YEREMIA 22:11 - KITTA' MATANGKASA'

¹¹ Ri passala'na Yoahas, ana' bura'nena Yosia, a'jari karaenga ri Yehuda ansambeangi manggena, kamma anne kananNa Batara, “A'lampami battu anrinni, siagang talammoterami pole.

YEREMIA 22:11 ပူးပေါင်းရင်းမြစ်များ

2 KARAENG-KARAENG 23:31

Ri wattunna a'jari Karaeng Yoahas ri Yehuda, 23 taung umuru'na, siagang ammarentai ri Yerusalem 3 bulang sallona. Amma'na niarengi Hamutal ana'na Yeremia battu ri kota Libna.

2 KARAENG-KARAENG 23:34

Nampa naangka' Karaeng Nekho ana' bura'nena Yosia niarenga Elyakim a'jari Karaeng Yehuda, siagang napinrai arenna Elyakim a'jari Yoyakim. Naerangi Yoahas mange ri Mesir siagang anjoreng tommi Yoahas mate.

1 PATTOTTORANG 3:15

Yosia nia' appa' ana'na bura'ne, iamintu: Yohanan, Yoyakim, Zedekia, siagang Yoahas.

2 PATTOTTORANG 28:12

Nia' appa' pamimping battu ri Israel, iamintu Azarya ana'na Yohanam, Berekhya ana'na Mesilemot, Yehizkia ana'na Salum, siagang Amasa ana'na Hadlai, tena todong nasitujui panggaukanna anjo tantara ammotereka.

2 PATTOTTORANG 34:22

Jari a'lampami Hilkia, Ahikam, Abdon, Safan siagang Asaya mange appala' pitunju' ri se'reang baine niarenga Hulda. Anne taua iamintu se're na'bi niaka ammantang ri pakkampongang berua ri Yerusalem. Bura'nenna niarengi Salum ana'na Tikwa, cucunna Harhas. Jama-jamanna iamintu pangurusu' pakeang sambayang ri Balla'Na Batara. Nalangngere'na Hulda anjo kasingarang napabattua ke'nanga,

YEREMIA 22:27

Lasanna' nakku'nu ri anne pa'rasanganga, mingka tena nulammotere'.”

ZEFANYA 1:1

Zefanya iamintu ana'na Kusyi. Pa'lo'lorang passibijanna battu rawa sa'genna nai' iamintu: Kusyi, Gedalya, Amazia, siagang Karaeng Hizkia. Iaminne pasanNa Batara mae ri Zefanya, ri wattu Karaeng Yosia ana'na Amon ammarenta ri Yehuda.