YEREMIA 20:9 - KITTA' MATANGKASA'

⁹ Mingka punna lalang atingku kukana, “Boli'mi kamma kukaluppai Batara, teama' a'bicara lalang arenNa,” rapammi pepe' pasanNa a'bara ilalang ri ati mailalangku. Le'baki kucoba amparrangngi, mingka ma'nassa tena nakukullei.

YEREMIA 20:9 ပူးပေါင်းရင်းမြစ်များ

PAMMUJI 39:3

A'mereki tojenga' naung, sa'genna kupa'rugi kalengku napila' katambang pa'risikku kusa'ring;

YEREMIA 23:29

KanangKu rapangi pepe', siagang rapangi palu-palu angngancuruka batu!

YEREMIA 23:9

Iaminne pasangku ri sesena na'bi-na'bia: Ancuruki atingku siagang annekkerekka'. Batara siagang kana matangkasa'Na ampa'jaria' rapang tau nasa'ring lanri jai duduna anggoro' kuinung.

YEREMIA 4:19

Tamaka sessana atingku, takutahangngami pa'risika. Takukulleami ampakasanannangi kalengku annenrengi nyawaku ri barambangku, lanri kulangngere'na sa'ra tarompeka, siagang gora assa'raya ero' a'bundu'.

YEREMIA 6:11

Anjo larroTa mae ri ke'nanga a'bara tongi lalang ri kalengku, Batara! Sukkaraki lakuparrangngi.” Nampa Nakana Batara, “Pa'betteseki anjo larroa mae ri ana'-ana' niaka ri sikamma agang lompoa siagang mae ri sikamma tau rungka sitabanga a'rappung. Lanijakkalaki sikamma bura'nea siagang bainea, kammayatompa sikamma tau toa duduamo umuru'na tena todong nalata'lappasa'.

YEHEZKIEL 3:14

KakoasanNa Batara battu mae ri nakke sanna' heba'na, siagang ri wattungku Niangka' siagang Nierang ri RohNa, atingku sanna' pai'na siagang bambanna kusa'ring.

YEHEZKIEL 3:3

Nakana, “He tau, kanrei! Bonei battannu siagang anne kitta' nigulunga.” Nampa kukanre anjo kittaka na kasia'na te'nei sangkamma je'ne' bani.

AMOS 3:8

Punna ammammu' singaya, inaimo tena namalla'? Punna a'bicara Batara Kaminang Tinggia, inaimo akkulle ammakkang siagang taeroka ampa'la'bangi pasanNa?

YUNUS 1:2

Nakana, “A'lampako mange ri Niniwe, anjo kota lompoa, untu' angngancangi, lanri Kuassengi angkanaya pandudu'na sanna' ja'dala'na.”

YUNUS 1:3

Mingka ba'lalo a'lampa maraengi Yunus untu' ampakabellai kalenna battu ri Batara. A'lampa mangei ri Yopa, na sitabangi nia' kappala' ero' a'lampa mange ri Spanyol. Le'baki a'bayara' ongkoso' kappala', nai'mi ri kappalaka, nampa assombala' siagang ana' kappalaka mange ri Spanyol, untu' ampakabellai kalenna battu ri Batara.

LUKAS 9:62

Nakanamo Isa ri anjo taua, “Punna appakkaramulamo taua appa'jeko, nampa assaile pole mae ri boko, tena nasiratang a'jari umma'Na Allata'ala.”

LAMPA-LAMPANA 17:16

Lalang natayanna Paulus kabattuanna Silas siagang Timotius ri Atena, si'nami atinna anciniki anjo kotaya lanri jaina barhala anjoreng.

LAMPA-LAMPANA 18:5

Ri wattunna nia'mo Silas siagang Timotius battu ri Makedonia, napakemi Paulus sikontu wattunna niaka, untu' ampabattui kabara' battua ri Allata'ala mae ri tu Yahudia. Napabattumi mae ri ke'nanga ri passala'na Isa, Karaeng Mappasalama' le'baka Napa'janjiang Allata'ala.

LAMPA-LAMPANA 4:20

Nasaba' takkulleai ammari ikambe ambicarai anjo apa le'baka nacini' siagang nalangngere' ikambe.”