YEREMIA 20:16 - KITTA' MATANGKASA'

¹⁶ Boli'mi kamma anjo angngeranga kabara' a'jari sangkamma anjo kota-kota niancuruka tanikamaseang ri Batara. Boli'mi kamma allangngere' tau ammarrang napakamma pa'risi' ri wattu bari'basa', siagang sa'ra ammarrang ri pa'bundukang ri tangngana alloa.

YEREMIA 20:16 ပူးပေါင်းရင်းမြစ်များ

YEREMIA 18:22

Suroi paellaka ti'ring battu ri balla'na ke'nanga, sa'genna ammurici' ke'nanga napakamma malla'. Le'ba'mi ke'nanga angngeke kali'bong sollanna kutu'guru' antama, siagang le'ba'mi ke'nanga attannang sikko' untu' anjakkalakka'.

YEREMIA 18:8

nampa toba' anjo bansaya battu ri dosana, laKupaonoki anjo pattujungKu.

YEREMIA 23:14

Mingka Kuciniki ri Yerusalem na'bi-na'bia nagaukangi la'bi ja'dalaka pole. A'balle-ballei ke'nanga siagang a'gau' bawangi, kammayatompa naturukiangi taua a'gau' ja'dala', sa'genna manna sitau tania' ero' toba'. Untu' iNakke yangasenna anjo ke'nanga ja'dalaki sangkamma pandudu'na Sodom siagang Gomora.”

YEREMIA 26:13

Lanri kammana pinrami gau' katallassannu siagang panggaukang-panggaukannu; turuki Karaeng Allata'alanu, sollanna taNapa'jaria ero'Na untu' ampitujuiko kacilakang.

YEREMIA 4:19

Tamaka sessana atingku, takutahangngami pa'risika. Takukulleami ampakasanannangi kalengku annenrengi nyawaku ri barambangku, lanri kulangngere'na sa'ra tarompeka, siagang gora assa'raya ero' a'bundu'.

PIRAUNG 4:6

Nihukkungi ummakKu la'bi battallangngang na hukkunganna tu Sodom le'baka sipakkida mataji bawang naancuru' lalang limanNa Allata'ala na teai tete gau' rupatau.

YEHEZKIEL 21:22

A'nyatami angkanaya anjo pana naallea lima kananna nia' pammatei mae ri Yerusalem! Anjo battuanna angkana karaenga musti nabunduki kota Yerusalem, akkioki untu' a'bundu' na nasuro tantarana ansusungi pakkakasa' untu' nipake anrumbang, napatabai ri sikamma pakke'bu' lompona Yerusalem, attambung butta a'jari tembo' untu' angkurungi Yerusalem, siagang angngeke kaloro'-kaloro'.

HOSEA 10:14

jari lanitujumi ra'ya'nu ri pa'bundukang, siagang sikontu pattahangannu laniancuruki. Pattallassannu la'jari sangkammai ri allonna Karaeng Salman napanraki kota Bet-Arbel lalang pa'bundukang, siagang nalissarrang sikamma amma'-ammaka siagang ana'-ana'na.

HOSEA 11:8

Nakana Batara, “He Israel, tena olonu laKubalang parekang yareka Kubokoi. Maka akkulleko Kuputta sangkamma Adma? Yareka Kupakamma Zeboim? Tena naero' pa'maikKu anggaukangi anjo kammaya, lanri lompo duduna pangngaingKu mae ri kau!

HOSEA 13:14

Anne bansaya tena nalaKupasalamaki battu ri linona tau matea. He kamateanga, pa'la'bammi racunnu! Gaukammi anjo jama-jamannu angngancuruka! Tenamo naKukamaseangi anne bansaya.

AMOS 1:14

Lanri kammana anjo, lakkiringA' pepe' mae ri tembo'-tembo'na kota Raba, siagang Kutunu sa'genna cappu' sikamma pattahanganna. Anjo wattua lania' nilangngere' karicuang pa'bundukang, siagang anjo pa'bundukanga hebaki sanrapang anging lompo dudua.

AMOS 2:2

Lanri kammana anjo, lakkiringA' pepe' mange ri pa'rasangang Moab, siagang Kutunu sa'genna cappu' sikamma pattahanganna Keriot. Lamatei tu Moab ri tangnga-tangnga karicuanna pa'bundukanga, iamintu lalang nipasa'rana tarompeka siagang nipakkiokanna pakkio' pa'bundukanga.

AMOS 4:11

Sipa'gang battu ri kau laKupanrakiko sangkamma Kupanrakinna kota Sodom siagang Gomora. Ia niaka ija attallasa' battu ri kau rapangi cappa' kayu tunuang niallea battu ri pepeka. Mingka manna nakamma tena tongijapa nummotere' mae ri Nakke.

YUNUS 3:4

Antama'mi Yunus ri anjo kotaya, na le'baki a'jappa siallo bujuru', appakkaramulami akkato'ba nakana, “Patampulo allopi, nalaancuru' Niniwe!”

YUNUS 4:2

Nampa appala' doang nakana, “O Batara, sai le'ba'mi kupau ri tenanapa ku'lampa ri ballakku pirangalloang, angkanaya tantu laKigaukanna anne kammaya? Iaminjo saba'na nakutulusu' lari mange ri Spanyol! Kuassengi angkanaya iKatte Allata'ala assayang siagang angngamaseang, la'bu ri sa'bara', lamma siagang alusu' pa'mai', siagang tuli sadiaKi' untu' ampinrai rancanaTa anghukkung.

ZEFANYA 1:16

Tuntunna anjo alloa assa'rai tarompeka siagang pakkio' bunduka battu ri pejuang-pejuang ambundukiai kota-kota niaka pattahanganna siagang menara-menara tinggina.

ZEFANYA 2:9

Lanri iNakke mattallasaka, Allata'alana bansa Israel, laKubarrasaki sa'genna tangkasa' bansa Moab siagang Amon, sangkamma Sodom siagang Gomora. Anjo pa'rasangang-pa'rasanganga larassi siagang bungung-bungung ce'la kammayatompa loro-loro napattimboia rompo' sa'genna satunggu-tungguna. Sesanna ummakKu ta'lappasaka lanaellaki pandudu'na, siagang lanaallei buttana ke'nanga.”

LUKAS 17:29

Mingka ri wattunna assulu' Lot battu ri kota Sodom, anjo alloa battumi pepeka siagang turummi bara-bara pepeka battu rate ri langika angngancuru' ngasengi ke'nanga.

PAOLE 29:22

Ri bokoang allo, lanaciniki jari-jarinu siagang sikamma bansa maraeng battua ri pa'rasangang-pa'rasangang bellaya sikamma balaya siagang kasessang Napabattua Batara mae ri pa'rasangannu.

PAOLE 29:23

La'jari parang kalotoro' karringi sikamma kokonnu nitongko' ri batu a'rinra siagang ce'la. Takkulleai nulamungi buttana, siagang tea tommi attimbo ruku'-rukuka anjoreng. Lasangkammai kota-kota Sodom siagang Gomora kammayatompa Adma siagang Zeboim anjo pa'rasangannu, iamintu niancuruki ri wattu a'rinra-rinrana larroNa Batara.

2 PETRUS 2:6

Kamma tomminjo kota Sodom siagang Gomora; Naancu'-ancuruki Allata'ala anjo kotaya siagang pepe', sollanna a'jari conto ri passala'na apa lakajarianga sallang mae ri sikamma tau tenaya natappa' ri Allata'ala.

YUDAS 1:7

U'rangi tongi kota Sodom siagang Gomora kammayatompa kota-kota niaka ri ampi'na, appanggaukang kammaya todong anjo sikamma malaekaka tuma'buttana. Nagaukangi ke'nanga nikanaya gau' bawang siagang gau' bambalaka; sa'genna nisessa ke'nanga siagang pepe' a'rinraya satunggu-tungguna, untu' a'jari pappakainga' mae ri sikontu rupataua.