YEREMIA 22:18 - KITTA' MATANGKASA'

¹⁸ Lanri kammana anjo, ri sesena Yoyakim karaeng Yehuda, ana' bura'nena Yosia, kammaminne kananNa Batara, “Kamateanna tena nalanikarruki; tena tau lakkana, ‘Kodong, agangku, kodong.’ Tena tau lasusa yareka ammarrang angkana, ‘Kodong karaeng!’

YEREMIA 22:18 ပူးပေါင်းရင်းမြစ်များ

2 SAMUEL 1:26

He, Yonatan sari'battangku, paccei nyawaku, lanri lompona anggarannu mae ri kalengku. Pangngamaseannu mae ri nakke tamaka la'biri'na ba'lalo la'bi na pangngamaseanna tu bainea.

1 KARAENG-KARAENG 13:30

Kalenna anjo na'bi toaya antarawangi anjo mayaka ri jera'na kaluargana, nampa ia siagang ana'-ana'na angkarruki anjo mayaka. Nakana ke'nanga, “Kamaseannu sari'battang, kamaseannu!”

2 KARAENG-KARAENG 23:36

Wattunna a'jari Karaeng Yoyakim ri Yehuda, 25 taung umuru'na, siagang ammarentai ri Yerusalem 11 taung sallona. Amma'na niarengi Zebuda, ana'na Pedaya battu ri kota Ruma.

2 KARAENG-KARAENG 23:6

Patunna Dewi Asyera napasuluki battu ri Balla'Na Batara, nampa naerang assulu' ri pantaranna kotaya, mange ri Ka'bung Lappara' Kidron. Anjoreng nitunumi anjo patunga, nampa nidengka sa'genna alusu' cumi'na, siagang nipakioro' auna irate ri pa'jerakkang tujaia.

1 PATTOTTORANG 3:15

Yosia nia' appa' ana'na bura'ne, iamintu: Yohanan, Yoyakim, Zedekia, siagang Yoahas.

2 PATTOTTORANG 35:25

Appareki Na'bi Yeremia se're kelong karru' untu' Karaeng Yosia. Sa'genna kamma-kamma anne anjo kelonga nipakei ri Israel ri pakelonga, baji' bura'ne kammayatompa baine, lalang pangngu'rangi kasusaang mae ri kamateanna Yosia. Anjo kelonga nipantamaki ri passe'reanna kelong-kelong karruka.

2 PATTOTTORANG 36:5

Wattunna a'jari Karaeng Yoyakim ri Yehuda, 25 taung umuru'na, siagang 11 taung sallona ammarenta ri Yerusalem. Dorakai panggaukanna mae ri Karaeng Allata'alana.

YEREMIA 16:4

Lamatei ke'nanga lanri nitaba ri garring angngeranga kamateang, siagang lamatei ke'nanga lalang pa'bundukang yareka mate naallei cipuru'. Tena manna sitau langngarru' yareka antarawangi ke'nanga. Latassiaraki maya'na ke'nanga rapang pupu' panynyoppongi ri butta, siagang nikanre ri jangang-jangang siagang olo'-olo' sekke'.

YEREMIA 16:6

Sikamma tau kalumanynyanga siagang tau kasi-asia ri anne pa'rasanganga lamatei natena tau antarawangi ke'nanga. Tena manna sitau lansessai kalenna yareka anggondoloki ulunna salaku pammatei ri kasusaanna ke'nanga.

YEREMIA 21:11

Nasuroa' Batara ampabattui anne pasanga mae ri kaluargana karaeng Yehuda, jari-jarina Daud, angkana, “Pilangngeri anne iNakke, Batara, angkana. Usahai sollanna nipajappa kaadelanga allo-allona. Lappassangi tau nipaccoka battu ri kakoasanna tau papaccoka. Punna tena, anjo kaja'dallang nugaukanga lanapa'rinrai larroKu rapang pepe' a'rinra lompoa natakkullea nibuno pepe'na.”

YEREMIA 22:10

Ikau tu Yehuda, teako susai pa'mai'nu lanri kamateanna Karaeng Yosia. Karrukimi Yoahas ana' bura'nena nasaba' nierammi a'lampa na talammotera. Talanacinikami pole butta passolongang cera'na.

YEREMIA 22:12

Lamatei ri butta pammelakkanga, siagang talanacinikami pole anne pa'rasanganga.”

YEREMIA 34:5

passangalinna lamateko siagang sannang. Siagang antekamma batena ra'yaka attunu kamanynyang ri wattunna natarawang Daud boenu ammarentaya rioloangannu, kammatommi anjo ra'yaka lattunui kamanynyang untu' ikau. Lasusai ke'nanga lanri kamateannu nanakana, ‘Kodong! Tenami karaenna ikambe!’ INakke, Batara, anne akkana.”

YEREMIA 36:30

Lanri kammana anjo, iNakke, Batara, akkana ri kau, he Karaeng Yoyakim, angkanaya tena manna sitau battu ri jari-jarinu lammarenta salaku karaeng jari-jarina Daud. Maya'nu lanipasambilai assulu', nitaba ri bambang allo ri wattu singara'na alloa, siagang nituju ri saliu' dinging ri wattunna bangngi.