YEREMIA 2:18 - KITTA' MATANGKASA'

¹⁸ Apa nusawala' a'lampa mange ri Mesir? Ero' angnginungi je'ne'na Binanga Nil? Apa nusawala' a'lampa mange ri Asyur? Ero' angnginungi je'ne'na Binanga Efrat?

YEREMIA 2:18 ပူးပေါင်းရင်းမြစ်များ

2 PATTOTTORANG 28:16

Appakkaramulami pole tu Edom ambunduki tu Yehuda nampa jai tu Yehuda natahang ke'nanga. Lanri kammana anjo appala'mi bantuang Karaeng Ahas mae ri Tiglat-Pileser, karaeng Asyur, sollanna akkiring bantuang.

YESAYA 31:1

Cilakai tau a'lampaya mange ri Mesir appala' bantuang! Napattoangi ke'nanga kagassinganna tantarana tu Mesir siagang pasukang padongko' jaranna, kammayatompa kassa'na ngaseng jaranna siagang jaina kareta bundu'na. Mingka tena natappa' ke'nanga ri Batara, Allata'ala matangkasa'na Israel, siagang tena nappala' bantuanNa.

YESAYA 7:20

LaNasewai Batara karaeng Asyur anggauki Israel rapang tukang cukkuru' ancukkuru' ngasengi uu'na siagang sikamma bulu-bulu kalenna tu Israel.

YEREMIA 2:36

Linta' sikaliko a'lampa mange ri rewata-rewatana bansa maraenga untu' appala' tulung! Mattantu lanipakala'bai nyawanu ri tu Mesir, sangkamma batenu nipakala'ba nyawanu ri tu Asyur.

YEREMIA 31:22

Siapapi sallonu tuli ranggasela, he bansa tenaya namajarre' ri Nakke? Appa'jariMa' apa beru ri lino, apa appakalannasaka – rapang baine nila'langngi ri bura'ne.”

PIRAUNG 4:17

Mangngammi matanna ikambe attayang pannulung tenaya nabattu-battu. Manrannuangi ikambe ri pannulunna senreang bansa, mingka tenaya nakkulle assare apa-apa.

PIRAUNG 5:6

A'lampai ikambe appala'-pala' ri Mesir, appala'-pala' kanre ri Asyur.

YEHEZKIEL 16:28

Mingka tenapa nasangga nusa'ring pakkasia'nu; lanri kammana anjo, nuondang-ondangi pole tu Asyur. A'jariko pasundala'na ke'nanga, mingka tena tompa nasangga nusa'ring pakkasia'nu mae ri ke'nanga.

YEHEZKIEL 17:15

Mingka karaeng Yehuda angngewai siagang akkiringi tau mange ri Mesir untu' appala' jarang siagang tantara jai. Maka lania' wassele'na anjo usahana? Maka lanilappassangi ta'lappasa'? Tena olona lanadakkai parjanjianga natena nanihukkungi!

YEHEZKIEL 23:30

ampabattui mae ri kau anjo sare kodi kammaya. A'jari pasundalakko mae ri bansa-bansaya, na nura'massi kalennu siagang barhala-barhalana ke'nanga.

HOSEA 5:13

Bansa Israel siagang bansa Yehuda nasadari kakodianna sarenna. Jari a'lampami tu Israel mange appala' bantuang battu ri Asyur, battu ri karaeng lompoa. Mingka anjo karaenga takkulleai antulungi yareka ampakabajiki katallassanna ke'nanga.

HOSEA 7:11

Anrai' kalauki a'lampa tu Israel rapang jangang-jangang bodobangkeng toloa. Uru-uruna a'lampai taunna mange ri Mesir appala' bantuang, nampa lari mange ri Asyur.

YOSUA 13:3

kammayatompa sikontu daera Awi a'lampa timboro'. (Daera battu ri Binanga Sikhor ri pa'baeng-baenna Mesir sa'genna mange ri pa'baeng-baenna Ekron ri bageang wara', yangasenna anjo antamaki daerana bansa Kanaan; siagang karaeng-karaenna tu Filistin ammantangi ri Gaza, Asdod, Askelon, Gat siagang Ekron.)