro' karro'-karro'nu napakamma turere. Angkanako, ‘Tena, tena oloku lakkulle ammotere' nasaba' kungaina rewata-rewataya, nakuero' amminawang ri ke'nanga.’ ”

YEREMIA 2:36

Linta' sikaliko a'lampa mange ri rewata-rewatana bansa maraenga untu' appala' tulung! Mattantu lanipakala'bai nyawanu ri tu Mesir, sangkamma batenu nipakala'ba nyawanu ri tu Asyur.

YEREMIA 2:37

Lanubokoi Mesir siagang la'ba pa'mai' siagang siri'-siri'. INakke, Batara, antollaki ke'nanga tau nupattoanga; tena apa-apa passawallang lanugappa battu ri ke'nanga.”

YEREMIA 22:22

Lanri kammana anjo sikamma pamimpinnu lalanynyaki rapang nitui' ri anging. Sikamma agang-agannu laniengkaki salaku tau nitahang, kammayatompa kotanu lanihinai siagang nipakasiriki passabakkang sikontu kaja'dallannu.

YEREMIA 25:9

‘LaKukioki sikontu bansaya battu wara', kammayatompa atangKu Nebukadnezar karaeng Babel. LaKupaturungi ke'nanga untu' a'bundu' angngewai Yehuda siagang pandudu'na kammayatompa sikontu bansa niaka ri tammulilina. Lanipanraki bansa Yehuda siagang bansa-bansa naaganga singngampi', nampa Kubalang parekang ancuru' sa'genna satunggu-tungguna. Sikamma tau ancinikai lata'bangkai siagang a'jari mallaki. INakke, Batara, anne akkana.

YEREMIA 3:1

Nakana Batara, “Punna nia' sitau baine nitalla' ri bura'nenna, nampa anjo bainea nibaineangi ri bura'ne maraeng, takkulleai anjo le'ba' bura'nenna ambaineangi pole ammotere', lanri anjo passala' kammaya lammanraki ri anne pa'rasanganga. Ikau tu Israel, jai sikalimi tanrinnu, antekamma batenu lakkulle ammotere' mae ri Nakke!

YEREMIA 4:30

He Yerusalem, nibokoi mako na tena apa-apa akkulle nugaukang! Untu' apa nummake baju eja nanubelo-beloi kalennu siagang bulaeng na pera', kammayatompa numodei matannu siagang paccalla'? Tena matu-matunna numodei kalennu, nasaba' sikamma tanrinnu taerokami mae ri kau, ba'lalo ero'mi ke'nanga angngallei nyawanu.

PIRAUNG 1:19

Makkioka' ri bela-bela bajikku mingka ma'bali' ballangi ke'nanga ri nakke. Sikamma imanga na pamimping bansaya mate kabusu'mi ri agang-agang niaka ri kotaya, ri wattu a'boyana kanre untu' katallassanna.

PIRAUNG 1:2

Tuntung bangngimi angngarru' si'na nyawana, ammatti' je'ne' matanna. Tenamo manna sitau tanrinna maero' battu ansaleori. Nibali' ballang ri bela-belana ta'giling ma'jari bali mae ri kalenna.

YEHEZKIEL 23:22

Nakana Batara Kaminang Tinggia, “He Oholiba, lanre mako mae ri sikamma tanrinnu, mingka laKukompa salai ke'nanga sollanna larro mae ri kau nampa nakurungko.

YEHEZKIEL 23:9

Lanri kammana anjo Kupassareammi mae ri sikamma tanrinna, iamintu sikamma tu Asyur sannaka nakanakkukinna.

YEHEZKIEL 27:6

Sikamma pa'bisenu, kayu-kayu lompo battu ri Basan nipare'. Dapara'nu kayu camara nipare', battu ri pulo Siprus kabattuanna, belo-belona battu ri gading ka'jalaka anggaranna.

PAMMILANGNGANG 27:12

Nakana Batara mae ri Musa, “Naikko ri Moncong Abarim, siagang battu anjoreng mako anciniki pa'rasangang laKupassareanga mae ri tu Israel.

PAOLE 32:49

“A'lampako mange ri Moncong Abarim ri pa'rasangang Moab ri ba'leanna kota Yerikho. Nampa naikko ri Moncong Nebo siagang cinikimi butta Kanaan tenayamo nasallo naKupassareang mae ri bansa Israel.