YEREMIA 20:11 - KITTA' MATANGKASA'

¹¹ Mingka iKatte, o Batara, niakKi' angngentenganga'; iKatte tamaka gassinTa na Kikassa'. Anjo ke'nanga angngondangia' siagang anjallakkangia' latu'guruki natena pakkullena. Lasiri'-siriki ke'nanga satunggu-tungguna, salasai sikontu rancanana ke'nanga. Anjo tunana ke'nanga latuli niu'rangi.

YEREMIA 20:11 ပူးပေါင်းရင်းမြစ်များ

YEREMIA 1:8

Teako mallakki mae ri ke'nanga, nasaba' iNakke lanrurungangko untu' anjagaiko. INakke Batara, anne akkana!”

YEREMIA 15:20

LaKupa'jariko rapang tembo' tampa' pattahangngang nipareka battu ri tambaga mae ri ke'nanga. Lanabundukiko ke'nanga, mingka tanakulleai ke'nanga ambetako. INakke lanrurungangko untu' anla'langngiko siagang ampasalamakko.

YEREMIA 17:18

Poro Kipakasiriki siagang Kipa'jari mallaki sikamma tau angngondangia' siagang anjallakkangia'. Mingka teaKi' gaukangngi anjo kammaya mae ri nakke, o Batara. Kipabattui balaya mae ri ke'nanga sa'genna ancuru' taba sikali ke'nanga.

YESAYA 41:10

Teako mallakki, saba' iNakke anrurungangko, teako lussakki, saba' iNakke Allata'alanu. LaKupakajarrekko siagang laKutulungko, Kurenrengko lalang lima makassakKu.

PAMMUJI 6:10

Napilangngeri Batara pappalakku na natarima sambayangku.

PAMMUJI 40:14

O, Batara, Kipasalama' laloa', o, Batara sadia maKi' untu' antulunga'!

PAMMUJI 35:26

Boli'mi kamma tau sannanga anciniki pa'risikku a'jari lingu siagang a'jari siri'-siri'. Boli'mi kamma tau napattampoanga kalenna mae ri nakke nihina siagang nipakasiri'.

ROMA 8:31

Apamo lanikana kamma-kamma anne ri passala' kammaya ngaseng anjo? Punna Narurungangki' Allata'ala, maka inai akkulle angngewaki'?

YEREMIA 23:40

LaKupa'jari siri'-siriki ke'nanga siagang a'jari tuna sa'genna satunggu-tungguna, kammayatompa anjo sarenna ke'nanga talanikaluppaiyai ri taua.”

2 TIMOTIUS 4:17

Mingka Narurunganga' Batara. Nasarea' kagassingang sa'gengku akkulle ambirittakangi sikontu anjo Kabara' Bajika, sollanna akkulle nalangngere' ngaseng bansa-bansa maraenga. Siagang ta'lappasa'ma' battu ri bahayana kamateanga.

YESAYA 45:16

Sikontu tau appareka patung barhala; lanipakasiriki siagang lanihinai.

PAMMUJI 66:5

Battu mako siagang cinikimi panggaukanNa Allata'ala, tamaka appakalannasa'na sikamma bate pare'Na ri alla'na rupataua!

DANIEL 12:2

Jai ri ke'nanga mateamo lattallasa' poleangi; sipa'gang lanakasiaki katallassang mannannunganga na sipa'gang pole lanakasiaki tunaya siagang kapa'risanga sa'genna todong satunggu-tungguna.

PAMMUJI 65:5

Mate'nei tau Kipilea, siagang tau Kikioka untu' ammantang ri BallatTa. Lanipassukkuki ikambe ri sikamma apa baji' ri BallatTa, ri pammantangngang matangkasatTa.

PAMMUJI 47:2

Attempa-tempa limako siagang rannu, he sikontu bansaya! Pujimi Allata'ala siagang pakkio' rannu!

YESAYA 41:14

Nakana Batara, “Teako mallakki, Israel, manna nuca'di siagang lamma. INakke Batara antulungko, kaminang Matangkasaka, Allata'alana Israel, Mappasalama'nu.

PAMMUJI 129:2

“Nisessa' ri musu battu ri rungkaku, mingka takkulleai ke'nanga ambeta';

YEREMIA 15:15

Nampa kukanamo, “Batara, Kipahangi. U'rangia' siagang tulunga'. Pa'balassanga' mae ri anjo ke'nanga angngondanga' siagang anjallakkanga'. TeaKi' sa'bara' dudui mae ri ke'nanga sa'genna akkulle sallang ke'nanga ambunoa'. Kiu'rangi angkanaya lanri iKatte nakunihina.

YEREMIA 22:22

Lanri kammana anjo sikamma pamimpinnu lalanynyaki rapang nitui' ri anging. Sikamma agang-agannu laniengkaki salaku tau nitahang, kammayatompa kotanu lanihinai siagang nipakasiriki passabakkang sikontu kaja'dallannu.

YEREMIA 32:18

Kipappicinikangi pangngamaseang satunggu-tungguTa mae ri assa'bu-sa'bua tau, mingka Kihukkung tongi taua lanri dosana tau toana. IKattemi Allata'ala mala'birika siagang porea; arenTa iamintu Batara Kaminang Koasaya.

YEREMIA 1:18

Pilangngeri! Lanibaliangko ri pandudu'na anne pa'rasanganga, iamintu sikamma karaenna Yehuda, sikamma tau anna'galaka pamarentahang, sikamma imanga, siagang ra'yaka. Mingka anne alloa Kusareko kagassingang untu' angngewai ke'nanga. La'jariko rapang kota niaka tembo' pattahanganna, rapang benteng bassi siagang tembo' tambaga. Takkulleai ke'nanga ambetako, nasaba' iNakke lanrurungangko siagang anjagaiko. INakke, Batara anne akkana.”