YEREMIA 2:28 - KITTA' MATANGKASA'

²⁸ Kemae ngaseng anjo barhala-barhala nupareka? Punna nia' kasukkarang, suromi anjo sikamma barhalaya ampasalamakko' punna akkullei! He Yehuda, anjo rewata-rewatanu sangkammai jaina kota-kotanu!

YEREMIA 2:28 ပူးပေါင်းရင်းမြစ်များ

2 KARAENG-KARAENG 3:13

Nakanamo Elisa ri karaeng Israel, “Angngapa nuppala' tulung ri nakke? A'lampamako mange appala' tulung ri na'bi-na'bina tau toanu!” Appialimi Yoram angkana, “Tena! Nasaba' Batara anrancanakangi untu' ampassareangi anne ikambe sipattallu mae ri karaeng Moab.”

YESAYA 45:20

Nakana Batara, “A'rappung mako siagang battu mako assama-sama, ikau ngaseng tau ta'lappasaka ri bansa-bansaya! Dongoki tau a'balulunga anrurungangi patung kayua, siagang appala' doanga mae ri rewata-rewataya ia tenaya nakkulle appasalama'.

YESAYA 46:2

Anjo patung-patunga takkulleai natulung paeranna, kalenna ke'nanga nilalingi a'jari tahanang. Iaminjo kale'bakkanna ke'nanga.

YESAYA 46:7

Anjo patunga napakui nampa naboli' ri tampa'na, ammenteng anjoreng takkullea a'lette'. Punna appala' doang taua ri ia, tappialiai, natena napasalamaki taua battu ri kasusaanna.

YESAYA 57:13

Punna ammarrangko, lappassammi na napasalamakko anjo patung-patunga! Latappelaki ke'nanga niri'bakang ri anging siagang lalanynyaki lalang sipa'maikang nappasa' bawang! Mingka tau a'la'langa mae ri Nakke lanawarisiki anjo pa'rasanganga siagang anynyomba mae ri Nakke ri BallakKu.”

YEREMIA 1:16

LaKuhukkungi ummakKu, lanri dorakai ke'nanga siagang nabokoiA'. Assaremi ke'nanga koro'bang mae ri rewata-rewata maraenga, kammayatompa appare'mi ke'nanga patung-patung nampa nasomba.

YEREMIA 11:12

Nampa a'lampa tu Yehuda siagang pandudu'na Yerusalem mange appala' tulung ri rewata-rewata maraeng napakalompoa assare koro'bang. Tena nalanakulle anjo rewata-rewataya ampasalamaki ke'nanga ri wattunna battu balaya.

YEREMIA 11:13

Jai sikali rewata-rewatana tu Yehuda, sangkamma jaina kota-kotana ke'nanga. Pandudu'na Yerusalem appaentengi tampa'-tampa' pakkorobangngang sangkamma jaina agang-agang ri kota Yerusalem untu' assare koro'bang mae ri Rewata Baal.

YEREMIA 30:7

Battumi allo sannaka heba'na, allo tenaya sangkammanna. Untu' ummakKu, anjo alloa appakalussaki; mingka laKupasalamaki ke'nanga.”

YEREMIA 37:19

Kemae anjo sikamma na'bita le'baka angkana tena nalabattu karaeng Babel ambundukiki' karaeng siagang anne pa'rasanganga?

HOSEA 10:1

Israel rapangi poko' anggoro' roasaka rapponna. Pila' katambangi kalumanynyanna, pila' jai tongi tampa' pakkoro'bangnganga napareka. Pila' kalumanynyangi, pila' baji' tongi patung-patunna barhala nasombaya.

HABAKUK 2:18

Nitunraiko ikau! Nukana mae ri kayu sipolonga, “Ambangnungko!” yareka mae ri batu lompoa angkana, “Ammentengko!” Maka akkullei se'rea patung a'bicara mae ri kau? Nakulle anjo patunga nilapisiki bulaeng siagang pera', mingka tena nyawa ri ia. Apa matu-matunna patung barhalaya? Anjo poro bate pare'na rupataua. Apa nugappaya battu ri ia poro balle-balle bawang. Tena bua'-bua'na katappakkanna papare' barhalaya mae ri bate pare' limanna, tenaya nakkulle appau.

PAOLE 32:37

Lakkuta'nangi Batara mae ri umma'Na, ‘Kemae rewata-rewata assarea pa'la'langngang?’

HAKING-HAKING 10:14

A'lampamako mange ri anjo rewata-rewata le'baka nupile. Akkio'mako mae ri ke'nanga! Boli'mi kamma naanjo ke'nanga antulungko ri wattu lalannu ri kasukkaranga.”