YEREMIA 2:8 - KITTA' MATANGKASA'

⁸ Sikamma imanga tamakkuta'nangngai angkana kemaeA', Batarana. Sikamma tau appaentenga hukkung tanaassengA', sikamma pamarentaya nabaliangA'. Lalang arenna Rewata Baal na'bicara sikkamma na'bia, siagang anynyomba ri barhala tenaya matu-matunna.”

YEREMIA 2:8 ပူးပေါင်းရင်းမြစ်များ

1 KARAENG-KARAENG 18:22

Nampa nakanamo pole Elia, “Battu ri sikamma na'bi-na'biNa Batara, inakke mami tassesa, padahala' anrinni nia' 450 na'bi Baal.

1 KARAENG-KARAENG 18:29

Kammaminjo situlusu'na nagaukang ke'nanga sa'genna karueng, sangkamma nicini' tunisoso' ri setang. Mingka tena appiali ri ke'nanga, tena amparhatikangi.

1 KARAENG-KARAENG 18:40

Jari nakanamo Elia, “Jakkala' ngasengi anjo na'bi-na'bi Baal! Teako lappassangi nia' ta'lappasa' manna sitau!” Nampa nijakkala' ngasemmo anjo na'bi-na'bia ri anjo taua. Nampa nierang anjo na'bi-na'bi Baal ri Elia mange ri Binanga Kison, nanabuno ngaseng ke'nanga anjoreng.

AYUB 35:10

Mingka teai mae ri Allata'ala, Mappa'jarina napappalakki, assareai panrannuang ri wattu susana ke'nanga,

YESAYA 28:7

Kammayatompa sikamma na'bia siagang imang-imanga nasa'ring tongi, lanri jai duduna anggoro' siagang inungang terasa' nainung ke'nanga. Ta'royong-royongi jappana ke'nanga siagang tatto'ro-to'roi lanri tenana nasilolongang pikkiranna. Na'bi-na'bia takkulleai napahang sikamma pangngunju' Nipappicinikanga mae ri ke'nanga battu ri Allata'ala. Sikamma imanga tena tommo nakkulle natappuki sikamma parkara nieranga mae ri dallekanna ke'nanga.

YESAYA 29:10

Napa'jari ta'do'dokko siagang attinro nyamangko Batara. Natongkoki matanna sikamma na'bia siagang nabomboki rupanna sikamma pacinika.

YESAYA 30:5

kabusu'na taua lasiri'-siri' ngasengi lanri napattoanna ke'nanga bansa tenaya matu-matunna mae ri ke'nanga. Teai passawallang yareka pannulung nagappa ke'nanga, passangalinna panghinaang.”

YEREMIA 10:21

Appialima' angkana, “Dongoki anjo pamimping-pamimpinta. Tena nappala' pitunju' ke'nanga mae ri Batara, iaminjo saba'na nasalasa ke'nanga, siagang kinipasiara'mo ri kere-keremae.

YEREMIA 12:10

Jai pamarenta bansa maraeng le'ba' ampanraki koko anggorokKu siagang angngonjo'-onjokangi sikamma kokongKu. Pa'rasangang ga'gaKu napinrai a'jari parang luara' sinoa.

YEREMIA 16:19

O Batara, iKattemi alla'langngia' siagang assarea' kagassingang; iKatte antulunga' ri wattungku kasukkarang. Labattui bansa-bansaya battu ri cappa'na linoa mae ri Katte na nakana, “Boe-boena ikambe poro rewata takontutojengaji bawang napatappa', tena sikalia matu-matunna.

YEREMIA 18:18

Nakana taua, “Umba kissikongkolo' angngewai Yeremia. Tena naiaja bawang akkulle a'bicara untu' Allata'ala. Tuli lania'na imang akkulle assare pangngajarang, nia' tucara'de' akkulle assare pappakainga'; siagang nia' na'bi akkulle ampabattui mae ri katte sikamma pasang battua ri Allata'ala. Umba nanituntuki ri pangadelanga nampa tenamo nanilangngereki kana-kananna.”

YEREMIA 2:11

Tale'bakai nia' se're bansa ansambei rewatana manna pole naanjo teai Allata'ala sitojennaya. Mingka, ummakKu le'bakKa' nasambei, kalompoanna ke'nanga siagang se'rea apa takkulle appare' apa-apa.

YEREMIA 2:6

Tenamo najampangiA'; iNakke, le'baka angngului ke'nanga ri aganga, siagang angngerangi ke'nanga assulu' battu ri Mesir allalo ri parang kassika, daera roso' a'lekko-lekkoa, butta kalotoro' siagang jaia bahayana – parang tenaya nanipammantangngi siagang tenaya nanipanumaloi!

YEREMIA 4:22

Nakana Batara, “tolo sikali anjo ummakKu, tamangngassengai ke'nanga ri Nakke. Rapanji ke'nanga ana'-ana' tenaya namappilangngeri tenaya pammahanna manna sike'de'; cara'deki ri kaja'dallanga, tena apa-apa nakulle ri kabajikanga.”

YEREMIA 5:31

a'balle-ballei na'bi-na'bia, sikamma imanga allayani situru' ri ero' pa'mai' kalenna na ikau ummakKu nungai anjo kammaya. Mingka apa lanugaukang punna battu allo kala'busanga?”

YEREMIA 7:8

Mingka, sikontutojenna tena matu-matunnu tappa' ri kana-kana balle-ballea.

YEREMIA 9:14

Kapala batui ke'nanga siagang anynyombai ri barhala-barhala Baal sangkamma napangngajarranga boe-boena mae ri ke'nanga.

YEHEZKIEL 22:26

Sikamma imanna tu Israel nadakkai hukkung-hukkungKu siagang nara'massi apa-apa le'baka nisa'la' untu' iNakke. Tena napasimmaraengi ke'nanga angkanaya kereanga hallala' siagang kereanga harang. Tena todong naajaraki ke'nanga ra'yaka untu' ampasimmaraengi angkanaya kereanga tangkasa' siagang ra'masa' manuru' paratorang agamaya. Tena najampangi ke'nanga allo Pammari-marianga. Lanri kammanami anjo nanahinaMa' bansa Israel.

YEHEZKIEL 34:2

“He tau, callai sikamma karaeng Israel, siagang pabattui apa Kupaua, iNakke, Batara Kaminang Tinggia mae ri ke'nanga angkana, ‘Cilakako, he sikamma pakalawakinna Israel. Sangnging kaparalluang kalennu bawang nunawa-nawa, teai kaparalluanna sikamma gimbala'nu.

HOSEA 4:6

Ikau ngaseng, sikamma imanga, tena nujampangiA', jari ummakKu tena tommo najampangiA' sa'genna natuju bala ke'nanga. Nutollaki ajarang-ajarangKu. Jari, iNakke laKutolla' tongko, siagang ana'-ana'nu tena nalaKuani salaku imang-imangKu.

HABAKUK 2:18

Nitunraiko ikau! Nukana mae ri kayu sipolonga, “Ambangnungko!” yareka mae ri batu lompoa angkana, “Ammentengko!” Maka akkullei se'rea patung a'bicara mae ri kau? Nakulle anjo patunga nilapisiki bulaeng siagang pera', mingka tena nyawa ri ia. Apa matu-matunna patung barhalaya? Anjo poro bate pare'na rupataua. Apa nugappaya battu ri ia poro balle-balle bawang. Tena bua'-bua'na katappakkanna papare' barhalaya mae ri bate pare' limanna, tenaya nakkulle appau.

MATIUS 16:26

Nasaba' apa matu-matunna nagappa ngaseng taua anne linoa punna latappela' katallassanna? Maka akkullei anjo katallassanga nipassambe apa-apa maraeng?

LUKAS 11:52

Cilaka ngaseng mako ikau guru-guru agamaya. Nasaba' niaki ri kau niboli' koncina pangngissenganga. Mingka kalennu tonji taeroka antama' amboyai anjo pangngissenganga. Ba'lalo, ikau ngasemmi anrompa-rompai sikamma tau eroka antama'!”

YOHANES 16:3

La'gau' kammai anjo ke'nanga mae ri kau, lanri tenanapa naassengi Manggea, siagang tenanapa naassengA'.

YOHANES 8:55

mingka tena nanuassengi. Mingka iNakke Kuassengi. Ebara'na Kukana tena naKuassengi, a'jari tu paballe-balleMa', sangkamma ikau ngaseng. Mingka iNakke Kuassengi siagang Kuturuki kananNa.

2 KORINTUS 4:2

Tena nakiaccokko-cokko siagang tena nakiappakasiri' bateta anggaukangi anne jama-jamanga. Tena nakiero' jekkong anggaukangi anne jama-jamanga, yareka tena nakiero' amputara' baleki kananNa Allata'ala. Silambusu'na bawang ero'Na Allata'ala nabirittakang ikambe. Lanri kammana, naminasai ikambe nanabilang baji' ngaseng ri pa'mai'na taua anjo apa nagaukanga ikambe.

PAOLE 33:10

Naajaraki ummatTa anturuki hukkunTa, siagang assare koro'bang irate ri tampa' pakkoro'bangnganTa.

1 SAMUEL 12:21

Teako amminawangngi ri rewata-rewata tenaya nakkulle antulungko siagang ampasalamakko, nasaba' anjo ke'nanga sikontutojenna apa-apa taena battuanna.

1 SAMUEL 2:12

Ia ana'-ana'na Eli ja'dala' sikali. Tena najampangi ke'nanga Batara.