YEREMIA 21:4 - KITTA' MATANGKASA'

⁴ ampabattui mae ri Karaeng Zedekia angkanaya Batara, Allata'alana Israel, akkana kammai anne, “Zedekia, laKubetai pasukannu a'bunduka angngewai karaeng Babel siagang pasukanna. Sikamma sanjatana tantaranu laKupa'gompoi ri tangnga-tangngana kotaya.

YEREMIA 21:4 ပူးပေါင်းရင်းမြစ်များ

YESAYA 10:4

Ia mami sarennu iamintu nibunoa lalang bundu' yareka nieranga a'lampa a'jari tunitahang. Mingka tuli larroNa ija Batara siagang tuli Nahukkunna ija ke'nanga.

YESAYA 13:4

Pilangngeri sa'ra gegereka ri monconga, kamma nilangngere' sammang tau jai asse're. Pilangngeri gegere'na sikamma kakaraengang siagang bansa-bansa a'rappunganga. Naparessai Batara Kaminang Makoasaya pasukang bunduka.

YESAYA 5:5

Kammaminne laKugaukang ri anjo koko anggorokKu: LaKubi'buki kalli'na angkulilingiai, laKurumbangi tembo' niaka angkalliki, nampa Kubalang parekang napanraki olo'-olo' sekke' siagang naonjo'-onjokang.

YEREMIA 20:4

KalenNa Batara angkana, ‘Lanipa'jariko pabuno-buno ri kalennu tonji siagang mae ri agang-agannu tonji. Lanuciniki ke'nanga nibuno ri musunna ke'nanga. Sikontu tu Yehuda laKubalang parekangi nikoasai ri karaeng Babel; sipa'gang battu ri ke'nanga lanaengkaki salaku tunitahang mange ri Babel, nampa la'binna nibunoi.

YEREMIA 21:3

Nampa a'bicaramo Batara ri nakke, siagang kusuromi sikamma anjo tunisuroa

YEREMIA 32:24

Le'ba'mi nabangung tu Babel tembo'-tembo' angkurungai attammulili kotaya untu' angngallei, na kamma-kamma anne a'bakkami ke'nanga. Pa'bundukang, kacipurang, siagang garring la'jari saba' ri anne kotaya natu'guru' mae ri limanna musua. Kiciniki angkanaya sikontu apa Kipaua a'rupa ngasemmi.

YEREMIA 32:3

ri Karaeng Zedekia lanri nitudua' le'ba' ampa'la'bangi kupau angkanaya akkana kammai anne Batara, “LaKupa'biangi karaeng Babel ambetai siagang angngempoi anne kotaya,

YEREMIA 32:5

Nampa laniengka' Zedekia mange ri Babel siagang ammantang anjoreng sa'genna Kuhukkung. Manna pole nanabunduki tu Babel, mingka tena nakkulle lambetai. INakke, Batara, anne akkana.”

YEREMIA 33:5

tena matu-matunna angngewai tu Babel, nasaba' anjo kammaya poro lanapakajaiji maya'na tau Kubunoa lanri larroKu siagang lussakKu mae ri ke'nanga. TaerokaMa' anciniki pole anne kotaya, lanri sikamma taunna nagaukangi kaja'dallanga.

YEREMIA 35:17

Lanri kammana anjo, naiNakke, Batara Kaminang Koasaya, iamintu Allata'alana Israel, lappabattuA' mae ri kau – tu Yehuda siagang Yerusalem – sikontu bala le'baka Kupattantu untu' ikau ngaseng, sangkamma le'baka Kupau. Anjo kammaya Kugaukangi lanri tenana nuero' mappilangngeri punna a'bicarA' mae ri kau, siagang lanri tenana nuero' appiali ri wattunnu Kukio'.”

YEREMIA 39:3

na niallemo Yerusalem. Battumi sikamma pagawena karaeng Babel nampa a'lampa mange ammempo ri Pakke'bu' Lompo Tangngaya. Ri alla'na ke'nanga niaki Nergal-Sarezer, Samgar Nebo, Sarsekim kapala ruma tanggana balla' karaenga, Nergal-Sarezer Rabmag siagang perwira-perwira tantara maraenga.

YEREMIA 52:18

Naengka' tongi ke'nanga barang-barang kammaya anne: sude-sudea, tampa' auna tampa' pakkoro'bangnganga, sikamma pakkakasa' kanjolia, mangko'-mangko' nipammolikia cera' olo'-olo' nisamballea untu' koro'bang, mangko'-mangko' untu' attunu dupa, siagang sikontu barang-barang tambaga maraengannaya, sarroa nipake untu' upacara ibada.

PIRAUNG 2:3

Lalang a'rinrana larroNa, Natepoki kagassinganna Israel. Ri wattunta nibunduki ri musu, taerokai nyawaNa antulungki'. Rapang pepe' a'jalloka angkanrei sikamma niaka, kammami anjo larroNa Batara mae ri katte ngaseng.

PIRAUNG 2:5

A'jarimi rapang musu Batara; Natunrungi Israel sa'genna runtung. Naancuru' sikontu pattahangnganga siagang balla' karaenga, na pila' Natambai susana pandudu' niaka ri Yehuda.

PIRAUNG 2:7

Nasorongbokoi tampa' pakkoro'bangngang matangkasa'Na, na Nabokoi Balla' KalenNa; Nalappassangi musua anruntungi tembo'-tembo'na. Ri tampatta riolo anynyomba siagang assua'-suara', napakemi musua ma'rannu-rannu lanri ammetana.

YEHEZKIEL 39:3

Anjoreng laKutunrungi anrong panana sa'genna ta'lappasa' battu ri lima kairinna, nampa Kutu'gurang ana'-ana' panana battu ri lima kananna.

HOSEA 9:12

Mingka manna pole nania' ana'-ana' nilassukang siagang nipakalompo, laKuallei ke'nanga; tena manna sitau laKulappassang attallasa'. Cilaka ngaseng mako ikau, he bansa Israel, punna Kubokoi ngaseng mako!”

ZAKHARIA 14:2

LaNapa'rappung ngasengi Batara sikontu bansaya untu' ambunduki Yerusalem. Laniallei anjo kotaya, laniellaki sikamma balla'na, siagang lanigau' bawangi sikamma tubai'-bainena. Tawaruanna pandudu'na laniengkaki mange ri butta pammelakkanga, mingka la'binna lammantangi anjoreng ri kotaya.

MATIUS 22:7

Nalangngere'na Karaenga anjo kajarianga teaimi sipato' larrona. Nakirimmi tantarana nanasuro buno ngaseng anjo tau le'baka ambunoi pala'-palayanna. Kammayatompa kotana ke'nanga nasuro tunu tongi.