YEREMIA 2:31 - KITTA' MATANGKASA'

³¹ He umma' Israel, pilangngeri anne kana-kanangKu. Maka le'bakKa' a'jari rapang parang lompo mae ri kau yareka rapang butta masassanga? Mingka angngapa nanukana erokko bebasa', siagang taeroka mako ammotere' mae ri Nakke?

YEREMIA 2:31 ပူးပေါင်းရင်းမြစ်များ

1 KARAENG-KARAENG 11:22

Akkuta'nammi karaenga angkana, “Angngapai? Apaka kakurangangko anrinni, sa'gennu ero' ammotere' mange ri pa'rasangannu?” Appialimi Hadad angkana, “Tena nakukakurangang apa-apa, mingka lappassamma' a'lampa.” Jari ammotere'mi mange ri pa'rasanganna.

2 PATTOTTORANG 31:10

nakanamo Imang Lompoa iamintu Azarya jari-jarina Zadok, “Baku'na naerang ra'yaka anjo passarena ngaseng mange ri Balla'Na Batara, tenamo nakakurangang ikambe ri kanre-kanreang; ba'lalo kala'biammi ikambe, sa'genna tuli jaina parsadiaang kanre-kanreanna ikambe. Yangasenna anjo akkullei natarima ikambe lanri Nabarakkakinna Batara Umma'Na.”

AYUB 21:14

Padahala' le'baki angkana ke'nanga ri Allata'ala, ‘BellaKi' anrinni siagang a'lampaKi'! Tanajampangiai ikambe siagang taerokai ikambe ampahangi apa erotTa siagang pattujunTa mae ri tallasa'na ikambe.’

PAMMUJI 10:4

Tu dorakaya tanajampangiai Batara, lanri tampona nanakana tena Allata'ala.

PAMMUJI 12:4

Kipammarimi anjo kana-kana manynyonyo'na ke'nanga, o, Batara, Kitongkoki bawana tu lompo bawaya

PANGNGEBARANG 30:9

Saba', punna kalumanynyanga', gassingka kukana sallang angkana tenamo kuparalluangKi'. Na punna kasi-asia', gassingka a'lukkaka' sa'genna kura'massi arenTa.”

YESAYA 45:19

Tena Kuccokko-cokko a'bicara, yareka a'bicara rahasia. Tena Kusuroi ummakKu Israel sia-sia amboyai KalengKu. INakke, Batara, Makkana tojeng, siagang ampaui apa annabaya.”

YEREMIA 2:20

Nakana Batara, “Sallo mako taeroka anynyomba ri Nakke; taeroka mannuruki yareka mappilangngeri ri Nakke Irate ri tunggala' bulu' tinggia nai', siagang irawanganna poko' kayu lompoa anjorengko anynyomba ri rewata-rewata kacopponganga.

YEREMIA 2:25

He Israel, teako lari mange angngondangi rewata-rewataya, siagang teako ammarrangngi angkioki ke'nanga, kabokkaki sallang bangkennu nakalotoro' karro'-karro'nu napakamma turere. Angkanako, ‘Tena, tena oloku lakkulle ammotere' nasaba' kungaina rewata-rewataya, nakuero' amminawang ri ke'nanga.’ ”

YEREMIA 5:5

Baji'mi nakua'lampa mae ri sikamma tumalompoa, nampa a'bicara siagang ke'nanga. Mattantu naassengi ke'nanga apa Nakaerokia siagang Natuntuka Karaeng Allata'ala battu ri ke'nanga.” Mingka, yangasenna anjo ke'nanga tena todong naero' Niparenta ri Batara; taerokai ke'nanga mannuruki ri Ia.

YEREMIA 5:6

Lanri kammana minjo nalanibuno ke'nanga ri singa battua ri romanga, siagang nikae-kae ri serigala battua ri parang lompoa. A'dete'mi mange-mange macang a'ballanga amboyai lanakanrea ri ampi'na kota-kotana ke'nanga, na sikamma tau assuluka nabakkai ngaseng nakanre. Kajariang ngasengi anjo sikammaya lanri jainamo dosana ke'nanga, siagang a'mole-molemi nabokoi Allata'ala.

YEHEZKIEL 14:5

Sikontu anjo barhalaya napakabellai ummakKu battu ri Nakke, mingka dasi-dasi nalanri anjo pappialingKu nalammotere' ummakKu mae ri Nakke.’

HOSEA 13:6

Mingka ri nia'numo ri pa'rasangang bajika, siagang bassoro' mako kammayatompa sukku'mi nusa'ring, a'jari tampo mako siagang takkaluppa mako mae ri Nakke.

AMOS 1:1

Anjo lapung Amos, iamintu sitau pakalawaki gimbala' battu ri kota Tekoa. Nikioki a'jari na'bi ri wattu niparentana pa'rasangang Yehuda ri Karaeng Uzia, siagang Israel niparentai ri Karaeng Yerobeam, ana'na Yoahas. Ruan taung ri tenanapa nakajariang ta'ge'goso'na buttaya, Napa'nyatai Allata'ala mae ri Amos ri passala'na tu Israel.

MIKHA 6:9

Sanna' baji'na punna mallakki' mae ri Batara. Akkioki mae ri pandudu'na kotaya Nakana, “Pilangngeri, he ikau ngaseng niaka a'rappung ri kotaya!

1 KORINTUS 4:8

Memang tenamo apa-apa nuparalluang pole! Nasaba' akkalumanynyang mako! A'jari karaeng mako! Na ikambe tena. Teai sipato' baji'na ka'de' a'jari karaeng tojeng-tojeng mako, sollanta akkullemo siagang ammarenta.

PAOLE 31:20

LaKuerangi ke'nanga mange ri anjo pa'rasangang kalumanynyanga siagang copponga buttana, sangkamma Kupa'janjianga mae ri boe-boena ke'nanga. Anjorengi ke'nanga lattallasa' siagang sannang siagang anggappai sikamma kanre-kanreang naparalluanga ke'nanga. Mingka kale'bakkanna lata'gilingi ke'nanga nampa anynyomba mae ri rewata-rewata maraenga. LanasorongbokoA' ke'nanga siagang takkaluppai ri parjanjiangKu,

PAOLE 32:15

Umma'Na Batara a'jari kalumanynyang, mingka nangai mangngewa, nasorongbokoi Mappasalama' porea. Co'mo' ngaseng kalenna, lanri bassoro' ri kanre, mingka nabokoi ke'nanga Allata'ala Mappa'jarina.

PAOLE 32:18

Nabokoi ke'nanga Allata'ala Mappasalama'na ke'nanga; nakaluppai Allata'ala assarea katallassang.