YEREMIA 2:19 - KITTA' MATANGKASA'

¹⁹ Kaja'dallannu tonji anghukkungi kalennu, nisessako lanri nusorongbokoA', iNakke, Allata'alanu. Kamma-kamma anne kasia'mi pai'na siagang paccena punna nubokoiA' siagang tena nupakalompoA'. INakke, Karaeng Allata'alanu anne le'ba' a'bicara; iNakkemi Karaeng Allata'ala Kaminang Tinggia siagang Makoasaya.”

YEREMIA 2:19 ပူးပေါင်းရင်းမြစ်များ

1 KARAENG-KARAENG 18:18

Appialimi Elia angkana, “Teai inakke tau apparicua, mingka kalenna karaenga. Ikattemi siagang kaluargata apparicu. Lanri anynyombata ri barhala-barhala Baal, kidakkaimi parenta-parentaNa Batara.

2 PATTOTTORANG 12:5

Anjo wattua Karaeng Rehabeam siagang sikamma pamimpinna Yehuda nia'mi a'rappung ri Yerusalem lanri lari ke'nanga alliliangi Karaeng Sisak. Battumi Na'bi Semaya mae ri ke'nanga nampa angkana, “Kamma anne kananNa Batara, ‘Ikau ngaseng nubokoiA', jari kamma-kamma anne Kubokoi tommako, sa'gennu nikoasaimo ri Sisak.’ ”

2 PATTOTTORANG 21:10

Baku'na anjo wattua tenamo natundu' Edom mae ri Yehuda. Iatommi anjo wattua nangngewa tommo taua ri kota Libna. Kajariang ngasengi anjo sikammaya lanri Yehoram nabokoimi Batara, Allata'ala, nisombaya ri boe-boena.

2 PATTOTTORANG 25:16

Nakanamo Amazia, “Tongkoki bawanu! Punna tena kubunokontu! Tena le'bakaki' anne angngangkakko a'jari guru mae ri karaenga!” Jari a'merekimi anjo na'bia. Mingka rioloanganna anggappai kasampatang angkana, “Kamma-kamma anne kuassemmi angkanaya le'ba'mi Napattantu Allata'ala angkanaya laNaancurukki' lanri anjo panggaukanta, siagang lanri tenana kijampangi pappakaingakku.”

PAMMUJI 36:1

Untu' pamimping pakelong. Battu ri Daud, atanNa Batara.

PANGNGEBARANG 1:31

Lanri kammana, lanukasia' ngasengi sallang kale'bakkanna sikamma panggaukang-panggaukannu siagang rancana-rancana kodinu.

PANGNGEBARANG 1:32

Tau tenaya pangalamanna lamatei lanri tanajampangia', kammayatompa tau toloa laancuruki lanri tanajampangia'.

PANGNGEBARANG 5:22

Anjo dosana tau ja'dalaka sanrapangi sikko' tattannanga untu' kalenna tonji ke'nanga.

YESAYA 3:9

Sipa' borrona ke'nanga ampa'nassai kaja'dallanna ke'nanga. A'nassa-nassai ke'nanga doraka sangkamma tu Sodom riolo. Cilakami ke'nanga! Kalenna tonji ke'nanga ampabattui cilakaya mae ri kalenna.

YESAYA 5:5

Kammaminne laKugaukang ri anjo koko anggorokKu: LaKubi'buki kalli'na angkulilingiai, laKurumbangi tembo' niaka angkalliki, nampa Kubalang parekang napanraki olo'-olo' sekke' siagang naonjo'-onjokang.

YESAYA 50:1

Nakana Batara ri Israel, “He ummakKu, nukapangi angkana Kubongkako rapang se'rea bura'ne ambongkai bainenna? Punna kamma, kemae sura' talla'na? Nukapangi angkana Kubalukangko, rapang sitau mangge ambalukangi ana'na mae ri tau assingaraka pappiinrang? Tena! Nitahangko siagang nipelakko, lanri dosanu siagang kaja'dallang kalennu!

YEREMIA 1:16

LaKuhukkungi ummakKu, lanri dorakai ke'nanga siagang nabokoiA'. Assaremi ke'nanga koro'bang mae ri rewata-rewata maraenga, kammayatompa appare'mi ke'nanga patung-patung nampa nasomba.

YEREMIA 13:22

Gassingka akkuta'nangko angkana angngapa nabattu ngaseng anjo sikammaya antujuko, angngapa nanikae pakeannu siagang angngapa nanigau' bawangko. Parallui nuasseng angkanaya nakajariang anjo sikammaya lanri lompo duduna dosanu.

YEREMIA 2:17

Kalennu tonji a'jari passabakkang sikontu apa kajarianga mae ri kalennu, lanri ri wattunnu Kuulu ri pa'jappannu, ma'bokoko ri Nakke, Karaeng Allata'alanu

YEREMIA 3:22

He ikau ngaseng sikontu tau ambokoiyai Batara, ammotere' mako! LaNapammolleko battu ri garrinnu, siagang laNapa'jariko majarre' ri pa'mai'nu. Nukana ngaseng, “Iyo, kamma-kamma anne ammotere'mi ikambe mae ri Batara, nasaba' Iami Allata'alana ikambe.

YEREMIA 4:18

Yehuda, kalennu tonji ampabattui anjo balaya mae ri kalennu. Batenu attallasa' siagang sikamma panggaukannu a'jari passabakkang mae ri sikontu anjo passessa ampa'rissiai atinnu.

YEREMIA 5:22

INakke Batara; angngapa natena numalla' ri Nakke? Mustina annekkerekko mae ri Nakke! INakke ampa'jari biring tamparanga a'jari pa'baeng-baeng tamparang tenaya nakkulle nilaloi sa'genna satunggu-tungguna. Tamparanga akkullei lompo bombanna siagang a'jallo' bombanna, mingka takkulleai nalalo anjo pa'baeng-baenga.

YEREMIA 5:24

Tena le'bakako angngu'rangi untu' ampakalompoA', padahala' iNakke appabattu bosi, baji' naripakaramulanna kammayatompa narikala'busanna baraka. INakke todong assareko wattu pakkattoang tunggala' taung.

YEREMIA 5:6

Lanri kammana minjo nalanibuno ke'nanga ri singa battua ri romanga, siagang nikae-kae ri serigala battua ri parang lompoa. A'dete'mi mange-mange macang a'ballanga amboyai lanakanrea ri ampi'na kota-kotana ke'nanga, na sikamma tau assuluka nabakkai ngaseng nakanre. Kajariang ngasengi anjo sikammaya lanri jainamo dosana ke'nanga, siagang a'mole-molemi nabokoi Allata'ala.

YEREMIA 7:19

Mingka sikontutojenna, teai iNakke napa'risi ke'nanga, passangalinna kalenna tonji ke'nanga, sa'genna siri'-siri' nakasia' ke'nanga.

YEREMIA 8:5

Mingka angngapa naikau, ummakKu, tulusu' ammengkanu siagang tulusu' a'bokonu ri Nakke? Anna'gala' jarrekko mae ri barhalanu, siagang taerokako ammotere' mae ri Nakke!

YEHEZKIEL 23:30

ampabattui mae ri kau anjo sare kodi kammaya. A'jari pasundalakko mae ri bansa-bansaya, na nura'massi kalennu siagang barhala-barhalana ke'nanga.

YEHEZKIEL 39:24

Kugaukangi mae ri ke'nanga simbattala' siagang kara'massang siagang kaja'dallanna ke'nanga, nampa Kubokoi ke'nanga.”

HOSEA 11:7

siagang terasa'na nyawana ero' ambokoiA'. Jari lanijallakkangi ke'nanga, mingka tena lakkulle allappassangi ke'nanga manna pole nammarrang ke'nanga appala' tulung.”

HOSEA 13:9

LaKuancuru' kabusukko, he bansa Israel! Nampa inai kutadeng akkulle antulungko?

HOSEA 14:1

Samaria musti nihukkungi lanri angngewana ri Nakke. Lamatei ra'ya'na lalang pa'bundukanga; ana'-ana' lolona lanilissaraki, siagang bai'-baine tiananga lanipuei battanna.”

HOSEA 4:16

Ikau ngaseng, he tu Israel, sanna' kapala batunu ngaseng! Antekamma bateKu langkalawakiko sangkamma gimbalaka ri parang rukuka?”

HOSEA 5:5

A'nassai nicini' katampoanna bansa Israel, siagang a'jari buttimi ri kasalanna. Dosana ke'nanga a'jari saba' natatto'ro siagang tu'guru', siagang bansa Yehuda tu'guru' tommi siagang ke'nanga.

HOSEA 7:2

Tena le'bakai ammumba ri pikkiranna ke'nanga angkanaya laKuu'rangi ngasengi anjo sikontu kaja'dallanna ke'nanga. Mingka katongkokangi ri dosa-dosana ke'nanga sa'genna a'nassai Kucini'na.”

HOSEA 9:1

He bansa Israel, tea' mako pakalompoi pole allo-allo lomponu sangkamma bansa-bansa maraenga. Nubokoimi Allata'alanu siagang tenamo namajarre' pa'mai'nu mae ri Ia. Ri tampa'-tampa' panggilingang gandunga nubalukangi kalennu a'jari rapang pasundala' mae ri Rewata Baal, siagang sannangi nyawanu antarimai gandung nukanaya sawala' nugappa battu ri anjo rewataya!

AMOS 8:10

Sikamma passua'-suarrannu laKupinrai a'jari kasusaang, siagang kelong-kelonnu a'jari karru'. LaKupa'jariko ikau ancukkuruki kalennu siagang ammakeko kaeng karung tanra si'na. Rapangko anrong mangge angkarruki kamateanna ana' sitau-tauna. Anjo alloa lakala'busangi a'jari allo sanna' appakasi'nana pa'mai'.”

MIKHA 1:5

Yangasenna anjo lakajariangi lanri dorakai tu Israel siagang angngewai ri Allata'ala. Inai passabakkang nadoraka tu Israel? Sai Samaria ibukotana tonji? Inai passabakkang nanynyomba tu Yehuda ri barhalaya? Sai Yerusalem tonji?

ZAKHARIA 7:11

Mingka kapala batui ummakKu siagang tena sikali naero' mappilangngeri; natongkoki tolinna ke'nanga sollanna tena nallangngere'.

ROMA 3:18

siagang tenamo napakala'biriki Allata'ala.”

HAKING-HAKING 10:13

Mingka manna nakamma, ba'lalo nubokoi tonjA' nunampa mange anynyomba ri rewata-rewataya. Kamma-kamma anne taerokaMa' allappassangko.