YEREMIA 2:5 - KITTA' MATANGKASA'

⁵ Nakana Batara, “Kasalang apa nacini' boe-boenu ri Nakke, sa'genna a'boko mae ri Nakke? Naondangi ke'nanga barhala tenaya anggaranna na kale'bakkanna kalenna tonji ke'nanga a'jari tuna.

YEREMIA 2:5 ပူးပေါင်းရင်းမြစ်များ

2 KARAENG-KARAENG 17:15

Taerokai tu Israel siagang tu Yehuda anturuki parenta-parentaNa Batara siagang tena namajarre' ri parjanjiang le'baka napare' siagang boe-boena ke'nanga. Tena najampangi sikamma pappakainga'Na, passangalinna anynyombai ke'nanga mae ri barhala-barhala tenaya matu-matunna, sa'genna manna kalenna ke'nanga tena tommo matu-matunna. Naturuki ke'nanga panggaukanna bansa-bansa niaka ri ampi'na ke'nanga, manna pole nale'ba'mo nipisangkai ke'nanga ri Batara.

PAMMUJI 115:8

Poro kamma tomminjo sarenna sikamma tau amparekai, siagang sikamma tau tappaka mae ri ia.

YESAYA 29:13

Nakana Batara, “Anjo taua nasombA' siagang bawana, mingka atinna lalang bellai ri Nakke. Agamana ke'nanga poro atorang napare'ji rupataua, untu' niapele'ji bawang.

YESAYA 44:9

Anjo tau appareka barhala tena matu-matunna, siagang anjo rewata-rewata napakalompoa ke'nanga tena anggaranna. Tau anynyombaya ri anjo patunga butai siagang tena apa-apa naasseng, lanri kammanna lasiri'-siriki ke'nanga napakamma.

YESAYA 46:12

PilangngeriA', he sikamma tau tampoa, ikau angkapangai angkanaya bella iji pammetanga.

YEREMIA 10:8

Kapala batui siagang dongo' ngasengi ke'nanga nasaba' rewatana poro kayuji bawang, takkulleai angngajara' ri apa a'matu-matua.

YEREMIA 12:2

Kilamungi ke'nanga rapang lamung-lamung, nampa angngaka' ke'nanga, attimbo, siagang a'rappo. Tuli nabicara bajitTa ke'nanga, mingka lalang atinna, sikontutojenna tena najampangiKi'.

YEREMIA 14:22

Rewata-rewatana bansa-bansaya takkulleai appaturung bosi ri lino. Manna langika takkulle todong ampaturungi bosia siagang koasa kalenna. IKatteji bawang panrannuanna ikambe. IKatte ampa'jari ngasengi anjo sikammaya.

YEREMIA 2:31

He umma' Israel, pilangngeri anne kana-kanangKu. Maka le'bakKa' a'jari rapang parang lompo mae ri kau yareka rapang butta masassanga? Mingka angngapa nanukana erokko bebasa', siagang taeroka mako ammotere' mae ri Nakke?

YEREMIA 2:4

Pilangngeri pasanNa Batara, he ikau jari-jarina Yakub, suku-suku Israel!

YEREMIA 8:19

Pilangngeri! Rassi sikontu pa'rasanganga piraunna bansaku akkuta'nang angkana, “Tenakami Batara ri Sion? Kemae karaenna kamma-kamma anne?” Appiali Batara, Karaenna ke'nanga, angkana, “Angngapa nusu'ju' ri rewata-rewataya ia tena sikalia matu-matunna? Angngapa nupa'risi nyawaKu lanri anynyombanu ri barhala-barhalaya?”

YEHEZKIEL 11:15

“He tau, ikau siagang agang-agannu niaka ri pammelakkanga nibicarako ri pandudu'na Yerusalem. Nakana ke'nanga, ‘Anjo tunipelaka bella dudui battu ri Yerusalem untu' anynyomba ri Batara. Butta Israel le'ba'mi Napassareang Batara mae ri katte.’

YEHEZKIEL 14:5

Sikontu anjo barhalaya napakabellai ummakKu battu ri Nakke, mingka dasi-dasi nalanri anjo pappialingKu nalammotere' ummakKu mae ri Nakke.’

YUNUS 2:8

Tau anynyombaya ri barhala tenaya bua'-bua'na nabokoiKi' siagang tamajarrekami pa'mai'na.

MATIUS 15:8

‘Kammaminne kananNa Allata'ala: Napakala'birikKa' anne taua mingka poro ri bawanaji bawang naia atinna sanna' bellana ri Nakke.

LAMPA-LAMPANA 14:15

“He, angngapa nanugaukang ngasengi anne kammaya? Ikambe anne tau biasa tonjaki' sangkamma ikau ngaseng! Niaki ikambe mae anrinni untu' ampabattui Kabara' Bajika mae ri kau ngaseng, sollanna nubokoi anjo apa-apa tenaya matu-matunna; na nubattu mae ri dallekanNa Allata'ala attallasaka, ampa'jariai langika siagang linoa, kammayatompa tamparanga siagang sikontu apa niaka lalang.

ROMA 1:21

Naassengi rupataua Allata'ala, mingka taerokai rupataua ampakala'biriki salaku Allata'ala, siagang tena todong nappala' sukkuru' ri Ia. Ba'lalo apa-apa tenayaji matu-matunna nanawa-nawa rupataua; a'jari sassammi nawa-nawanna ke'nanga.

PAOLE 32:21

Patung nasombaya ke'nanga a'jari saba' naKularro siagang akkimburuA' mae ri apa naarenga ke'nanga rewata. Kupanaiki larrona ummakKu ri bansa maraenga, sollanna akkimburu mae ri tau dongo'-dongoka.

1 SAMUEL 12:21

Teako amminawangngi ri rewata-rewata tenaya nakkulle antulungko siagang ampasalamakko, nasaba' anjo ke'nanga sikontutojenna apa-apa taena battuanna.