YEREMIA 20:2 - KITTA' MATANGKASA'

² naparentakammi sollangku nitunrung siagang niepong ri Pakke'bu' Lompo Benyamin, pakke'bu' lompo bageang ratena Balla'Na Batara.

YEREMIA 20:2 ပူးပေါင်းရင်းမြစ်များ

1 KARAENG-KARAENG 13:4

Nalangngere'na Yerobeam anjo kana-kana kammaya, najo'jo'mi anjo na'bia nampa ammarrang angkana, “Jakkalaki anjo taua!” Mingka a'jari matemi silalonna limanna Yerobeam, sa'genna takkullea nabeso' ammotere'.

1 KARAENG-KARAENG 22:27

Suroi ke'nanga ampantamaki ri tarungkua, siagang sike'de'mo kanre siagang je'ne' inung sareangi, sa'gengku ammotere' siagang salama'.”

2 PATTOTTORANG 16:10

Sanna' larrona Karaeng Asa allangngereki anjo kananna Na'bi Hanani sa'genna napantama' anjo Na'bia ri tarungkua. Iatommi anjo wattua nanasessa Asa siapa are tau battu ri ra'ya'na.

2 PATTOTTORANG 18:23

Namajumo Na'bi Zedekia a'reppese' mae ri Mikha nampa natempaka'rang rupanna siagang nakana, “Antekamma olona lakkulle RohNa Batara ambokoia' siagang a'bicara mae ri mae ri kau?”

2 PATTOTTORANG 24:21

Mingka assikongkolo'mi ra'yaka untu' angngewai Zakharia, siagang Karaeng Yoas amminawang tongi lalang ri anjo passikongkolanga. Tenamo nau'rangi jasa-jasana siagang pa'mai' tamamminrana Yoyada, manggena Zakharia. Naparentakangi karaenga sollanna nisambilai batu Zakharia sa'genna mate ri paranglakkeng Balla'Na Batara. Ri wattunna lamatemo Zakharia, akkio'mi angkana, “Dasi-dasi naNacini' Batara anne panggaukannu nampa Nabalasa' mae ri kau!”

AYUB 13:27

Kisikkoki rante bassi bangkengku; sikontu gio'-giokku Kijannangngi. Ba'lalo manna pala' bangkengku tena todong nata'lappasa' ri paccinitTa.

AYUB 33:11

Narantei bangkengku; siagang Najannangngi gio'-giokku.’

YEREMIA 26:10

Ri wattunna nalangngere' pagawe-pagawena pamarenta Yehuda apa kajarianga, akkaro-karomi ke'nanga assulu' battu ri balla' karaenga nampa a'lampa mange ri Balla'Na Batara, siagang ammempo ri Pakke'bu' Lompo Berua.

YEREMIA 26:8

Tena sallo le'ba'na kupa'la'bang sikontu anjo pasanNa Batara sangkamma Naparentakanga, najakkala'ma' ke'nanga nampa ammarrang angkana, “Musti mateko!

YEREMIA 29:26

“Le'ba' mako Naangka' Batara a'jari imang ansambeangi Yoyada, siagang kamma-kamma anne ikaumi kaminang tinggia empoannu ri Balla'Na Batara. Ia tugasa'nu iamintu amparentakangi sollanna sikamma tau pongoroka, nakanaya kalenna na'bi, nisikkoki rante bassi kallonna.

YEREMIA 36:26

Ba'lalo karaenga naparentakangi ri ana' bura'nena iamintu Yerahmeel siagang Seraya ana'na Azriel siagang Selemya ana'na Abdeel, sollanna najakkalakka' siagang Barukh juru tulisikku. Mingka nicokkoi ikambe ri Batara.

YEREMIA 37:13

Mingka ri wattungku battu mange ri Pakke'bu' Lompo Benyamin, komandang tantara tugasaka anjoreng natahanga' nampa nakana, “Erokko lari a'limbang mange ri tu Babel!” (Anjo komandang tantaraya niarengi Yeria, ana'na Selemya, cucunna Hananya).

YEREMIA 37:21

Jari naparentakammi Karaeng Zedekia sollangku nitarungku ri bageang paranglakkenna balla' karaenga. Jari ammantamma' anjoreng; allo-alloku nisare roti battu ri tampa' papparekang rotia, sa'genna la'busu' ngaseng parsadiaang rotia ri anjo kotaya.

ZAKHARIA 14:10

Sikontu pa'rasanganga appakkaramula battu ri Geba bageang wara' sa'genna Rimon ri bageang timboro', la'jari lappara' ngasengi. Mingka Yerusalem lammenteng tinggi nai', la'bi tinggiangngang nabutta niaka ri tammulilina; anjo kotaya la'la'baki appakkaramula battu ri Pakke'bu' Lompo Benyamin sa'genna mange ri Pakke'bu' Lompo Panyingkulu', iamintu tampa'na pakke'bu' lompo Makase'rea siagang battu ri Menara Hananel sa'genna mange ri tampa' pammaccokang anggoro'na karaenga.

MATIUS 21:35

Mingka battuna mange anjo palayanna patanna koko, nijakkala'mi ke'nanga ri anjo pajama kokoa. Nia'mo naba'ji, nia'mo nasambila batu, siagang nia' tommo nibuno ri ke'nanga.

LAMPA-LAMPANA 4:3

Nijakkala'mi Petrus siagang Yohanes ri ke'nanga, nampa nipantama' ri tarungkua. Nitahammi Petrus siagang Yohanes anjoreng sa'genna ammukona, lanri anjo wattua bangngimi.

LAMPA-LAMPANA 5:18

Nijakkala'mi anjo sikamma tunisuroNa Allata'ala nampa nipantama' ri tarungku lompoa.

LAMPA-LAMPANA 5:40

Jari nikio'mi anjo sikamma tunisuroNa Allata'ala. Nicambo'mi nampa nipisangkai pole ke'nanga angngajara' lalang arenNa Isa. Le'baki anjo, nampami nilappassang ke'nanga.

LAMPA-LAMPANA 7:52

Maka nia' na'bi tanisessaya ri boe-boenu? Nabunoi ke'nanga tunisuroNa Allata'ala, le'baka ampabattui riolo dudu angkanaya labattui anjo Ata matojenNa Allata'ala. Na kamma-kamma anne le'ba'mi nupasikongkolang siagang nubuno anjo Ana'Na Allata'ala.

PAPPICINI' 17:6

Nampa nasa'ring kucini' anjo bainea napakamma cera'na Umma'Na Allata'ala siagang cera'na tau nibunoa lanri tamamminrana mae ri Isa. Teai sipato' lannasakku ri wattunna kucini' anjo bainea.

PAPPICINI' 2:10

Teako mallakki mae ri kapa'risanga, tenayamo nasallo namusti nukasia'. U'rangi, angkanaya jaiko lanapantama' Billisika ri tarungkua untu' lanaso'ri. Lasessako sampulo allo sallona. Paralluko tamamminraya ri tappa'nu sa'gennu mate; na iNakke lassareangko katallassang sitojennaya siagang mannannunganga, a'jari hadia ri pammetannu.