YEREMIA 20:10 - KITTA' MATANGKASA'

¹⁰ A'bici'-biciki nilangngere' taua ri kere-keremae, angkana, “Battui mallaka a'la'bang! Umba nilaporoki mae ri pamarentaya!” Ba'lalo sikontu agang bajikku naminasai katu'gurangku. Nakana ke'nanga, “Gassingka lanri panynyonyoppa, nakkulle nibeta, sollanna nikkulle ambalasaki larro niboli'-bolitta ri ia.”

YEREMIA 20:10 ပူးပေါင်းရင်းမြစ်များ

1 KARAENG-KARAENG 19:2

Jari akkirimmi kabara' Izebel mae ri Elia angkana, “Poro nahukkunga' rewataya, ba'lalo nabunoa', punna ammuko ri wattu kamma-kammaya anne, natena nakupakamma tongko anjo apa le'baka nugaukang mae ri anjo na'bi-na'bi Baal.”

1 KARAENG-KARAENG 21:20

Nacini'na Ahab anjo Elia, nakanamo, “E musu, kale'bakkanna nugappa tonja'!” Appialimi Elia angkana, “Kammatojengi, nasaba' sanna' lompona pattujunta anggaukangi apa ja'dalaka ri dallekanNa Batara,

1 KARAENG-KARAENG 22:27

Suroi ke'nanga ampantamaki ri tarungkua, siagang sike'de'mo kanre siagang je'ne' inung sareangi, sa'gengku ammotere' siagang salama'.”

1 KARAENG-KARAENG 22:8

Appialimi Ahab angkana, “Nia' ija se're, Mikha ana'na Yimla. Mingka birisika' ri ia, nasaba' tena le'bakai natappuanga' apa-apa baji'; tuli apa kodia.” Appialimi Yosafat angkana, “Teako akkana kammai!”

AYUB 19:19

Punna nacinikka', sanna' malla'na bela bajikku; nibokoia' ri sikamma tu kukamaseanga.

PAMMUJI 31:13

Nikaluppaia' sanrapang tu mate, a'jarima' sanrapang barang nipelaka.

PAMMUJI 31:14

Ri kere-keremae nia' apa appakamalla' dudu kulangngere' kabara'-kabara' anging battu ri musungku. Assikongkoloki ke'nanga ambalianga', appareki rancana untu' ambunoa'.

PAMMUJI 41:10

Ba'lalo manna bela bajikku kaminang kupatappaka, tau kuaganga sipangnganreang, nahina tomma'.

PAMMUJI 41:9

Nakana ke'nanga, “Teai sipato' sanna'na garrinna, tena olona lakkulle ambangung poleang.”

PAMMUJI 57:4

Appiali battu ri suruga siagang Napasalamaka'; Nabetai sikamma tau anjallakkangia'. LaNapicinikianga' Allata'ala angkanaya tamamminrayai mae ri nakke, siagang tuli mangngamaseangi mae ri nakke.

PANGNGEBARANG 10:18

Tau accokkoa kabirisang iami patipu. Tau appa'la'banga pitina iami tau dongo'.

YESAYA 29:21

tau nangaia ampitinai paranna tau, tau ampappisangkangai nihukkung tau ja'dalaka, siagang tau appa'la'banga carita-carita balle-balle sollanna tanggappaya kaadelang tau lambusuka.

YEREMIA 11:19

Rapanga' gimbala' tenaya ranggaselana nierang mange ri pamolonganga. Takuassengai angkanaya inakke nataba rancana ja'dala'na ke'nanga. Nakana ke'nanga, “Umba nanita'bangi anne poko' kayua lalang akkullena ija a'rappo; nipanraki sollanna nikaluppaimo arenna ri taua.”

YEREMIA 11:21

Nakellai sikalia' taua ri kota Anatot sollangku mate. Nakana ke'nanga, “Punna tulusu' nupabattuna pasang-pasanNa Batara mae ri kambe, lanibunoko ri kambe.”

YEREMIA 18:18

Nakana taua, “Umba kissikongkolo' angngewai Yeremia. Tena naiaja bawang akkulle a'bicara untu' Allata'ala. Tuli lania'na imang akkulle assare pangngajarang, nia' tucara'de' akkulle assare pappakainga'; siagang nia' na'bi akkulle ampabattui mae ri katte sikamma pasang battua ri Allata'ala. Umba nanituntuki ri pangadelanga nampa tenamo nanilangngereki kana-kananna.”

YEREMIA 20:3

Bari'basa'na pole ammuko, ri le'bakku nilappassang nisikko' ri Pasyhur, kukanamo ri ia, “Areng Napassareanga Batara mae ri kau teai Pasyhur, mingka ‘Pammunoang ri kere-keremae.’

YEREMIA 37:13

Mingka ri wattungku battu mange ri Pakke'bu' Lompo Benyamin, komandang tantara tugasaka anjoreng natahanga' nampa nakana, “Erokko lari a'limbang mange ri tu Babel!” (Anjo komandang tantaraya niarengi Yeria, ana'na Selemya, cucunna Hananya).

YEREMIA 6:25

Tenamo nabarani ke'nanga naung ri aganga yareka a'lampa mange ri kokoa, lanri kemae-kemaemi musua angngeranga sanjata appania' karicuang siagang pammunoang.

YEHEZKIEL 22:9

Ri alla'na pandudu'nu nia' tau nangai appasisala-salaya siagang ampitinai paranna tau sollanna nanihukkung mate anjo paranna tau. Nia' todong nangai angnganre dageng le'baka nikoro'bangkang mae ri barhalaya. Nia' todong nangai a'gau' bawanga.

DANIEL 6:4

Kabateammi linta' angkanaya jama-jamanna Daniel la'bi bajikangngangi najama-jamanna sikamma guburnurka siagang pangawasa' maraengannaya. Lanri kammana anjo, ero'mi karaenga angngangkaki a'jari pamarenta mae ri sikontu kakaraenganga.

LUKAS 20:20

Jari a'boyami ke'nanga kasampatang baji'. Nia'mo se're tau nagaji ke'nanga sollanna assara-sarai a'jari tau lambusu' pa'mai', nampa nasuro anjo taua mange akkuta'nang siagang ampa'boyangi kasalang Isa. Napa'boyangi kasalang Isa, sollanna akkulle ke'nanga a'jamma' mae ri kakoasanna guburnurka, nanijakkala' Isa.

LAMPA-LAMPANA 24:13

Siagang tena todong nakkulle napa'butti sikamma anjo apa natuduanga' ke'nanga ri dallekanta.

LAMPA-LAMPANA 5:33

Ri wattu nalangngere'na anggota-anggotana anjo Pangadelang Agamaya anjo apa napaua tunisuroNa Allata'ala, teaimi sipato' larrona ngaseng ke'nanga. Sa'genna assama turu' ngasemmi ke'nanga ero' ambunoi anjo sikammaya tunisuroNa Allata'ala.

LAMPA-LAMPANA 7:54

Kamma nalangngere'na anggota-anggota sidang Pangadelang Agamaya sikamma anjo napaua Stefanus, pa'risi' sikalimi nyawana ke'nanga siagang sanna' ngasemmi larrona mae ri Stefanus.