YEREMIA 22:10 - KITTA' MATANGKASA'

¹⁰ Ikau tu Yehuda, teako susai pa'mai'nu lanri kamateanna Karaeng Yosia. Karrukimi Yoahas ana' bura'nena nasaba' nierammi a'lampa na talammotera. Talanacinikami pole butta passolongang cera'na.

YEREMIA 22:10 ပူးပေါင်းရင်းမြစ်များ

2 KARAENG-KARAENG 22:20

lanri kammana anjo tena nalaKuhukkung Yerusalem lalang attallasa'nu ija. Lasannangko sallang punna lamateko.’ ” Jari ammotere'mi anjo sikamma tau nisuroa mae ri karaenga nampa napabattu anjo pasanga.

KATO'BA 4:2

Angngiri mata' angngu'rangi tau salloamo mate, lanri mate'neangngammi ke'nanga kala tau attallasaka ija.

YESAYA 57:1

Tau bajika siagang annabaya matei, natena tau ampahangi siagang amparhatikangi. Punna mate ke'nanga, ta'lappasaki ke'nanga battu ri balaya nampa sannang ammari-mari.

YEREMIA 16:7

Tena todong tau laero' appare' pammaca-macang untu' ansaleori tau susaya. Tena lamminawang turu' susa ba'lalo manna tau ammoteranga manggena yareka amma'na.

YEREMIA 22:11

Ri passala'na Yoahas, ana' bura'nena Yosia, a'jari karaenga ri Yehuda ansambeangi manggena, kamma anne kananNa Batara, “A'lampami battu anrinni, siagang talammoterami pole.

YEREMIA 22:18

Lanri kammana anjo, ri sesena Yoyakim karaeng Yehuda, ana' bura'nena Yosia, kammaminne kananNa Batara, “Kamateanna tena nalanikarruki; tena tau lakkana, ‘Kodong, agangku, kodong.’ Tena tau lasusa yareka ammarrang angkana, ‘Kodong karaeng!’

YEREMIA 22:27

Lasanna' nakku'nu ri anne pa'rasanganga, mingka tena nulammotere'.”

YEREMIA 25:27

Nampa Nakana Batara ri nakke, “Pabattui mae ri sikamma anjo taua angkanaya iNakke, Batara Kaminang Koasaya, Allata'alana Israel, ansuroi ke'nanga angnginung sa'genna nasa'ring siagang ta'langnge-langnge. Kupakatu'guruki ke'nanga siagang takkulleai ambangung poleang lanri pa'bundukang Kupabattua mae ri ke'nanga.

YEREMIA 28:4

LaKuerang tongi ammotere' Yoyakhin ana' bura'nena Yoyakim karaeng Yehuda, siagang sikontu ra'ya' Yehuda ia le'baka niengka' mange ri Babel. Tojeng, laKupa'jari pesoki kagassinganna Babel. INakke, Batara, anne akkana.”

YEREMIA 42:18

Sangkamma iNakke, Karaeng Allata'alana Israel Kutumpai kalarroangKu siagang kalussakkangKu mae ri pandudu'na Yerusalem, kamma tomminjo laKutumpai kalussakkangKu mae ri kau ngaseng a'lampaya mange ri Mesir. Lamallaki taua ancinikko; lanihinako, siagang lanipakei arennu a'jari kana pattunra. Tenamo nalanucini' pole butta passolongang cera'nu.”

YEREMIA 44:14

Battu ri tu Yehuda tassesaya, ia a'lampayamo mange ri Mesir untu' ammantang anjoreng, tena manna sitau lata'lappasa' yareka attallasa'. Tena manna sitau battu ri ke'nanga lakkulle ammotere' mange ri Yehuda, manna pole nasanna' ero'na ke'nanga. Tojeng, tena manna sitau lakkulle ammotere' pantaranganna siapa are tau a'lilia untu' annompang.”

PIRAUNG 4:9

Sessai ke'nanga na mate palang-palang, lanri tena sikalimo lanakanre; ia matea lalang pa'bundukang, la'bi upakkangngangi kala mate cipuruka.

YEHEZKIEL 24:16

“He tau, ti'ring laKualle silalonnai tau kaminang nukamaseanga. Mingka takkulleako appiraung siagang angngarru', yareka nulappassang assolong je'ne' matannu.

LUKAS 23:28

Mingka assailemi Isa mae ri ke'nanga, nampa Nakana, “E, tu bai'-bainena Yerusalem! Teako Nakke nukarruki. Mingka kalennumo siagang ana'-ana'numo nukarruki.